1 Samuẹl 14:47 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴⁷ Ọke ri Sọl rhe vwọ re uvie vwẹ Izrẹl nu, ọ da họnre ivwighrẹ rọye vwẹ abọ kabọ ihwo ri Moab, ihwo rẹ Ammọn, ihwo rẹ Edọm, ivie ri Zobah, kugbe ihwo ri Filistia; kasan kasan rọ họnre te o mi phi ayen kua.

1 Samuẹl 14:47 ပူးပေါင်းရင်းမြစ်များ

Jẹnẹsis 19:37

Ọ rẹ ọkpako na de vwiẹ ọmọshare, o de se odẹ rọye Moab, kọye ọsẹ rẹ ihwo ri Moab rhi te nonẹ na.

Jẹnẹsis 19:38

Ọ rẹ otete de ji vwiẹ ọmọshare, o de se odẹ rọye Ben-ammi, kọye ọsẹ rẹ ihwo rẹ Ammọn rhi te nonẹ na.

Jẹnẹsis 36:1

Enana uvwiẹ rẹ Isọ (kọye Idọm).

Jẹnẹsis 36:19

Enana eye emọ rẹ Isọ (kọye Idọm), enana keye ilori rayen.

Jẹnẹsis 36:8

Kọye Isọ da dia orere rọ enu rẹ ugbenu ri Seir; Isọ na kọye Idọm.

2 Samuẹl 1:22

Nẹ ọbara rẹ ihwo re hweri, nẹ ivwri rẹ ọgba, umurhabọ ri Jonatan gbaprẹ-ẹ, ọlọkọ ri Sọl fiabọ-ọ.

2 Samuẹl 10:6

Rẹ ihwo rẹ Ammọn rhe vwọ riẹn nẹ ayen gbo hwe Devid, ihwo rẹ Ammọn de re durhie ihwo ri Siria ri Bẹtrehọb, kugbe Siria ri Zobah, isodje uriori uje re vwẹ owọ yan, kugbe ovie ri Maakah vẹ ihwo uriori kugbe ihwo ri Tọb, uriori ihwivẹ.

2 Samuẹl 8:15

Devid da re uvie vwẹ enu rẹ Izrẹl ejobi, Devid de guẹdjọ rẹ ọsoso vẹ abavo rẹ ihwo rọye.

2 Samuẹl 8:3

Devid de phi Hadadezar, rẹ ọmọ ri Rehob, ovie ri Zobah kparobọ, rọ vwọ yanran ra vwẹ ogangan rọye mu vwẹ urhie ri Yufretis.

1 Ivie 11:23

Ọghẹnẹ da je vwẹ ukọn ọfa vwọ suọ, Rezọn ọmọ rẹ Eliada, rọ djẹ nẹ obọ rẹ onini rọye Hadadezer ovie ri Zobah.

Ivie rẹ Ivẹ 14:27

Ẹkẹvuọvo ọ dianẹ Ọrovwohwo tare nẹ ọye phoro odẹ rẹ Izrẹl nẹ otọ rẹ ọnre na-a, kọye o de sivwi ayen vwẹ obọ ri Jeroboam rẹ ọmọ ri Joash.

1 Samuẹl 12:2

Asakiephana, gbe nighe, ovie na kọye ri sun ovwan na; me ghwore me djẹ esha re, nighe, emọ mẹ keye vẹ ovwan gba herọ na; ye me vẹ ovwan re gba herọ nẹ imitete mẹ rhe rhi te ẹdẹ ri nonẹ na.

1 Samuẹl 13:1

Sọl da dia ikpe…ọ ghwo te vwẹ ọke rọ vwọ re uvie; ọ da sun ikpe…gbe ivẹ vwẹ Izrẹl.

1 Samuẹl 14:46

Sọl gbe vwọ tua ihwo ri Filistia ọfa-a; ihwo ri Filistia de kpo asan obọ rayen.

1 Samuẹl 14:52

Ofovwi ọgangan ọye Sọl vẹ ihwo ri Filistia phiri vwẹ ẹdẹ rẹ akpọ rọye ejobi; ọke ejobi ri Sọl da mrẹ ọgba, eyẹ ohwo ro yivwaro, o mi ghwe sio te oma.

1 Samuẹl 21:7

Vwẹ ọke yena odibo ri Sọl ọvo hẹ etiyin vwẹ ẹdẹ yena, ra daji vwẹ obaro rẹ Ọrovwohwo; odẹ rọye Doẹg ohwo rẹ Edọm, ọye olori rẹ isuigegede ri Sọl.