1 Samuẹl 14:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Ihwo rẹ unuofovwi na de kuvwie ki Jonatan vẹ ọ rọ ghwa ekuakua rẹ ofovwi rọye, tanẹ. Yan bru avwanre rhe, rere avwanre dje emuọvo kẹ ovwan. Etiyin Jonatan da ta kẹ o ro ghwa ekuakua rẹ ofovwi royẹ, Nene uvwe; kidie Ọrovwohwo phi ayen phihọ obọ rẹ Izrẹl nure.

1 Samuẹl 14:12 ပူးပေါင်းရင်းမြစ်များ

Jẹnẹsis 24:42

Nonẹ na ki mi rhi te ogbugbu na, Me da ta, Ọrovwohwo, Ọghẹnẹ rẹ onini mẹ Ebraham, vwẹ enẹ na aruesiri wẹn de se nene uvwe vwẹ idjerhe re Me ra na,

Jẹnẹsis 24:48

Etiyin mi de gbe uyovwi kpotọ Me da ga Ọrovwohwo, mi de bruphihọ kẹ Ọrovwohwo, Ọghẹnẹ rẹ onini mẹ Ebraham, ro sun vwe wan idjerhe esiri ra reyọ ọmọtẹ rẹ uwevwi rẹ onini mẹ vwọ kẹ ọmọ rọye.

2 Samuẹl 5:24

Ọke wo de nyo edo rẹ oyan vwẹ enu rẹ irhe ri Balsam na, wo mi Jẹjẹ oma wẹn; kidie Ọrovwohwo ka obaro kẹ wẹ re hwe otuofovwi ri Filistia nure.

Ivie rẹ Ivẹ 14:8

Etiyin Amazaya de ji ikọn bru Jehoash ọmọ ri Jehoahaz, ọmọ ri Jehu, ovie rẹ Izrẹl, tanẹ, Mọ, rere ohwohwo ni ohwohwo opharo.

Iguẹdjọ 4:14

Dẹbora da ta kẹ Barak, Vrẹn kidie nonẹ ẹdẹ re Ọrovwohwo na vwo phi Sisira phihọ obọ wẹn. Ọ dianẹ Ọrovwohwo na re ka obaro kẹ wẹ Ọtiọye na Barak da yanran nẹ Ugbenu rode ri Tabọr na vẹ eshare uriori ihwe re yan nene.

Iguẹdjọ 7:14

Otu rọye na da kpahe kẹ nẹ, Ọnana dia emu ọfa-a ẹkẹvuọvo ọlọkọ ri Gidiọn ọmọ ri Joash, ọshare rẹ Izrẹl na, obọ rọye Ọghẹnẹ phi Midian kugbe otu ofovwi na ejobi phihọ.

Iguẹdjọ 7:15

Ọke ri Gidiọn vwo nyo ikuegbe rẹ evwerhẹ na kugbe otọ rọye nu, ọ da ra gẹga; o de rhivwi bru otu rẹ ofovwi rẹ Izrẹl na, ọ da tanẹ, Evrẹn; kidie Ọrovwohwo na phi otu rẹ ofovwi ri Midian na phihọ obọ rẹ ovwan nure.

Iguẹdjọ 9:54

Etiyin o de bru okpakpa se emeghene rẹ ọshare rọ ghwa ewun rẹ ofovwi rọye, ọ da ta kẹ nẹ. Yoro ọlọkọ wẹn rere wo hwe vwe, rere ihwo vwo jẹ ta kpahe ovwẹ nẹ, Aye ri hwe re. Emeghene na da vwẹ egba nyẹ, o de ghwu

1 Samuẹl 14:10

Ẹkẹvuọvo ọ da dianẹ ayen tare nẹ, Yan bru avwanre rhe, kẹ avwanre bru ayen ra kidie yẹ Ọrovwohwo phi ayen phihọ obọ rẹ avwanre nure. Ọnana kọ dia oka vwọ kẹ avwanre.

1 Samuẹl 14:13

Etiyin Jonatan da gadiẹ rhe otọ, ọ rọ ghwa ekuakua rẹ ofovwi rọye na da vwọ kpahọ; Ayen de she kẹ Jonatan, yọ rọ ghwa ekuakua rẹ ofovwi rọye na re hwe ayen nene;