1 Samuẹl 13:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Izrẹl ejobi de nyo nẹ Sọl djẹ unuofovwi rẹ ihwo ri Filistia. Izrẹl de rhi tu ihwo ri Filistia oma. E de se ihwo na rhe re vwọ ba Sọl vwi Gilgal.

1 Samuẹl 13:4 ပူးပေါင်းရင်းမြစ်များ

Jẹnẹsis 34:30

Etiyin Jekọp da ta kẹ Simiọn vẹ Livae nẹ, Ovwan so okpetu kẹ vwẹ nure, odẹ mẹ ko che gbo hwe ihwo rẹ otọ na, ihwo ri Kenan kugbe Pẹriz, mi buru rẹ, ayen de se otu rhe họnre ovwẹ, kẹ ayen ghwọrọ ovwẹ, te omẹvwẹ te uwevwi mẹ.

Jẹnẹsis 46:34

ku wo tanẹ, Idibo wẹn eranvwe ichurẹ nẹ ọke-emọ rhe ri te ọke na, te avwanre te ese rẹ avwanre, rere wa mrasa dia otọ ri Goshẹn na, kidie osuigodẹ kosuigodẹ ẹgua kẹ ihwo rẹ Ijipt.

2 Samuẹl 10:6

Rẹ ihwo rẹ Ammọn rhe vwọ riẹn nẹ ayen gbo hwe Devid, ihwo rẹ Ammọn de re durhie ihwo ri Siria ri Bẹtrehọb, kugbe Siria ri Zobah, isodje uriori uje re vwẹ owọ yan, kugbe ovie ri Maakah vẹ ihwo uriori kugbe ihwo ri Tọb, uriori ihwivẹ.

Ẹyano 5:21

Ayen da ta kẹ Mosis vẹ Erọn, “Ejẹ Ọrovwohwo ni ovwan ro brorhiẹ, kidie wo ru avwanre vwọ dia ihwo ebrabra vwẹ obọ rẹ Fẹro vẹ idibo rọye, we de phi ọlọkọ phiyọ obọ nẹ o vwo hwe avwanre.

Zekaraya 11:8

Vwẹ emeranvwe ọvo Me da ghwọrọ isuigegede erha. Ẹkẹvuọvo mi gbi se chirako raye-en, ayen da vwẹ ovwẹ ru ọvweghrẹ.

Joshua 5:9

Ọrovwohwo da ta kẹ Joshua, Nonẹ na mi vwo si ehwejẹ rẹ Ijipt nẹ ovwan oma. Kọye e de se odẹ rẹ asan na Gilgal rhiri rhi te nonẹ na.

1 Samuẹl 10:8

Ku wọ karo kẹ vwẹ kpo Gilgal; nighe, mi bru we cha che ze izobo rẹ ẹtorhẹ kugbe izobo rẹ ufuoma. Ẹdẹ ighwrẹ wọ hẹrhẹ, bẹsiẹ me cha vwọ rhe rhi dje obo wo ru kẹ wẹ.

1 Samuẹl 27:12

Akish da vwẹ ẹroso Devid, o de roro nẹ, ọ gbe oma rọye ku tughu tughu kẹ ihwo rọye Izrẹl; fiki rẹ ọtiọye na kọ cha dia odibo mẹ bẹdẹ.