1 Samuẹl 12:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Mẹvwẹ na; we gbe se oseri mu vwe vwẹ obaro rẹ Ọrovwohwo kugbe obaro rẹ ohwo ra vwẹ evwri te. Ono ri vwo erhuẹn ọshare ri mi muru? Eyẹ konọ vwo ekẹtẹkẹrẹ ri mi muru? Eyẹ kono me ghwarẹ? Ono mi shenyẹ? Eyẹ kono me re udi mie ro rhu vwẹ ẹro? We se oseri hwe vwe re me rhan ayen rhivwi kẹ ovwan.

1 Samuẹl 12:3 ပူးပေါင်းရင်းမြစ်များ

2 Samuẹl 22:22

Kidie mi nene idjerhe rẹ Ọrovwohwo Me rha vwẹ umwemwu vrẹn nẹ obọ rẹ Ọghẹnẹ mẹ-ẹ.

Nehemaya 5:11

Nonẹ na we re siobọ nẹ idju rayen kẹ ayen, ogba ri vain rayen, ogba rẹ ọliv vẹ iwevwi rayen, kugbe abọvo vwẹ ujori rẹ igho, ọka, wain, kugbe evwri ru wọ karhiẹn mie ayen vwọ ke ayen.

Une rẹ Ejiro 15:5

ro momo igho kẹ ihwo nẹ o suo-o, ọ ria udi vwo brorhiẹ hwe ọ rọ re ase-e. Ohwo ro ru imu nana e gbi se ghwie-e.

Ẹyano 20:17

Wo jẹ uwevwi rẹ ọrivẹ wẹn da wẹ ẹro-o; wo jẹ aye rẹ ọrivẹ wẹn da wẹ ẹro-o, yẹrẹ odibo rọye rẹ ọshare, yẹrẹ odibo rọye rẹ aye, erhuẹn rọye eyẹ ekẹtẹkẹtẹ rọye kemu kemu ro rhe ọrivẹ wẹn.

Ẹyano 22:4

ẹkẹvuọvo ọ da dianẹ ọnre da varhe vwẹ ẹnu rọye, abe rẹ ọbara kọ dia kẹ.

Ẹyano 23:8

Wọ ria udi-i, kidie udi rhuẹ ohwo ẹro, o mi rhe ku orhiẹn rẹ ọvwata rhẹriẹ.

Isẹ 15:27

Ohwo rọ guọnọ erere ọchọchọ sua ota kẹ evwruwevwi rọye, ẹkẹvuọvo ohwo ro tuoma rẹ udiẹriọ cha rhọ.

Livitikọs 6:4

rẹ ohwo ro ru umwemwu tiọnana da re abe, kọ vwẹ emu ro chori na kpo adia rọ da reyọ, eyẹ obo rọ vwẹ oshenyẹ vwo na, eyẹ emu ra vwọ kẹ yọnre na, eyẹ obo ri ghwruru rọ mrẹ rhọrọ,

Livitikọs 6:5

eyẹ kemu kemu ro duvwu iyori re eku phihọ na; ọ Me hwa ayen ejobi tototo, ọ Me rha hwa abọ ọvo rẹ ẹbẹre iyori kpahọ vwọ kẹ ohwo ro vwo emu na, vwẹ ẹdẹ ro de che ze izobo fiki rẹ abe rọye.

Ukeri 16:15

Ophu de mu Mosis gangan, ọ da ta kẹ Ọrovwohwo, Wọ reyọ izobo rẹ ihwo nana-a, fikiridie me je reyọ ekẹtẹkẹtẹ ọvuọvo mie ayeen, mi ji ru ayen ohwo ọvuọvo obo re chọre dẹvo-o.

Matiu 22:21

Ayen da ta kẹ nẹ, I ri Siza. Ọ da ta kẹ ayen nẹ, A vwẹ ẹkẹn ri Siza kẹ Siza; re a vwẹ ọ rẹ Ọghẹnẹ kẹ Ọghẹnẹ.

Iyẹnrẹ Esiri ri Luk 19:8

Zakiọs mudia ọ da ta kẹ Ọrovwohwo, Nighe, Ọrovwohwo, abọvo rẹ ekuakua mẹ me vwẹ ayen kẹ ivwiogbere; ọ da dianẹ me rha ghwa ohwo ọvo re, ke me rhan rhivwi ọhwọhwọ ẹne.

Iruo rẹ Iyinkọn na 20:33

Urhuru rẹ idọnọ ọfuanfon eyẹ oro eyẹ amwa rẹ ohwo ọfa si vwe-e.

2 Kọrẹnt 12:14

Ọna obọ rerha me choma mi che vwo bru ovwan cha. Me rha dia oghwa kẹ ovwa-an, kidie ọ dia emu rẹ ovwan me guọnọ-ọ ẹkẹvuọvo ekpuyovwi rẹ ovwan; kidie ọ dia emọ re kọn okọn kẹ esẹ vẹ ini-i, ẹkẹvuọvo esẹ vẹ ini re kọn okọn kẹ emọ rayen.

Urhi Rivẹ 16:19

Ovwan chahe uyota na kuẹrhẹriẹ-ẹ; ovwan nẹ abọvo-o, ovwan ria udi-i, kidie udiẹriọ rhuẹ ohwo ẹro o mi ku orhiẹn rẹ ọvwata rhẹriẹ.

1 Tẹsalonaika 2:10

Ovwan hẹ iseri, Ọghẹnẹ je hẹ iseri rhe, obo rẹ avwanre fon te, dia ovwata te, ri jẹ abe ẹriọ te vwẹ uruemu rẹ avwanre kẹ ovwan otu ri segbuyota;

1 Tẹsalonaika 2:5

Kirobo rẹ ovwan riẹnre avwanre bru avwavwe phihọ ota na-a, eyẹ avwanre ku ewun rẹ urhuru rhurhu oma-a, Ọghẹnẹ hẹ iseri rẹ avwanre.

1 Pita 5:2

Ghẹrẹ uchuru rẹ Ọghẹnẹ ra vwọ kẹ wẹ yọnre na, ọ dia ọ rẹ ẹgbahọ-ọ ẹkẹvuọvo ọ ro nẹ udu rhe, ọ dianẹ ra vwọ mrẹ erere rẹ omaẹvuọ-ọ ẹkẹvuọvo re ruo vẹ evun phephẹn,

1 Samuẹl 10:1

Etiyin Samuẹl da reyẹ ukoko rẹ evwri o de kuo ku uyovwi rọye, ọ da fiọnfiọn unu ọ da ta, ọ dianẹ Ọrovwohwo re vwẹ evwri ghworo uwe nẹ wọ dia ovie vwẹ enu rẹ ihwo rọye Izrẹl? Ku wọ re vwẹ enu rẹ ihwo rẹ Ọrovwohwo na ku wo sivwi ayen nẹ obọ re ivwighrẹ re riariẹ ayen phihọ na. Ọnana kọ dia oka kẹ wẹ nẹ Ọrovwohwo ghine vwẹ evwri ghworo uwe nẹ wọ dia ovie vwẹ enu rẹ ughwẹ rọye.

1 Samuẹl 12:4

Ayen da ra, Wọ je ghwa avwanre re-e eyẹ shenyẹ avwanre-e eyẹ wọ reyọ emu mie ohwo ọvuọvo-o.

1 Samuẹl 12:5

Ọ da ta kẹ ayen, Ọrovwohwo oseri mẹ, ohwo rọye rọ vwẹ evwri te je hẹ oseri nonẹ na, nẹ ovwan mrẹ oruchọ vwẹ obọ mẹ-ẹ. Ayen da ta, ọye Oseri.

1 Samuẹl 2:35

Ke me cha vwẹ ọrherẹn esiri vwo mu kẹ oma mẹ, ro che ru kirobo ri mi roro kugbe obo rẹ udu mẹ guọnọre; ke me cha bọn omamọ uwevwi kẹ, kọ ro uwevwi ro otafe vwẹ obaro rẹ ihwo re me vwẹ evwri ghworo na bẹdẹ.

1 Samuẹl 24:11

Wọ mrẹrẹ ọsẹ mẹ, ni orhọn rẹ adagba wẹn vwẹ obọ mẹ; ri mi se vwo bru orhọn rẹ adagba wẹn, yi mi hwe we na-a, ku wọ riẹn nẹ iroro umwemwu eyẹ ozighi hẹ evun mẹ-ẹ. Mi ji ru umwemwu kpahe owẹ-ẹ, dede yu wọ bẹrẹ ibefi rere wo hwe vwe.

1 Samuẹl 24:6

Ọ da ta kẹ ihwo rọye, Ọrovwohwo gba ri mi vwo ru emu nana kẹ ọrovwovwe ohwo rẹ Ọrovwohwo vwẹ evwri ghworo, re me vwẹ obọ te, yẹ me riẹnre nẹ Ọrovwohwo vwẹ evwri te nure.

1 Samuẹl 24:7

Kẹ ọtiọna Devid bru ihwo rọye uche, o gbi jẹ ayen vwẹ obọ te Sọl-l. Sọl vrẹnri o de nẹ evun rẹ ẹmwa na, ọ da yan kpo obo rọ ra.

1 Samuẹl 26:11

Ọrovwohwo gha re me vwọ vwẹ obọ mẹ te ohwo rẹ Ọrovwohwo vwẹ evwri ghworo; ẹkẹvuọvo gba reyọ ubiri rọ hẹ asan uyovwi rọye na, kugbe ọtoto rẹ ame na rẹ a yanran.

1 Samuẹl 26:9

Ẹkẹvuọvo Devid da ta kẹ Abishai, Wo hwee; kono sa vwẹ obọ te ohwo rẹ Ọrovwohwo vwẹ evwri ghworo nure, ro de jẹ abe ẹriọ?