1 Samuẹl 14:25 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁵ Ihwo na ejobi de rhi te evun rẹ egbo na; ọnyọn da ro phihọ otọ.

1 Samuẹl 14:25 ပူးပေါင်းရင်းမြစ်များ

Ẹyano 3:8

Ọtiọye na ke me rhere rhi si ayen nẹ obọ rẹ ihwo rẹ Ijipt, re mi si ayen nẹ otọ yena vwo kpo otọ rọ yoma rọ rhoro, otọ rọ djẹ ọkẹre rẹ ame rẹ ivie vẹ ọnyọn. Otọ rẹ ihwo rẹ Kenan, ihwo rẹ Hit, ihwo rẹ Amọr, ihwo rẹ Periz, ihwo rẹ Hiv kugbe ihwo rẹ Jebu.

Isẹ 25:16

Wọ da mrẹ ọnyọn, re uche rẹ evun wẹn guọnọre, ọ rha dia ọtiọye-e ko che phu we rhe wo mi rhi geri.

Ukeri 13:27

Ayen da ta kẹ, Avwanre te otọ ru wo ji avwanre ra na. Otọ na djẹ ọkẹre vẹ ameivie kugbe ọnyọn, ọnana kẹ emamọ rẹ otọ na.

Urhi Rivẹ 9:28

otọ ru wo si ayen nurhe na da rhe ta nẹ, Fikirobo rẹ Ọrovwohwo sa reyọ ayen vwo te otọ ro veri kẹ ayen na-a na, kugbe fikirobo rọ vwọ jẹn ayen eghrẹ na, Ọ vwọ reyọ ayen phia re hwe vwẹ evun rẹ aghwa na.

Iguẹdjọ 14:9

Ọ da ghwiẹ ọnyọ na phihọ abọ rọye, ọ da riọ yọ yan bẹsiẹ ro vwo te asan rẹ ọsẹ vẹ oni rọye epha; ọ da kẹ ayen, ayen da re. Ẹkẹvuọvo ọ ta kẹ ayen nẹ oma rẹ okpohrokpo ro ghwuru, na ọ reyọ ọnyọ na nurhe-e.

1 Samuẹl 14:24

Oma da ghwọrọ ihwo rẹ Izrẹl vwẹ ẹdẹ yena; kidie Sọl duvwu iyori kẹ ihwo na tanẹ, Ekan kẹ ohwo rọ re emu bẹsiẹ rẹ ovwọnvwọn vwo te re me vwọ re ihri vwẹ obọ rẹ ivwighrẹ mẹ nu. Ọtiọye na ayen ọvuọvo gbe davwe emu-u.

1 Samuẹl 14:26

Rẹ ihwo na vwo te evun rẹ egbo na, nighe, ọnyọn na re suẹn prapra, ẹkẹvuọvo ohwo ọvuọvo yivwi vwẹ obọ te unu-u, kidie oshọ rẹ iyori na mu ayen.