1 Samuẹl 14:51 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵¹ Kish ọye ọsẹ ri Sọl, Ner rẹ ọsẹ rẹ Abner na ke rha hẹ ọmọ rẹ Abiẹl.

1 Samuẹl 14:51 ပူးပေါင်းရင်းမြစ်များ

1 Samuẹl 14:50

Odẹ rẹ aye ri Sọl ke Ahinoam ọmọtẹ rẹ Ahima-az. Odẹ rẹ onotu rẹ ofovwi rọye kẹ Abner ọmọ ri Ner, oniọvo rẹ ọsẹ ri Sọl;

1 Samuẹl 26:5

Etiyin Devid de vrẹn o de rhi te asan ri Sọl muerhọn phihọ na, Devid da mrẹ asan ri Sọl sherhẹ phihọ, vẹ Abner rẹ ọmọ ri Ner, onotu rẹ unuofovwi rọye; Sọl de sherhẹ vwẹ uherevie rẹ erhọn na, yẹ unuofovwi na ejobi muerhọn riariẹ phihọ.

1 Samuẹl 9:1

Ohwo rẹ orua ri Bẹnjamin ọvo herọ odẹ rọye Kish, ọmọ rẹ Abiẹl, ọmọ ri Zẹrọr, ọmọ ri Bẹkọrat, ọmọ rẹ Afiah, ohwo rẹ orua ri Bẹnjamin, ohwo na ọdafe;

1 Samuẹl 9:21

Sọl da kpahe, Me dia ohwo ri Bẹnjamin, orua rọ ma hanvwe ejobi vwẹ Izrẹl na? ọ dia ekru me re je ma hanvwe vwẹ ekru ri Bẹnjamin na? Kidie sorọ wọ vwọ ta ota kẹ vwẹ vwẹ idjerhe ẹtiọna?