1 Samuẹl 14:18 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁸ Sọl da ta kẹ Ahijah, Mu ekpeti rẹ Ọghẹnẹ na rhe. Kidie ekpeti rẹ Ọghẹnẹ na nene ihwo rẹ Izrẹl ra vwẹ ọke yena.

1 Samuẹl 14:18 ပူးပေါင်းရင်းမြစ်များ

2 Samuẹl 11:11

Uraya da ta kẹ Devid, Ekpeti na kugbe Izrẹl vẹ Juda dia itughẹ; ọrovwovwe Joab kugbe idibo rẹ ọrovwovwe wo phihọ ophephe, ki mi kpo uwevwi, re me re, re me da mi rhe nene aye mẹ sherhẹ? Ọtiobọ wọ herọ kugbe obo rẹ ẹnwẹ wẹn herọ na, mi se ru emu nana-a.

Ukeri 27:21

Ko che mudia vwẹ obaro rẹ Ẹlẹazar rẹ orherẹn na, kọ cha vwẹ Utẹ vwọ guọnọ otọ rẹ ẹdjeguo kẹ vwẹ obaro rẹ Ọrovwohwo na; vwẹ oma rẹ ota rọye kẹ ayen ro otafe, vwẹ oma rẹ ota rọye kẹ ayen ro uwevwi, te ọye te ihwo rẹ Izrẹl ejobi re vọye gba berọ, ukoko na ejobi.

Iguẹdjọ 20:18

Ihwo rẹ Izrẹl na de vrẹn yanran kpo Bẹtẹl, ra nọ Ọghẹnẹ nẹ, Kono vwẹ usun rẹ avwanre na re cha ka yanran ra họnre ihwo ri Bẹnjamin na? Etiyin Ọrovwohwo da tanẹ, Juda re cha ka yanran.

Iguẹdjọ 20:23

Etiyin ihwo rẹ Izrẹl na da ra viẹ vwẹ obaro rẹ Ọrovwohwo na re te ọke rẹ ovwọnvwọn; ayen da ra nọ Ọrovwohwo nẹ, kẹ avwanre rhoma kpo ofovwi ra họnre imoni rẹ avwanre ihwo ri Bẹnjamin na? Ọrovwohwo da tanẹ, Ovwan ra họnre ayen.

1 Samuẹl 14:17

Etiyin Sọl da ta kẹ ihwo re vẹ ọye gba herọ, Kere ihwo na ra mrẹ ohwo ro nẹ usun na. Ọke rẹ ayen vwo keri, nighe, Jonatan vẹ ọ rọ ghwa ekuakua rẹ ofovwi rọye rha hẹ etiyin-in.

1 Samuẹl 14:36

Etiyin Sọl da ta, Jẹn avwanre yanran bru ihwo ri Filistia vwẹ ason rere a ra ghwọrọ ayen bẹsiẹ rẹ ọke vwo rhie; e jẹn avwanre jẹ ohwo ọvuọvo rẹ ayen vwo-o. Ayen da ta, Ru obo ri je we. Ẹkẹvuọvo orherẹn na da ta, Ẹ jẹn avwanre si kẹrẹ Ọghẹnẹ tavwe.

1 Samuẹl 23:9

Devid riẹnre nẹ Sọl ra ruẹro riariẹ ọyẹ phihọ; ọda ta kẹ Abiata rẹ orherẹn na, Vwẹ ibuluku na rhe etinẹ.

1 Samuẹl 5:2

Etiyin ihwo ri Filistia na da reyọ ekpeti rẹ Ọghẹnẹ na ayen de muo kpo uwevwi ri Dagọn ayen de muo kẹrẹ Dagọn.

1 Samuẹl 7:1

Ihwo ri Kiriat-jearim da rhe rhi mu ekpeti rẹ Ọrovwohwo na, ayen de muo kpo uwevwi rẹ Abinadab vwẹ obenu rẹ ugbenu; ayen da vwẹ Eleazar, ọmọ rọye mu, rere ọ vwẹ ẹro te ekpeti rẹ Ọrovwohwo na.