1 Samuẹl 12:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Ẹkẹvuọvo Ọrovwohwo Ọghẹnẹ rayen da chọrọ ayen ẹro; ọda shẹ ayen ki Sisera, onotu rẹ ofovwi ri Jabin ovie ri Hazor, o je she ayen kẹ ihwo ri Filistia, je vwọ kẹ ovie ri Moab; ayen da họnre ayen.

1 Samuẹl 12:9 ပူးပေါင်းရင်းမြစ်များ

2 Samuẹl 7:11

Nẹ ọke re Me vwọ vwẹ iguẹdjọ mu ni gbe sun ihwo mẹ Izrẹl, mi de ru we nẹ wo vwo ufuoma nẹ obọ rẹ ivwighrẹ wẹn, Ọrovwohwo je ta kẹ wẹ nẹ ọye vwẹ uwevwi kẹ wẹ.

Une rẹ Ejiro 106:21

Ọghẹnẹ da chọrọ ayen ẹro, Osivwi rayen na, ro ru okpemu rode vwẹ Ijipt na,

Aizaya 63:10

Ẹkẹvuọvo ayen gbe ozighi ayen da nẹrhẹ ophu mu Erhi ọfuanfon na, fiki rẹ ọtiọye na ọ da rhoma rhe dia ọvweghre rayen, ekpuyovwi rọye da họnre ayen.

Jerimaya 2:32

Kẹ ekuakua rẹ osẹvwe sa chorọ ọmọte ẹro, eyẹ emwa rẹ opha sa chọrọ ẹro? Dede na me chọrọ ihwo mẹ ẹro rhabae rhe.

Urhi Rivẹ 32:18

Wa davwe erhọn rẹ Oragha ro vwiẹ ovwan na-a, Ọghẹnẹ ro vwiẹ ovwan na da chọrọ ovwan ẹro.

Urhi Rivẹ 32:30

Mavọ ohwo ọvo ru djẹ uriori, ihwo ivẹ da sa nẹrhẹ uriori ihwe djẹ, jokpa nẹ Oragha rayen shẹ ayen, rẹ Ọrovwohwo na da sen ayen?

Iguẹdjọ 10:7

Ophu rẹ Ọrovwohwo na da gan kpahe Izrẹl, ọ da shẹ ayen phihọ obọ ri Philitia kugbe obọ rẹ ihwo rẹ Ammọn.

Iguẹdjọ 13:1

Ihwo rẹ Izrẹl na da rhoma ru emu omiomiovwi vwẹ obaro rẹ Ọrovwohwo; Ọrovwohwo de phi ayen phihọ obọ rẹ Philistia ikpe ujuvẹ.

Iguẹdjọ 2:14

Fiki rẹ ọtiọye na Ọrovwohwo de mu ophu ọgangan kpahe Izrẹl, o de phi ayen phihọ abọ re igbunegbu ri gborhe emu rayen; ọ da shẹ ayen vwọ kẹ ogangan rẹ ivwighrẹn re yariẹ ayen phihọ, ọtiọye na ayen rhe vwo ogangan vwẹ oma rẹ ivwighrẹn rẹ aye-en.

Iguẹdjọ 3:12

Ihwo rẹ Izrẹl na da rhoma ru obo ri miovwiri vwẹ obaro rẹ Ọrovwohwo; Ọrovwohwo de ru Ẹglọn ovie ri Moab na ga oma vwo mu kpahe Izrẹl, fikiridie ayen ru obo ro miovwiri vwe obaro re Ọrovwohwo na.

Iguẹdjọ 3:31

Ọke yena vwọ wan nu Shamga ọmọ re Anat, o da vwẹ ugbọphogho hwe ihwo ri Filistia ujori esan okpuyovwi rọye de ji sivwi Izrẹl.

Iguẹdjọ 4:2

Ọrovwohwo da shẹ ayen phihọ obọ ri Jabin rẹ ovie ri Kenan, rẹ re uvie vwi Hazọr; onotu rẹ ofovwi rọye ki Sisira, rọ dia evun rẹ Haroshẹtagoiim.

1 Samuẹl 12:15

ẹkẹvuọvo we gbi nyo ota rẹ Ọrovwohwo-o, we de miovwi urhi rẹ Ọrovwohwo na, Etiyin obọ rẹ Ọrovwohwo kọ cha tua kpahe ovwan kugbe ovie rẹ ovwan na