1 Samuẹl 15:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Samuẹl de vrẹn vwẹ irhiọke ride ra vwa Sọl; a da vuẹ Samuẹl nẹ Sọl kpo Kamẹl, nighere, ọ ra vwẹ osusu vi kẹ oma rọye o de rhivwi, ọ da wan yanran, re te Gilgal.

1 Samuẹl 15:12 ပူးပေါင်းရင်းမြစ်များ

Jẹnẹsis 21:14

Kọye Ebraham de vrẹn vwẹ irhiọke ride, ọ da reyọ ikara vẹ ophiẹn rẹ ame, ọ da vwọ kẹ Hagar, ọ da vwọ ya igabọ, kugbe ọmọ na, o de ji ayen yanran. O de vrẹn yanran ko di muẹ yan vwẹ aghwa ri Bẹẹrsheba.

2 Samuẹl 18:18

Absalọm ọke rọ vwọ hẹ akpọ ọ da ma osusu rẹ oragha kẹ oma rọye vwẹ ushokpotọ rẹ ovie, fikiridie ọ tare, nẹ, Mi vwo ọmọ ra vwọ karophihọ odẹ mẹ-ẹ, e de se nẹ ẹkarophihọ rẹ Absalọm rhi te nonẹ na.

2 Samuẹl 23:35

Hezro ri Kamẹl, Farai ri Arbit

1 Ivie 18:42

Ọtiọye Ehab da yanran ra re ra da. Ilaija da yanran kpo obenu ri Karmel; o de rhuẹ kpotọ, ọ da vwẹ opharo hwa asan igbo rọye.

2 Ikun rẹ Ivie 26:10

Ọ da bọn ehẹrhẹ phihọ obo aghwa ọ da tọn ikpotọ buebu, kidie o vwo ekru rẹ uchuru ride, vwẹ obo Shẹfela ji kugbe obo uphẹphẹ, o de vwo eghwẹrẹ kugbe ihwo rẹ rhuẹrẹ vain vwẹ obo igbenu na kugbe etọ ri yovwẹ emu na, kidie udju evoro vwerhọ.

Joshua 15:55

Maon, Karmel, Zif, Juttah,

1 Samuẹl 13:12

Me da ta, Asakiephana ihwo ri Filistia na cha họrhọ bru vwe rhe vwi Gilgal, ye me je nọ ekpẹn rẹ ẹroesiri rẹ Ọrovwohwo-o, kọye me da gba oma mẹ, mi de ze izobo rẹ ẹtorhẹ na.

1 Samuẹl 13:15

Etiyin Samuẹl de vrẹn, nẹ Gilgal kpo Gilbeah ri Bẹnjamin. Sọl de keri ihwo re hẹ etiyin, e joma te ujori esan.

1 Samuẹl 17:20

Devid de vrẹn vwẹ irhiọke ride, o da yan jẹ igodẹ rọye vwo kẹ osun, ọ da reyọ ọko na, ọ da yanran, kirobo ri Jesse ji urhi kẹ, o de rhi te asan erhọn na vwẹ ọke rẹ ayen ra vwọ karedje rẹ ofovwi, ayen ra va iraghwo.

1 Samuẹl 25:2

Ọshare ọvo da herọ vwi Maon, ro vwo iruo vwi Kamẹl. Ọshare na feri gangan; o vwẹ igodẹ uriori erha kugbe ẹvwe uriori. ọ ro bru ẹto rẹ igodẹ vwi Kamẹl.

1 Samuẹl 7:12

Etiyin Samuẹl da reyọ oragha o de vwo vi uvwre ri Mizpah vi Jẹshanah, o de se odẹ rọye Ẹbẹnizar, kidie ọ tare nẹ, Etinẹ na Ọrovwohwo da cha avwanre uko.