1 Samuẹl 14:50 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵⁰ Odẹ rẹ aye ri Sọl ke Ahinoam ọmọtẹ rẹ Ahima-az. Odẹ rẹ onotu rẹ ofovwi rọye kẹ Abner ọmọ ri Ner, oniọvo rẹ ọsẹ ri Sọl;

1 Samuẹl 14:50 ပူးပေါင်းရင်းမြစ်များ

2 Samuẹl 2:8

Asakiephana Abner rẹ ọmọ ri Ner, onotu rẹ ofovwi ri Sọl, da reyọ Ishboshet ọmọ ri Sọl, ọ da vwọ rhe Mahanaim,

2 Samuẹl 3:27

Abner ri vwo hirhe te Hebrọn, Joab de se phihọ akakọ kpo ughere rere ọbẹbẹ nene ta omota, etiyin o de duvwo evun o de ghwu, fiki rẹ ọbara rẹ Asahẹl rẹ oniọvo rọye.

2 Samuẹl 3:38

Ovie da ta kẹ idibo rọye nẹ, Wa riẹnre nẹ osun kugbe okpohwo ri ghwuru vwẹ Izrẹl nonẹ na?

2 Samuẹl 3:6

Rẹ ofovwi vwọ hẹ uwevwi ri Sọl vẹ uwevwi ri Devid re, Abner de rhi ru oma rọye gan vwọ kẹ uwevwi ri Sọl.

1 Ikun rẹ Ivie 26:28

kugbe emu ejobi ri Samuẹl rẹ ọmraro, kugbe Sọl rẹ ọmọ rẹ Kish, kugbe Abna rẹ ọmọ ri Ner, kugbe Joab ọmọ rẹ Zeruya rufon na, a da vwẹ ayen kẹ Shelomọt vẹ imoni rọye yọnre.

1 Ikun rẹ Ivie 27:21

vwọ kẹ ubro ri Manasse vwi Gilead, Ido ọmọ ri Zakarayah; vwọ kẹ Benjamin Jasiẹl, ọmọ rẹ Abna;

1 Samuẹl 10:14

Oniọvo rẹ ọsẹ ri Sọl da ta kẹ vẹ odibo rọye, Tivọ wọ rare? ọ da ta, Avwanre ra guọnọ ekẹtẹkẹtẹ na; ọke rẹ avwanre rha mrẹ aye-en, kẹ avwanre kpo obo ri Samuel.

1 Samuẹl 17:55

Ọke ri Sọl vwọ mrẹ Devid ro bru ohwo ri Filistia na ra, ọ da ra kẹ Abner, onotu rẹ unuofovwi rọye, Abner, ono vwo emeghele nana? Abner da ta, Obo rẹ ẹnwẹn wẹn herọ na, E ovie, Me sa ta-a.

1 Samuẹl 26:5

Etiyin Devid de vrẹn o de rhi te asan ri Sọl muerhọn phihọ na, Devid da mrẹ asan ri Sọl sherhẹ phihọ, vẹ Abner rẹ ọmọ ri Ner, onotu rẹ unuofovwi rọye; Sọl de sherhẹ vwẹ uherevie rẹ erhọn na, yẹ unuofovwi na ejobi muerhọn riariẹ phihọ.