1 Samuẹl 13:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Samuẹl da ta, Die wo ruru na? Sọl da ta, ọke me vwọ mrẹ nẹ ihwo na djẹ ju vwe vwo, re wọ gbe rhe vwẹ ọke re bruru na-a, ye ihwo ri Filistia na ghwẹ koko gbidi vwi Mikmash,

1 Samuẹl 13:11 ပူးပေါင်းရင်းမြစ်များ

Jẹnẹsis 3:13

Etiyin Ọrovwohwo Ọghẹnẹ da ta kẹ aye na, Ọna ki didi emu wo ruru na? Aye na da ta, Ọrọdekọ re phiẹn vwẹ, Me da re.

Jẹnẹsis 4:10

Ọrovwohwo da ta, Die kọye wo ruru na? Urhuru rẹ ọbara rẹ oniọvo wẹn kperi nẹ otọ bru vwe rhe.

2 Samuẹl 3:24

Abner de bru ovie ọ da ta, Die wo ruru na? Nighere Abner bru we rhe; die sorọ wọ vwọ rhọvwe nẹ o kpo, ro de ghine kpo?

Ivie rẹ Ivẹ 5:25

Ọ ro uwevwi, o de re mudia kẹrẹ ọrovworo, Ilaesha da ta kẹ, Tivọ wọ nurhe Gehazi? Ọ da kpahe nẹ, Odibo wẹn nẹ asan ọvo rhe-e.

Aizaya 10:28

o rhi te Aiat rẹ; ọ wan Migrọn vrẹn, o de si eghwa rọye nu vwi Mikmash;

Joshua 7:19

Etiyin Joshua da ta kẹ Ekan, Ọmọ mẹ, vwẹ urinrin kẹ Ọrovwohwo Ọghẹnẹ rẹ Izrẹl, rere wo jiro; gba ta kẹ vwẹ asakiephana obo wo ruru; wo sionẹ kẹ vwẹ-ẹ.

1 Samuẹl 13:12

Me da ta, Asakiephana ihwo ri Filistia na cha họrhọ bru vwe rhe vwi Gilgal, ye me je nọ ekpẹn rẹ ẹroesiri rẹ Ọrovwohwo-o, kọye me da gba oma mẹ, mi de ze izobo rẹ ẹtorhẹ na.

1 Samuẹl 13:16

Te Sọl, Kugbe Jonatan rẹ ọmọ rọye, kugbe ihwo re vẹ ayen gba hẹ etiyin, da daji Geba ri Bẹnjamin; ẹkẹvuọvo ihwo ri Filistia na de mu erhọn vwi Mikmash.

1 Samuẹl 13:2

Sọl da sanọ ihwo rẹ Izrẹl uriori erha, uriori ivẹ vi Sọl herọ vwẹ obi Mikmash kugbe obo orho rẹ ugbenu ri Bẹtẹl, uriori ọvo vi Jonatan da hẹ Gibeah ri Bẹnjamin; o de siobọ nẹ ihwo ri chekọ kpo, dohwo duwevwi rọye da ra.

1 Samuẹl 13:23

Unuofovwi rẹ ihwo ri Filistia de kpo asan ohwahwa ri Mikmash.

1 Samuẹl 13:5

Ihwo ri Filistia da rhe ghwẹ koko rhe họnre Izrẹl, akpẹrẹ uriori ọgban, ihwo re gua iyesi uriori esan, unuofovwi kerẹ ekpẹn rẹ oma rẹ urhie gbidiki; ayen da rhe rhi mu erhọn vwi Mikmash, vwẹ abọ rọ obaro ọnre vwi Bẹtavẹn.

1 Samuẹl 14:5

Abọ ri chohri chohri ọvo de mu kpenu vwẹ obọhwẹre vwẹ obaro ri Mikmash, Ọrivẹ de rhe mu kpenu vwẹ obọrhe ọnre vwẹ obaro ri Geba.