1 Samuẹl 12:23 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²³ Ọ rọ marho mi che ru umuemwu kpahe Ọrovwohwo re mi se jẹ ẹrhovwo ẹnẹ kẹ Ọrovwohwo fiki rẹ ovwa-an; ki mi yono ovwan phihọ idjerhe rẹ esiri vẹ ọsoso.

1 Samuẹl 12:23 ပူးပေါင်းရင်းမြစ်များ

1 Ivie 8:36

gbe nyo vwẹ obo odjuvwu, wo vwo ghovwo umwemwu rẹ Idibo wẹn, ihwo wẹn Izrẹl, vwẹ ọke wo de yono ayen idjerhe rẹ esiri re ayen yan nene; re wọ rhọ osio phihọ otọ wẹn, ru wọ vwọ kẹ ihwo wẹn nẹ e vwo reuku.

2 Ikun rẹ Ivie 6:27

Gbe nyo vwẹ odjuvwu, ru wọ vwẹ umwemwu ghovwo idibo wẹn ihwo wẹn Izrẹl, vwẹ ọke wo de yono ayen idjerhe esiri rẹ ayen yan nene; re wọ rhọ osio phihọ otọ wẹn, re wọ vwọ kẹ ihwo wẹn ne vwọ reuku.

Une rẹ Ejiro 122:6

Nẹ ẹrhovwo kẹ ufuoma ri Jerusalẹm! Jẹn ihwo re guọnọ owẹ mrẹ erhuvwu!

Une rẹ Ejiro 34:11

Yanrhe, E emọ, kerhọn mẹ, Mi yono uwe oshọ ẹdjẹ rẹ Ọrovwohwo na.

Une rẹ Ejiro 34:12

Didi ohwo re guọnọ arhọ, rọ rioma re ẹdẹ buebu, rọ sa vwọ ghọghọ vwe emu esiri?

Ẹyano 32:30

Irhiọke rivẹ Mosis da ta kẹ ihwo na, We ru umwemwu rode. Asakiephana ki mi yeri kpenu bru Ọrovwohwo; siẹvo se me sa gọ ẹgua nẹ ovwan oma fiki rẹ umwemwu rẹ ovwan.

Isẹ 4:11

Mi yono uwe idjerhe rẹ aghwanre nure: mi ji sun we wan idjerhe rẹ ọvwata.

Aghwoghwo 12:10

Aghwoghwo na da guọnọ eta rẹ avwerhe, ọ da vwẹ evun ọsoso si eta rẹ uyota na phihọ otọ.

Aizaya 30:21

Erhọn wẹn ki che nyo ota vwẹ obuko wẹn, tanẹ. Ọnana he Idjerhe na, yan nene, vwe ọke wọ da rhẹriẹ oma kpo obọrhe kugbe ọke wọ da rhẹriẹ oma kpọ ọhọhwere.

Jerimaya 15:1

Etiyin Ọrovwohwo da ta kẹ vwẹ, owenẹ Mosis vẹ Samuẹl mudia vwẹ obaro mẹ dede, udu mẹ sa rhẹriẹ bru ihwo nana-a. Si ayen nẹ obaro mẹ, rere wo jẹn ayen yanran.

Jerimaya 27:18

Ọ da dianẹ ayen kẹ emraro, ri vwo ota rẹ Ọrovwohwo na, gbe jẹn ayen rẹ Ọrovwohwo rẹ otuofovwi na, rere ekuakua re jovwo vwe uwevwi rẹ Ọrovwohwo na, vẹ uwevwi rẹ ovie ri Juda, kugbe Jerusalẹm na vwo jẹ Babilọn ẹra.

Jerimaya 42:4

Jerimaya rẹ omraro na da ta kẹ ayen, Mi nyo ovwanvwan, nighe, kirobo rẹ wa nọre na me cha rẹ Ọrovwohwo Ọghẹnẹ rẹ ovwan na, emu kemu rẹ Ọrovwohwo kpahe kẹ ovwan me cha vuẹ ovwan, me sa djahe emu ọvuọvo kẹ ovwa-an.

Jerimaya 6:16

Enẹ Ọrovwohwo na tare, Mudia vwẹ oma rẹ idjerhe, wo ni, wọ nọ ekpen re idjerhe rẹ awanre na asan rẹ omamọ rẹ idjerhe epha, ru wa yan phihọ, re wọ mrẹ urovwoma vwọ kẹ ẹnwẹn rẹ ovwan Ẹkevuọvo ayen da ta nẹ, Avwanre cha yan phihọ-ọ.

Iruo rẹ Iyinkọn na 12:5

Eriyin na Pita da hẹ evu rẹ uwodi; ẹkẹvuọvo kọke kọke kọye ishọshi na vwọ rẹ Ọghẹnẹ kẹ.

Iruo rẹ Iyinkọn na 20:20

obo ri mi si emu ọvuọvo rọ vwẹ erere kẹ ovwan nu-u, mi yono ovwan vwẹ azagba ji nẹ uwevwi kpo uwevwi,

Ọbe ri Pọl si rhe Ihwo ri Rom 1:9

Kidie Ọghẹnẹ hẹ iseri mẹ, ohwo re me vwẹ erhi mẹ ejobi ga vwẹ evun rẹ iyẹnrẹ esiri rẹ Ọmọ rọye, obo ri mi se odẹ rẹ ovwan te kẹdẹ kẹdẹ vwẹ evun rẹ ẹrhovwo mẹ.

1 Kọrẹnt 9:16

Kidie mi de ghwoghwo iyẹnrẹ esiri na, ọyena dia obo re sorọ me vwọ yan eya-an. Kidie a gbarọ mu vwẹ. Ekan kẹ vwẹ ọ da dianẹ mi ghwoghwọ iyẹnrẹ esiri na-a!

Kolose 1:28

Kọye avwanre ghwoghwo na, rere kohwo kohwo ejobi sa vwọ dia ohwo ri Kristi;

Kolose 1:9

Vwẹ ọtiọye na, rhanwẹ ọke rẹ avwanre vwo nyo ikun nana unu rẹ avwanre rha ka vẹ ẹrhovwo ra nẹ kẹ ovwa-an, rere evun rẹ ovwan sa vwọ vọn vẹ erianriẹn rọye, vẹ iroro rẹ erhi na kugbe rere ovwan vwo vwo ẹruọ rẹ ota rọye.

1 Tẹsalonaika 3:10

Te ason te uvo avwanre vwọ rẹ kẹ ovwan rere avwanre vwọ sa mrẹ opharo rẹ ovwan rere asa rọ chọre vwẹ esegbuyota rẹ ovwan avwanre rhuẹrẹ phihọ?

2 Timoti 1:3

Me kpẹvwẹ Ọghẹnẹ re me vwẹ evun mẹ ejobi ga, kirobo rẹ esẹ mẹ ruru, re me da karohọ owẹ kọke kọke vwẹ ẹrhovwo mẹ.

1 Samuẹl 12:19

Ihwo na ejobi da ta kẹ Samuel, Rẹ Ọrovwohwo Ọghẹnẹ wẹn na kẹ idibo wẹn, rere avwanre vwo je ghwo; kidie avwanre rhoma vwẹ umwemwu nana ba imwemwu rẹ avwanre ri jovwo, rẹ avwanre vwo nọ ekpẹn rẹ ovie kẹ oma rẹ avwanre.

1 Samuẹl 8:6

Ẹkẹvuọvo ota na je Samuelu-u rẹ ayen vwọ ta, Kẹ avwanre ovie ro sun avwanre. Samuẹl da nẹ ẹrhovwo kẹ Ọrovwohwo.