1 Samuẹl 13:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Sọl da sanọ ihwo rẹ Izrẹl uriori erha, uriori ivẹ vi Sọl herọ vwẹ obi Mikmash kugbe obo orho rẹ ugbenu ri Bẹtẹl, uriori ọvo vi Jonatan da hẹ Gibeah ri Bẹnjamin; o de siobọ nẹ ihwo ri chekọ kpo, dohwo duwevwi rọye da ra.

1 Samuẹl 13:2 ပူးပေါင်းရင်းမြစ်များ

2 Samuẹl 20:1

Asakiephana orharhe rẹ ohwo ọvo da herọ, re se Sheba, ọmọ Bichri ohwo ri Bẹnjamin; o de hworo owanre ọ da ta, Avwanre vwo ẹkẹ vwi Devidi-i, avwanre vwo uku vwẹ ọmọ ri Jesse-e; dohwo dutughẹ rọye ra, E Izrẹl.

2 Samuẹl 21:6

E jẹn emọ rọye ighwrẹ vwọ kẹ avwanre rere me churu ayen si vwẹ obaro rẹ Ọrovwohwo vwẹ ugbenu rẹ Ọrovwohwo vwi Gibiọn. Ovie da ta, Me vwọ kẹ ayen.

2 Samuẹl 23:29

Heleb ọmọ ri Banah, ohwo ri Netophat, Ittai rẹ ọmọ ri Ribai ri Gibeah rẹ ọmọ ri Bẹnjamin.

Ezra 2:27

Eshare ri Mikmas, ujori gbẹ uje gbẹ ivẹ.

Nehemaya 11:31

Ihwo ri Bẹnjamin da dia ne Geba kpo obaro, vwi Mikmash, Aija, Bẹtẹl kugbe ekọ rọye.

Joshua 18:28

Zela, Haelef, Jebu (kọye, Jerusalẹm), Gibeah kugbe Kiriatjearim irere ihwẹne vẹ eko rayen. Ọnana kọye ẹkẹn uku rẹ orua ri Benjamin kirobo rẹ ekru rayen epha.

Joshua 22:6

Ọtiọye na Joshua da nẹ ẹrhovwo kẹ ayen, o de siobọ nẹ ayen kpo; ayen da yanran kpo uwevwi rayen.

Iguẹdjọ 19:12

Etiyin ọrovworo na da ta kẹ nẹ, Avwanre sa vwẹriẹ orere rẹ ihwo ọfa-a, re dia ihwo rẹ Izrẹl na-a; ẹkẹvuọvo avwanre wanvrẹn kpo Gibeah

1 Samuẹl 10:26

Sọl de ji kpo uwevwi rọye rhe vwi Gibeah, ihwo ri yivwaro de tue nene kpo ihwo rẹ Ọghẹnẹ vwẹ obọ te ude rayen.

1 Samuẹl 10:5

Ọyena da wan nu ku wo che te Gibeat-ẹlohim, asan rẹ unu rẹ ofovwi rẹ ihwo ri Filistia epha, etiyin, wo de ghwe che te orere na, wọ cha vwa otu rẹ emraro ri wotọ nẹ obenu rẹ ugbenu cha vẹ isorogun, owanre, kugbe akuakua, kugbe une, re mraro.

1 Samuẹl 13:1

Sọl da dia ikpe…ọ ghwo te vwẹ ọke rọ vwọ re uvie; ọ da sun ikpe…gbe ivẹ vwẹ Izrẹl.

1 Samuẹl 13:11

Samuẹl da ta, Die wo ruru na? Sọl da ta, ọke me vwọ mrẹ nẹ ihwo na djẹ ju vwe vwo, re wọ gbe rhe vwẹ ọke re bruru na-a, ye ihwo ri Filistia na ghwẹ koko gbidi vwi Mikmash,

1 Samuẹl 13:15

Etiyin Samuẹl de vrẹn, nẹ Gilgal kpo Gilbeah ri Bẹnjamin. Sọl de keri ihwo re hẹ etiyin, e joma te ujori esan.

1 Samuẹl 13:16

Te Sọl, Kugbe Jonatan rẹ ọmọ rọye, kugbe ihwo re vẹ ayen gba hẹ etiyin, da daji Geba ri Bẹnjamin; ẹkẹvuọvo ihwo ri Filistia na de mu erhọn vwi Mikmash.

1 Samuẹl 13:23

Unuofovwi rẹ ihwo ri Filistia de kpo asan ohwahwa ri Mikmash.

1 Samuẹl 13:5

Ihwo ri Filistia da rhe ghwẹ koko rhe họnre Izrẹl, akpẹrẹ uriori ọgban, ihwo re gua iyesi uriori esan, unuofovwi kerẹ ekpẹn rẹ oma rẹ urhie gbidiki; ayen da rhe rhi mu erhọn vwi Mikmash, vwẹ abọ rọ obaro ọnre vwi Bẹtavẹn.

1 Samuẹl 14:31

Ayen da nyavwe ihwo ri Filistia kuotọ vwẹ ẹdẹ yena nẹ Mikmash re te Aijalọn. Oma de ro ihwo na gangan;

1 Samuẹl 14:5

Abọ ri chohri chohri ọvo de mu kpenu vwẹ obọhwẹre vwẹ obaro ri Mikmash, Ọrivẹ de rhe mu kpenu vwẹ obọrhe ọnre vwẹ obaro ri Geba.

1 Samuẹl 14:52

Ofovwi ọgangan ọye Sọl vẹ ihwo ri Filistia phiri vwẹ ẹdẹ rẹ akpọ rọye ejobi; ọke ejobi ri Sọl da mrẹ ọgba, eyẹ ohwo ro yivwaro, o mi ghwe sio te oma.

1 Samuẹl 15:34

Etiyin Samuẹl de rhivwi kpo Ramah; Sọl da yanran kpo uwevwi rọye vwi Gibeah ri Sọl.

1 Samuẹl 24:3

Ọ de rhi te asan ogba rẹ igegede vwẹ idjerhe, asan rẹ emwa epha; Sọl da vwẹriẹ etiyin re rovwoma. Asakiephana Devid vẹ ihwo rọye tidia vwẹ obo ẹtan rẹ ẹmwa na.

1 Samuẹl 26:2

Etiyin Sọl vrẹnri o de kpo aghwa ri Zip, ọ vẹ ihwo rẹ Izrẹl uriori erha rọ sanọre, ra guọnọ Devid vwẹ aghwa ri Zip.

1 Samuẹl 8:11

Ọ da ta. Enana keye cha dia idjerhe rẹ ovie ro che sun ovwan na: kọ cha reyọ emeshare rẹ ovwan vwo ru ihwo re gua rọye kugbe lyesi rọye, rere e mia djẹ vwẹ obaro rẹ rọye;