1 Samuẹl 12:24 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁴ Takpe wa djẹ oshọ rẹ Ọrovwohwo wa ga vwẹ ọ rẹ uyota vwẹ udu rẹ ovwan ejobi, kidie roro okpemu ride ro ru kẹ ovwan.

1 Samuẹl 12:24 ပူးပေါင်းရင်းမြစ်များ

Ivie rẹ Ivẹ 17:39

ẹkẹvuọvo ovwan ke djẹ oshọ rẹ Ọrovwohwo Ọghẹnẹ rẹ ovwan, ko che sivwi ovwan nẹ abọ rẹ ivwighrẹ rẹ ovwan ejobi.

ỌBE RẸ JOB 28:28

Ọ da ta kẹ ohwo rẹ akpọ, Nighe, oshọ ẹdjẹ rẹ Ọrovwohwo, ọye aghwanre, oma re sinu umwemwu ọye ẹruọ

Une rẹ Ejiro 111:10

Oshọẹdjẹ rẹ Ọrovwohwo ọye ẹsosuọ rẹ ẹghwanre; omamọ rẹ ẹruọ ọye rhe ihwo ri vwiro ru iruo. Ejiro rọye dia bẹdẹ!

Une rẹ Ejiro 119:80

E jẹn udu mẹ re abe vwẹ oma rẹ iji wẹ-ẹn, rere oma vwo ju vwe ẹvuọ!

Ẹyano 12:13

Ọbara na kọ cha dia oka kẹ wẹ, vwẹ enu rẹ uwevwi rẹ ovwan epha, ọke me da mrẹ ọbara na, ke me wanvrẹn wẹ, emiavwe ọvuọvo gbi che te we rọ guọghọ owẹ-ẹ, ọke re Me da rhe ghwiẹ otọ rẹ Ijipt na.

Isẹ 1:7

Oshọẹdjẹ rẹ Ọrovwohwo ọye ẹtuọhọ rẹ erianriẹn: ẹkpa kọye re jẹ uyono vẹ aghwanre kuẹfia.

Aghwoghwo 12:13

Oba rẹ ota na ejobi, re nyori na ọ na. Djẹ ọshọ rẹ Ọghẹnẹ, rere wọ yọnrọn irhi rọye; kidie ọnana ọye iruo ro te ohwo.

Aizaya 5:12

Ayen vwo ine vẹ isorogun, urephe vẹ owanre kugbe udi vọn asan orẹ rayen; ẹkẹvuọvo ayen se uruemu rẹ Ọrovwohwo gbe emu-u, eyẹ kẹ iruo rẹ obọ rọye-e.

Iyẹnrẹ Esiri ri Jọn 1:47

Jesu vwọ mrẹ Nataniẹl ro bro cha, ọ da ta kẹ, Nighe, ohwo rẹ Izrẹl rẹ uyota, ra mrẹ abe vwẹ obọ rọye-e!

Ọbe ri Pọl si rhe Ihwo ri Rom 12:1

Imoni mẹ, me rẹ ovwan, rere vwẹ arodọvwẹ rẹ Ọghẹnẹ, ovwan sa vwẹ oma rẹ ovwan ze izobo ọkpokpọ, rọ fọnro ro fo ẹreyọ kẹ Ọghẹnẹ, kọye hẹ ẹga rẹ erhi rẹ ovwan ga.

Urhi Rivẹ 10:21

Ọye ejiro wẹn, ọye jẹn Ọghẹnẹ wẹn, ro ru imu nana ride ri mu oshọ na kẹ wẹ, e rẹ ibiẹro wẹn mrẹre na.

Urhi Rivẹ 29:1

Enana eta rẹ ọphọ na rẹ Ọrovwohwo vwọ kẹ Mosis nẹ o nene ihwo rẹ Izrẹl re vwẹ otọ ri Moab, vwọ ba ọphọronene ayen re vwi Horẹb.

Urhi Rivẹ 29:2

Mosis de se Izrẹl ejobi koko ọ da ta kẹ ayen nẹ, Ovwan mrẹ obo rẹ Ọrovwohwo ruru vwẹ irharo rẹ ovwan vwẹ otọ rẹ Ijipt vwọ ki Fero vẹ idibo rọye ejobi kugbe otọ rọye ejobi,

Joshua 24:14

Asakiephana wa gba djẹ oshọ rẹ Ọrovwohwo, wa vwẹ evun esiri kugbe uyota vwọ ga, siobọ nẹ edjọ rẹ esẹ rẹ ovwan gọre vwẹ obo ovrẹn rẹ Urhie na, kugbe Ijipt, re wa ga Ọrovwohwo na.