1 Samuẹl 14:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Ahijah rẹ ọmọ rẹ Ahitub, oniọvo rẹ Ikabod, rẹ ọmọ ri Finihas, rẹ ọmọ rẹ Eli, orherẹn rẹ Ọrovwohwo vwi Shiloh, o de ku ibuluku phihọ. Ihwo na rha riẹn nẹ Jonatan yanra-an.

1 Samuẹl 14:3 ပူးပေါင်းရင်းမြစ်များ

1 Samuẹl 1:3

Asakiephana ọshare na kukpe kukpe kọye o vwo nẹ orere rọye ra gẹga o mi ji ze izobo kẹ Ọrovwohwo rẹ otuofovwi na vwi Shiloh, asan rẹ emọ rẹ Eli ivẹ, Hofni kugbe Finihas, da hẹ irherẹn rẹ Ọrovwohwo.

1 Samuẹl 14:36

Etiyin Sọl da ta, Jẹn avwanre yanran bru ihwo ri Filistia vwẹ ason rere a ra ghwọrọ ayen bẹsiẹ rẹ ọke vwo rhie; e jẹn avwanre jẹ ohwo ọvuọvo rẹ ayen vwo-o. Ayen da ta, Ru obo ri je we. Ẹkẹvuọvo orherẹn na da ta, Ẹ jẹn avwanre si kẹrẹ Ọghẹnẹ tavwe.

1 Samuẹl 2:18

Samuẹl re gbe odibo vwẹ obaro rẹ Ọrovwohwo, omotete ro ku ibuluku re esada phihọ.

1 Samuẹl 2:28

Me da jẹ reyọ nẹ evun rẹ orua rẹ Izrẹl ejobi nọ gba rhe dia orherẹn mẹ, rere o kpo enu rẹ agbada mẹ na, rọ ra torhẹ ugboduma kẹ vwẹ, ro rhuo ibuluku vwẹ obaro mẹ; Me da vwẹ izobo mẹ rẹ ihwo rẹ Izrẹl ejobi vwo rhe vwe ra vwẹ erhanre torhẹ vwọ kẹ uwevwi rẹ ọsẹ wẹn.

1 Samuẹl 22:20

Ẹkẹvuọvo ọmọ rẹ Ahimẹlẹk ọvo rẹ ọmọ rẹ Ahitọb, re se Abiata, da dje vabọ ọ de bru Devid ra.

1 Samuẹl 4:21

O de se odẹ rẹ ọmọ na Ikabọd; tanẹ, Urinrin na vrẹn nẹ Izrẹl nure! fikiridie e mu ekpeti rẹ Ọghẹnẹ na reyọ nure ji kugbe ọsorọvwe rọye vẹ ọshare rọye ri ghwuru.

1 Samuẹl 4:4

Etiyin ihwo na de ji ikọn kpo Shiloh, ayen de re mu ekpeti rẹ ọphọ rẹ Ọrovwohwo rẹ ofuofovwi na rhe, ro tidia ekete vwẹ enu ri chẹrobim; emeshare rẹ Eli ivẹ na, Hofni vẹ Finihas, vẹ ekpeti rẹ ive rẹ Ọghẹnẹ na vwẹ etiyin.