1 Samuẹl 14:36 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³⁶ Etiyin Sọl da ta, Jẹn avwanre yanran bru ihwo ri Filistia vwẹ ason rere a ra ghwọrọ ayen bẹsiẹ rẹ ọke vwo rhie; e jẹn avwanre jẹ ohwo ọvuọvo rẹ ayen vwo-o. Ayen da ta, Ru obo ri je we. Ẹkẹvuọvo orherẹn na da ta, Ẹ jẹn avwanre si kẹrẹ Ọghẹnẹ tavwe.

1 Samuẹl 14:36 ပူးပေါင်းရင်းမြစ်များ

Une rẹ Ejiro 73:28

Ẹkẹvuọvo vwọ kẹ vwẹ o yoma mi vwo si kẹre Ọghẹnẹ, Me vwẹ Ọrovwohwo Ọghẹnẹ ru asan odjahọ mẹ, rere mi se vwo gbe ikun rẹ iruo wẹn ejobi.

Aizaya 58:2

Dede na yẹ ayen guọnọ ovwẹ kẹdẹ kẹdẹ, yẹ ayen guọnọ idjerhe mẹ riẹn vẹ aghọghọ, kerẹ ẹgborho ri ruẹ ọvwata re mrẹ iji rẹ Ọghẹnẹ rayen djẹ-ẹ; ayen nọ ekpẹn rẹ orhiebro rẹ ọvwata vwẹ obọ mẹ, ayen vwẹ omavwerhe vwo si kẹrẹ Ọghẹnẹ.

Jerimaya 6:5

Vrẹn re a ra họnrọ vwẹ asọn ra ghwọrọ ighẹn rọye!

Malakae 2:7

Kidie ẹbẹrunu rẹ orherẹn ọye re sẹro rẹ erianriẹn, ihwo ke guọnọ uyono nẹ unu rọye cha, kidie ọyinkọ rẹ Ọrovwohwo rẹ otuofovwi na o ruẹ.

Ukeri 27:21

Ko che mudia vwẹ obaro rẹ Ẹlẹazar rẹ orherẹn na, kọ cha vwẹ Utẹ vwọ guọnọ otọ rẹ ẹdjeguo kẹ vwẹ obaro rẹ Ọrovwohwo na; vwẹ oma rẹ ota rọye kẹ ayen ro otafe, vwẹ oma rẹ ota rọye kẹ ayen ro uwevwi, te ọye te ihwo rẹ Izrẹl ejobi re vọye gba berọ, ukoko na ejobi.

Jems 4:8

Si kẹrẹ Ọghẹnẹ, rere o si kẹrẹ owẹ. Hworhẹ abọ rẹ ovwan iruimwemwu na; hworhẹ udu rẹ ovwan rọ fon, ovwan otu ri vwo iroro ivẹ.

Joshua 10:19

ẹkẹvuọvo ovwan ọvo dia etiyi-in, wa vwọ tua ivwighrẹn rẹ ovwan, we re bruro ayen vwẹ obuko, wo jẹn ayen vwẹriẹ irere raye-en; kidie Ọrovwohwo Ọghẹnẹ phi ayen phihọ obọ rẹ ovwan nure.

Joshua 11:14

Ekuakua rẹ Irere na ejobi kugbe ichuru re ayen, ihwo rẹ Izrẹl de mu ayen reyọ kẹ oma rayen, ẹkẹvuọvo ayen da vwẹ ọlọkọ hwe ohwo kohwo, bẹsiẹ rẹ ayen vwọ ghwọrọ ayen re, ayen yan jẹ obo re nwẹn vwo-o.

1 Samuẹl 1:23

Ẹlkanah rẹ ọshare rọye da ta kẹ, Ru obo ri shephihọ kẹ wẹ, hẹrhẹ bẹsiẹ rẹ ọmọ na vwo brevie nu; takpe, jẹn ota rẹ Ọrovwohwo sẹ. Etiyin aye na da daji ọ da ghẹrẹ ọmọ rọye, bẹsiẹ ro rhi vwo brevie nu.

1 Samuẹl 11:11

Vwẹ irhiọke rivẹ Sọl da ghare ihwo na phihọ unuofovwi erha; ayen da rhe ro evun rẹ ẹrhọn na vwẹ ọke ohẹrhẹ rẹ irhiọke, ayen da rhe nyavwe ihwo rẹ Ammọn kuotọ bẹsiẹ rẹ ọnre vwọ vi; ihwo rẹ obọ te hwe-e da hrabọ ro aghwa, ọtiọye na ihwo ivẹ gbe djẹ fi ohwohwo-o.

1 Samuẹl 14:3

Ahijah rẹ ọmọ rẹ Ahitub, oniọvo rẹ Ikabod, rẹ ọmọ ri Finihas, rẹ ọmọ rẹ Eli, orherẹn rẹ Ọrovwohwo vwi Shiloh, o de ku ibuluku phihọ. Ihwo na rha riẹn nẹ Jonatan yanra-an.