1 Samuẹl 13:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Ọke rẹ ihwo rẹ Izrẹl vwọ mrẹ nẹ ayen hẹ ahwarha (kidie ohọnre na ganre gangan), ihwo na de siona nu vwẹ ẹmwa vẹ egbogho vẹ etọ rẹ eragha kugbe ishi vẹ iphrophro rẹ ame,

1 Samuẹl 13:6 ပူးပေါင်းရင်းမြစ်များ

2 Samuẹl 24:14

Etiyin Devid da ta kẹ Gad, Mi hẹ evun rẹ ukpokpoma rode; ju vwe she phihọ obọ rẹ Ọrovwohwo, kidie ehrọre rọye ọrhuarho; ẹkẹvuọvo wo ju vwe she phihọ obọ rẹ ohwo rẹ akpọ-ọ.

Aizaya 42:22

Ẹkẹvuọvo ọnana ihwo re chori re gborhori, ufi mu ayen ejobi vwẹ evun rẹ unu, ayen de si oma nu vwẹ uwodi; ayen hirhe phihọ emuọre ohwo ro sivwi ayen gbe herọ-ọ emuọre ra mrẹ ohwo ta kẹ nẹ, Rhivwi.

Jerimaya 41:9

Orhare rẹ Ishmẹl mu irivwi rẹ ihwo ro hweri na phihọ da dia orhare rode na rẹ Asa rẹ Ovie na tọnre vwọ choma rọye fiki rẹ Basha ovie re Izrẹl ro kpare ofovwi bro cha; Ishmẹl ọmọ ri Netanaya da ghwẹ otu re hweri na vọn.

Izikiẹl 33:27

Ta ọnana kẹ ayen, E nẹ Ọrovwohwo Ọghẹnẹ tare: Kirobo re me herọ na, uyota ayen otu re dia asan ra kua jovwo ọlọkọ a cha vwọ nyavwe ayen hwe, ọ rọ hẹ obo evun rẹ aghwa me cha vwọ kẹ eranvwe nẹ e re kugbe ayen otu re hẹ obo ogba ọgangan kugbe evun rẹ emwa emiavwe kọye ayen wan ghwu.

Filipae 1:23

Ahwarha dẹn kọye me epha. Ẹgnọnọ mẹ kẹ ukpo re mi vi Kristi ra dia, kidie ọye ri me yovwi.

Hibru 11:38

akpọ na rhe fọ kẹ ayen ẹdia-a–ayen re suosuo wan egbo vẹ ogo, ẹmwa vẹ igbogho rẹ akpọ na.

Joshua 8:20

Ọtiọye na ọke rẹ ihwo rẹ Ai, vwo ni obuko, nighe, ivwirhi rẹ orere na de mu kpenu; ayen gbi vwo ogangan vwọ djẹ kpenẹ kpenẹ-ẹ; kidie ihwo re djẹ ro aghwa da rhoma vwọ tua ihwo re vwọ tua ayen.

Iguẹdjọ 10:9

Ihwo rẹ Ammọn na da gua wanvrẹn Jọdan ra họnre Juda kugbe Bẹnjamin kugbe uwevwi rẹ Ifrem; ọtiọye na Izrẹl da mrẹ ọdjarhọ gangan.

Iguẹdjọ 20:41

Etiyin eshare rẹ Izrẹl na de rhoma rhe, oshọ de mu ihwo ri Bẹnjamin, kidie ayen mrẹre nẹ ughwu si kẹre ayen nure.

Iguẹdjọ 6:2

Midian de phi Izrẹl kparobọ, ifiki ri Midian na ihwo rẹ Izrẹl da ra tọn inu phihọ evun rẹ igbenu ride na kugbe evun rẹ emwa kugbe asan egangan kokoroko vwọ kẹ oma rẹ ayen ọvo.

1 Samuẹl 13:15

Etiyin Samuẹl de vrẹn, nẹ Gilgal kpo Gilbeah ri Bẹnjamin. Sọl de keri ihwo re hẹ etiyin, e joma te ujori esan.

1 Samuẹl 14:11

Eriyin ayen ivẹ da vwẹ oma rẹ ayen nẹ unuofovwi rẹ ihwo ri Filistia na; ihwo ri Filistia na da ta, Nighe, ihwo ri Hibru na yoro nẹ evun rẹ unu rẹ ayen de sioma nu cha.

1 Samuẹl 14:22

Ọtiọye rhe, ọke rẹ ihwo rẹ Izrẹl ri sioma nu vwẹ obo orho rẹ ugbenu rẹ Ifrem vwo nyo nẹ ihwo ri Filistia ra djẹ, ayen ejobi da vwọ tua ayen.

1 Samuẹl 23:19

Etiyin ihwo ri Zip da yanran bru Sọl vwi Gibeah, tanẹ, ọ dia Devid ri sioma nu vwẹ ohri rẹ avwanre vwẹ evun rẹ ẹmwa vwi Horẹsh, vwẹ enu rẹ ugbenu ri Hakilah, rọ hẹ obọrhe ọnre vwi Jẹshimọn?

1 Samuẹl 24:3

Ọ de rhi te asan ogba rẹ igegede vwẹ idjerhe, asan rẹ emwa epha; Sọl da vwẹriẹ etiyin re rovwoma. Asakiephana Devid vẹ ihwo rọye tidia vwẹ obo ẹtan rẹ ẹmwa na.

1 Samuẹl 31:7

Ọke rẹ ihwo rẹ Izrẹl rẹ hẹ abọ oboyi rẹ iyara na kugbe e re hẹ abọ oboyi ri Jọdan vwọ mrẹ nẹ ihwo rẹ Izrẹl djẹrẹ nẹ Sọl vẹ emeshare rọye ghwuru, ayen da vẹn jẹ irere rayen vwo ayen da djẹ; ihwo ri Filistia da kua rhe re dia ayen.

1 Samuẹl 7:7

Asakiephana rẹ ihwo ri Filistia vwo nyo nẹ Izrẹl ghwẹ koko vwi Mizpah, ehọnvwọre ri Filistia da kpare ohọnre vwọ so Izrẹl. Ọke rẹ ihwo rẹ Izrẹl vwo nyo oshọ rẹ ihwo ri Filistia de mu ayen.