1 Samuẹl 14:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Jonatan da ta kẹ emeghele rọ ghwa ekuakua rẹ ofovwi rọye na, Yanrhe, jẹn a wanvrẹn kpo obo unuofovwi rẹ ihwo rẹ upheruphe na; ọkeọvo Ọrovwohwo che ru iruo kẹ avwanre; kidie emuọvo sa da Ọrovwohwo obọ ji ro vwo sivwi-i owenẹ oburu eyẹ ọhavweree.

1 Samuẹl 14:6 ပူးပေါင်းရင်းမြစ်များ

2 Samuẹl 1:20

Wọ ta vwi Gat rẹ, we ghwoghwo vwẹ irhuvwu rẹ Ashkẹlọn rẹ; emetẹ ri Filistia da ghọghọ, emetẹ rẹ ihwo rẹ upheruphe na de mu oma kpenu.

2 Samuẹl 16:12

Ariẹnre-e Ọrovwohwo me mrẹ ọdjarhe re me epha, Ọrovwohwo da vwẹ ẹroesiri rọye kẹ vwẹ vwẹ oma rẹ iyori ro duvwu vwẹ nonẹ na,

Ivie rẹ Ivẹ 19:4

Siẹvo yẹn Ọrovwohwo Ọghẹnẹ wẹn nyo eta ejobi ri Rabshake, rẹ onini rọye ovie rẹ Asiria ji rhe rhe ta vwọ reyọ Ọghẹnẹ ro vwo arhọ vwọ jehwẹ, kẹ Ọrovwọhwo Ọghẹnẹ wẹn na ọvo cha oja rẹ ota rẹ o nyori na; fiki rẹ ọtiọye na gba nẹ ẹrhovwo kẹ umuku ra yan jovwo na.

2 Ikun rẹ Ivie 14:10

Asa da yanran ra vwa, ayen de mu ofovwi na chivwi vwẹ iyara ri Zefata vwi Maresha.

2 Ikun rẹ Ivie 14:11

Asa de kperi se Ọrovwohwo Ọghẹnẹ rọye, E Ọrovwohwo, o vwo ohwo ọfa kerẹ owẹ rọ sa cha ohwo uko-o, vwẹ uvwre rẹ ọgba vẹ ọvwiẹre. Cha avwanre uko, Ọrovwohwo Ọghẹnẹ rẹ avwanre, kidie ma vwẹ ẹro so owẹ, odẹ wẹn avwanre vwo bru urogho nana rhe. E Ọrovwohwo wẹ Ọghẹnẹ rẹ avwanre; wo jẹn ohwo rẹ akpọ phi we kparobọ-ọ.

Une rẹ Ejiro 135:6

Obo ri jẹ Ọrovwohwo ọye o ruẹ, vwẹ odjuvwu vẹ akpọ na, vwẹ evun re abadi vẹ ikokodo ejobi.

Jerimaya 9:23

Enẹ Ọrovwohwo tare: E jẹn ọvwaghwanre yoma rẹ aghwanre rọye-e, e jẹn ọgba vwẹ ẹgba rọye yoma-a, e jẹn ọdafe vwẹ efe rọye yoma-a,

Jerimaya 9:25

Nighe, ẹdẹ cha vwobọ eriyin Ọrovwohwo na tare, ri mi che vwo hwe otu re yanvwere dede na ayen je hẹ upheruphe.

Jerimaya 9:26

Ijipt, Juda, Idọm, emọ rẹ Ammọn, Moab, kugbe otu re dia aton ejobi ri bru akakọ rẹ ẹto rayen, kidie ẹgborho nana yanvwere-e a je yanvwe uwevwi rẹ Izrẹl ejobi vwẹ udu-u.

Emọs 5:15

Tuoma rẹ umwemwu, guọnọ emu esiri, wọ bro omamọ orhiẹn vwẹ anurhoro, ọke ọvo Ọrovwohwo, Ọghẹnẹ rẹ otuofovwi na, kọ sa re ehrọre rẹ umuku ri Josẹf ro chekọ na.

Zẹfanaya 2:3

Guọnọ Ọrovwohwo na, ovwan ihwo dẹndẹn re dia otọ na, re yọnrọ irhi rọye, guọnọ ovwata, guọnọ omaevwokpotọ; ọkeọvo se se si we nu vwẹ ẹdẹ rẹ ophu rẹ Ọrovwohwo na.

Zekaraya 4:6

Etiyin ọ da ta kẹ vwẹ, Ọnana ota rẹ Ọrovwohwo ta kẹ Zerubabẹl: Ọdia ẹgba-a, yẹrẹ oganga-an, ẹkẹvuọvo Erhi Mẹ, Ọrovwohwo rẹ otuofovwi tarọ.

Ukeri 10:32

Ọ da dianẹ wọ vẹ avwanre rare, obo ri yovwiri ejobi rẹ Ọrovwohwo che ru kẹ avwanre, ọtiọye rhe avwanre ji ru kẹ ovwan.

Ukeri 31:4

Wo ji ihwo uriori nẹ orua ọvuọvo rẹ Izrẹl na kpo ofovwi na.

Matiu 19:26

Ri Jesu vwo ni ayen ọ da ta kẹ ayen nẹ, Ihwo ọye ona bẹn kẹ; ẹkẹvuọvo ọ sa bẹn kẹ Ọghẹnẹ-ẹ.

Ọbe ri Pọl si rhe Ihwo ri Rom 8:31

Kidie a mre ta kpahe ọnana? Ọ da dianẹ Ọghẹnẹ vẹ avwanre obọ, kono se mukpahe avwanre?

Urhi Rivẹ 32:30

Mavọ ohwo ọvo ru djẹ uriori, ihwo ivẹ da sa nẹrhẹ uriori ihwe djẹ, jokpa nẹ Oragha rayen shẹ ayen, rẹ Ọrovwohwo na da sen ayen?

Filipae 3:3

Avwanre hẹ ihwo re yanvwe omamọ rẹ oyanvwe na, re gọ Ọghẹnẹ vwẹ erhi, ri vwi Kristi Jesu vwọ yan eyan, re vwẹ ẹro so ugboma-a.

Joshua 14:12

Ọtiọye na gba kẹ vwẹ orho rẹ ugbenu na rẹ Ọrovwohwo tare vwẹ ẹdẹ yena; kidie we nyori nẹ ihwo rẹ Anak re dia etiyin, vẹ irere ride ra gba ogba riariẹ, o mu vwẹ ẹro nẹ Ọrovwohwo vẹ ovwẹ herọ, ke me djẹ ayen no kirobo rẹ Ọrovwohwo tare na.

Iguẹdjọ 15:18

Urhuru rẹ ame de rhi hwe gangan, o de kperi se Ọrovwohwo tanẹ, Wẹ ri phi ogangan rode re esivwo phihọ obọ rẹ odibo wẹn, urhuru rẹ ame gbe hwe vwe ghwu, rere mi she phihọ abọ rẹ ihwo ri jeyanvwọ na?

1 Samuẹl 14:5

Abọ ri chohri chohri ọvo de mu kpenu vwẹ obọhwẹre vwẹ obaro ri Mikmash, Ọrivẹ de rhe mu kpenu vwẹ obọrhe ọnre vwẹ obaro ri Geba.

1 Samuẹl 14:7

Ọ rọ ghwa ekuakua rẹ ofovwi rọye na da ta kẹ, Ru emu ejobi rẹ udu wẹn ta kẹ wẹ ni wo ru; nighe, me vẹ owẹ herọ, obo rẹ udu wẹn epha eriyin ọmẹ je epha.

1 Samuẹl 17:26

Devid da ta kẹ ihwo ri mudia kẹrẹ, kidie e ru kẹ ohwo ro hwe ohwo re Filistia nana, ro de si ehwẹjẹ nẹ Izrẹl oma? Kono upheruphe nana ohwo ri Filistia nana, ro gbobọ se unuofovwi rẹ Ọghẹnẹ ri bẹdẹ na?

1 Samuẹl 17:36

Odibo wẹn hwe ikpohrokpo kugbe ikorhi; upheruphe nana ohwo ri Filistia kọ họhọ ọvo vwẹ usun rẹ ayen, kidie o gbobo se unuofovwi rẹ Ọghẹnẹ ri bẹdẹ na.

1 Samuẹl 17:46

Nonẹ na Ọrovwohwo ko phi we phihọ obọ mẹ, ke me ghwiẹ wẹ she, ke me fian uyovwi nẹ uwe; ke me vwẹ irivwi rẹ urogho rẹ ihwo ri Filistia na vwọ kẹ emephran rẹ obenu na kugbe eranvwe rẹ aghwa na nonẹ; re akpọ na ejobi riẹn nẹ Ọghẹnẹ ghine hẹ Izrẹl na,

1 Samuẹl 17:47

Ọghwẹgbe nana kọ riẹn nẹ Ọrovwohwo vwẹ ọlọkọ vẹ oshue vwọ sivwẹ-ẹ; kidie ofovwi na ọ rẹ Ọrovwohwo ko phi we phihọ obọ mẹ.

1 Samuẹl 31:4

Etiyin Sọl da ta kẹ ohwo rọ ghwa ekuakua rẹ ofovwi rọye, Yoro ọlọkọ wẹn ru wo duvwu uvwe fi, ọ rha dia eriyi-in otu rẹ upheruphe ki che duvwu uvwe fi, kẹ ayen cha vwẹ ovwẹ jodẹ. Ẹkẹvuọvo ọ rọ ghwa ekuakua rẹ ofovwi rọye na gbi yivwi ruo-o; kidie oshọ muro gangan. Ọtiọye na Sọl reyọ oda rẹ obọ rọye o de vwo duvwu oma rọye hwe.