1 Samuẹl 12:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Ọke ri Jekọp vwo kpo Ijipt rẹ ihwo rẹ Ijipt wo shenyẹ ayen, etiyin esẹ rẹ ovwan da viẹ se Ọrovwohwo, Ọrovwohwo de ji Mosis vẹ Erọn, ayen da reyọ esẹ rẹ ovwan nẹ otọ rẹ Ijipt rhe, ọ da vwẹ etine na kẹ ayen dia.

1 Samuẹl 12:8 ပူးပေါင်းရင်းမြစ်များ

Une rẹ Ejiro 105:44

Ọ da vwẹ otọ rẹ ẹgborho na kẹ ayen; ayen da reyọ eyere rẹ emamọ rẹ ihwo na wian phihọ,

Ẹyano 12:51

Vwẹ ẹdẹ yena kpekpekpe na Ọrovwohwo da reyọ ihwo rẹ Izrẹl ejobi nẹ otọ rẹ Ijipt.

Ẹyano 6:26

Erọn vẹ Mosis kọyen Ọrovwohwo ta kẹ nẹ, “Reyọ ihwo rẹ Izrẹl nẹ otọ rẹ Ijipiti rhe ekruekru rayen.”

Ukeri 20:15

obo rẹ esẹ rẹ avwanre kpo obo otọ rẹ Ijipt, avwanre da dia otọ rẹ Ijipt krekri; ihwo rẹ Ijipt da vwẹ obọ ogangan yọnrọn avwanre vẹ esẹ rẹ avwanre;

Iruo rẹ Iyinkọn na 7:15

Eriyin na Jekọp da kua kpo obo Ijipt. O de ghwu, te ekpuyovwi rọye kugbe esẹ rẹ avwanre,

Joshua 1:6

Gba goma rere wo yivwaro, kidie wẹ re cha nẹrhẹ ihwo nana riuku rẹ otọ ri mi duvwu iyori kẹ esẹ rẹ ovwan nẹ me vwọ kẹ ayen na.

Joshua 21:43

Enẹ kọye Ọrovwohwo vwọ kẹ Izrẹl etọ na ejobi ro ve phihọ kẹ esẹ rayen, re ayen vwọ reyọ etọ na nure, kẹ etiyin ayen diare.

1 Samuẹl 10:18

Ọ da ta kẹ ihwo rẹ Izrẹl, E nẹ Ọrovwohwo tare, Ọghẹnẹ rẹ Izrẹl na, Me reyọ Izrẹl nẹ otọ rẹ Ijipt rhe, mi de sivwi ovwan nẹ obo rẹ ihwo rẹ Ijipt kugbe obọ rẹ uvie ri chekọ ri shenyẹ ovwan.

1 Samuẹl 12:6

Samuẹl da ta kẹ ihwo na, Ọrovwohwo ọye oseri ohwo rọ vwi Mosis vẹ Erọn vwo mu nẹ reyọ esẹ rẹ ovwan nẹ otọ rẹ Ijipt rhe.