1 Samuẹl 14:45 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴⁵ Etiyin ihwo na da ta kẹ Sọl, Jonatan ko ghwu, ro ru iruo vẹ obọẹkparo rode vwẹ Izrẹl na? Jọ yena vwo! Obo rẹ Ọrovwohwo herọ na, ogẹto rẹ uyovwi rọye ọvuọvo che she te otọ-ọ; kidie ọ vẹ Ọghẹnẹ ri gbe koko ru iruo nonẹ na. Etiyin ihwo na da tan Jonatan, o gbi rhe ghwu-u.

1 Samuẹl 14:45 ပူးပေါင်းရင်းမြစ်များ

2 Samuẹl 14:11

Etiyin aye na da ta, Me rẹ wẹ, jẹn ovie kperi se Ọrovwohwo rẹ Ọghẹnẹ wẹn rere Ọreihri rẹ ọbara nana vwọ da obọ ji, o gbi hwe ọfa-a, ayen da rha ghwọrọ ọmọ mẹ. Ọ da ta, Ọtiobọ rẹ Ọghẹnẹ herọ na, ogẹto rẹ ọmọ wẹn ọvuọvo che she te otọ-ọ.

1 Ivie 1:52

Solomọn da ta, O dje oma rọye phihọ ohwo ro fori, yẹ ubiẹto rọye ọvuọvo che se she te otọ-ọ; ẹkẹvuọvo a da mrẹ uvumwemwu vwẹ oma rọye, ko ghwu.

2 Ikun rẹ Ivie 19:11

Nighe, Amaria olori rẹ irherẹn na kọye che sun ovwan vwi kota kota rẹ Ọrovwohwo ejobi; kugbe Zebadia ọmọ rẹ Ishmael, osun rẹ uwevwi ri Juda, vwi kota kota ro nẹ oma rẹ ovie rhe; ihwo ri Livae na ke dia inotu rẹ ẹga kẹ ovwan. Yivwaro, Ọrovwohwo gbe nene ọvwata dia.

Nehemaya 9:27

Fiki rẹ ọtiọye na wo de phi ayen phihọ obọ rẹ ivwighrẹ rayen, i de ru ayen ọja, vwe evun re oja rayen ayen de kperi se we wo de nyo ayen ne obo odjuvwu rhe, kirobo re arodọvwẹ wẹn rode epha wọ da vwẹ isivwi kẹ ayen ri sivwi ayen nẹ obọ rẹ ivwighrẹ rayen.

Aizaya 13:3

Ekpuyovwi mẹ ji urhi kẹ ihwo efuanfon mẹ nure, mi se egba mẹ nẹ e ra reihri rẹ ophu mẹ, ihwo mẹ ri herẹ mu oma kpenu na.

Matiu 10:30

Ẹkẹvuọvo ogẹto rẹ uyovwi rẹ ovwan na e kere ayen.

Iyẹnrẹ Esiri ri Luk 21:18

Ẹkẹvuọvo ogẹto rẹ uyovwi rẹ ovwan ọvuọvo cha ghwọrọ-ọ.

Iruo rẹ Iyinkọn na 14:27

Ọke rẹ ayen vwọ rhe, ayen de se ihwo rẹ ishọshi na ejobi koko, ayen de gbe ikun rẹ obo rẹ Ọghẹnẹ ruru kẹ ayen, kugbe obo re rhiẹ ẹchẹ rẹ esegbuyota na phihọ kẹ ihwo ri Keferi.

Iruo rẹ Iyinkọn na 15:12

Ọghwẹgbe na ejobi da fọ gbie, ayen da kerhọn ri Banabas kugbe Pọl rẹ ayen vwọ gbe ikun rẹ eka vẹ ighunu rẹ Ọghẹnẹ wan oma rẹ ayen ru vwẹ ohri ri Keferi na.

Iruo rẹ Iyinkọn na 21:19

Re vwo yere ayen nu, o de gbe kẹ ayen ọvuọvo obo rẹ Ọghẹnẹ ruru vwẹ ohri ri Keferi na vwẹ oma rẹ odibo egbe rọye.

Iruo rẹ Iyinkọn na 27:34

Vwẹ ọtiọye na me rẹ ovwan nẹ wa re emu, ọ ke ovwan ogangan, kidie ogẹto rẹ uyovwi rẹ ovwan ọvuovo che ghwru-u.

Ọbe ri Pọl si rhe Ihwo ri Rom 15:18

Kidie mi se yivwi gbe ikun rẹ emuọvo-o jokpa nẹ obo ri Kristi vwẹ ovwẹ ru re otu ri Keferi se vwo mu ọghọ kẹ, vwẹ ota kugbe uruemu.

1 Kọrẹnt 3:9

Kidie avwanre otu rẹ iruiruo rẹ Ọghẹnẹ; ovwan hẹ udju rẹ Ọghẹnẹ, uwevwi rẹ Ọghẹnẹ na.

2 Kọrẹnt 6:1

Rẹ ayen vẹ ọye vwo ru iruo kuẹgbe na, avwanre ke rẹ ovwan nẹ, ovwan rha reyọ ẹserọphẹ rẹ Ọghẹnẹ na ghevweghe-e.

Ẹvwọphia 17:14

ayen ke cha vwẹ ofovwi so Omogodẹ na, Omogodẹ na ko phi ayen kua, kidie ọye hẹ Ọrovwohwo ro vwo ihwo ejobi kugbe Ovie ro vwo ivie ejobi, ayen otu re vẹ ọye gba herọ ayen o seri rọ jẹreyọ ri segbuyota.

Ẹvwọphia 19:14

Otuofovwi rẹ odjuvwu, re vwẹ esada iyoyovwi rhuo, fuanfon yoyovwi, re gua esi efuanfon de tue nene.

1 Samuẹl 11:13

Ẹkẹvuọvo Sọl da ta, E che hwe ohwo ọvuọvo nonẹ na-a, kidie nonẹ na ọye Ọrovwohwo ru iruo rẹ esivwo vwẹ Izrẹl.

1 Samuẹl 14:23

Etiyin Ọrovwohwo de sivwi Izrẹl vwẹ ẹdẹ yena; ofovwi na da ghworiẹ kpo abọ oboyi ri Bẹtavẹn.

1 Samuẹl 14:46

Sọl gbe vwọ tua ihwo ri Filistia ọfa-a; ihwo ri Filistia de kpo asan obọ rayen.

1 Samuẹl 19:5

kidie o ku arhọ rọye fia ro re vwo hwe ihwo ri Filistia na, Ọrovwohwo da vwẹ obọẹkparọ rode vwọ kẹ Izrẹl ejobi. Wọ mrẹrẹ, wọ da ghọghọ; kidie wo di vwo ru umwemwu kpahe ọbara rẹ ọvwata na ru wo de hwe Devid ekueku?