1 Samuẹl 14:19 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁹ Ọke ri Sọl vwọ ta ota kẹ orherẹn na, edo rọ hẹ obo erhọn rẹ ihwo ri Filistia na da rhoma gan phihọ; Etiyin Sọl da ta kẹ orherẹn na, Siobọ wẹn reyọ.

1 Samuẹl 14:19 ပူးပေါင်းရင်းမြစ်များ

Une rẹ Ejiro 106:13

Ẹkẹvuọvo nananana iruo rọye da ghwa chọrọ ayen ẹro, aye gbe hẹrhẹ rọ nẹ ayen iroro-o.

Aizaya 28:16

vwẹ ọtiọye na enẹ Ọrovwohwo Ọghẹnẹ tare, Nighere, me ra reyọ uchivwo vwo mu vwi Zayọn ubiọragha, ubiọragha ra nabọ davwini, uchivwo rẹ ubienye rọ ghanre, uchivwo kokoroko Ohwo ro sere gbuyota gbi se broma-a.

Ukeri 27:21

Ko che mudia vwẹ obaro rẹ Ẹlẹazar rẹ orherẹn na, kọ cha vwẹ Utẹ vwọ guọnọ otọ rẹ ẹdjeguo kẹ vwẹ obaro rẹ Ọrovwohwo na; vwẹ oma rẹ ota rọye kẹ ayen ro otafe, vwẹ oma rẹ ota rọye kẹ ayen ro uwevwi, te ọye te ihwo rẹ Izrẹl ejobi re vọye gba berọ, ukoko na ejobi.

Joshua 9:14

Ọtiọye na ihwo na da re emu rayen, ayen rha nọ miẹ Ọrovwohwo-o.

1 Samuẹl 13:11

Samuẹl da ta, Die wo ruru na? Sọl da ta, ọke me vwọ mrẹ nẹ ihwo na djẹ ju vwe vwo, re wọ gbe rhe vwẹ ọke re bruru na-a, ye ihwo ri Filistia na ghwẹ koko gbidi vwi Mikmash,

1 Samuẹl 14:20

Etiyin Sọl vẹ ihwo re vẹ ọye gba herọ da ghwẹ koko kpo ofovwi na; nighe, ayen ohwohwo ke nyavwe ohwo, asan ejobi de rhi tighi ku.

1 Samuẹl 14:24

Oma da ghwọrọ ihwo rẹ Izrẹl vwẹ ẹdẹ yena; kidie Sọl duvwu iyori kẹ ihwo na tanẹ, Ekan kẹ ohwo rọ re emu bẹsiẹ rẹ ovwọnvwọn vwo te re me vwọ re ihri vwẹ obọ rẹ ivwighrẹ mẹ nu. Ọtiọye na ayen ọvuọvo gbe davwe emu-u.

1 Samuẹl 30:7

Devid da ta kẹ Abiata rẹ orherẹn, rẹ ọmọ rẹ Ahimẹlẹk, Vwẹ ibuluku vwo rhe vwe. Etiyin Abiata da vwẹ ibuluku na vwo rhe Devid.