1 Samuẹl 14:41 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴¹ Ọtiọye na Sọl da ta, Ẹ Ọrovwohwo Ọghẹnẹ rẹ Izrẹl, die soro wo rha kpahe kẹ odibo wẹn nonẹ-ẹ? Ọ da dianẹ abe na kẹ oma mẹ eyẹ oma rẹ ọmọ mẹ Jonatan kọye ọ epha, Ẹ Ọrovwohwo Ọghẹnẹ rẹ Izrẹl, gba kẹ vwẹ ose; ẹkẹvuọvo ọ da dianẹ abe nana kẹ oma rẹ ihwo rẹ Izrẹl ọ epha, gba kẹ vwẹ Oghori Itẹ de mu Jonatan vi Sọl, ẹkẹvuọvo ọ da rhiẹ ihwo na.

1 Samuẹl 14:41 ပူးပေါင်းရင်းမြစ်များ

Isẹ 16:33

E mu itẹ kpahe ekpoghowọ, ẹkẹvuọvo orhiẹn rọye obọ rẹ Ọrovwohwo o nẹ cha.

Isẹ 18:18

Itẹ ọye ri vwrẹ ufi rẹ aphro, o mi bru orhiẹn rẹ otu ri sivwe oseghe.

Jona 1:7

Ayen ohwohwo da ta kẹ ohwo, Wa yanrhe, re avwanre duvwu ite, se avwanre sa riẹn ohwo rẹ okpetu nana wan obọ rọye bru avwanre rhe. Etiyin ayen de duvwu itẹ, itẹ na de mu Jona.

Iruo rẹ Iyinkọn na 1:24

Ayen da nẹ ẹrhovwo ta nẹ Ọrovwohwo, ọ rọ riẹn udu rẹ ihwo ejobi na, gba jẹ ohwo ọvo reyọ vwẹ usun rẹ ihwo ivẹ nana,

Iruo rẹ Iyinkọn na 1:26

Ayen de duvwu ite kẹ ayen, itẹ na de mu Matayas; e de vwo mu kugbe iyinkọn uhwọvo na.

1 Samuẹl 14:40

Etiyin ọ da kpahe kẹ Izrẹl ejobi ovwan dia abọ ọvọ, mi vi Jonatan rẹ ọmọ mẹ Mm rha dia abọ rivẹ. Ihwo na da ta kẹ Sọl Ru obo ri je we.

1 Samuẹl 14:42

Etiyin Sọl da ta, Gba rha vwẹ ovwẹ vẹ ọmọ mẹ Jonatan vwo duvwu itẹ. Itẹ de mu Jonatan.