1 Samuẹl 12:22 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²² Kidie Ọrovwohwo cha sa djẹ ihwo rọye kufia-a, fiki rẹ odẹ rọye rode, fikiridie o je Ọrovwohwo rọ vwọ vwẹ ovwan ru ihwo kẹ oma rọye.

1 Samuẹl 12:22 ပူးပေါင်းရင်းမြစ်များ

1 Ivie 6:13

Ke Me dia uherevie rẹ emọ rẹ Izrẹl, Me gbe sẹn Izrẹl rẹ ihwo mẹ-ẹ.

1 Ivie 8:57

Ọrovwohwo Ọghẹnẹ rẹ avwanre vẹ avwanre dia, kirobo rọ vẹ esẹ rẹ avwanre diarọ; e jọ yan jẹ avwanre vwo-o eyẹ ọ sen avwanre-e;

Ivie rẹ Ivẹ 14:27

Ẹkẹvuọvo ọ dianẹ Ọrovwohwo tare nẹ ọye phoro odẹ rẹ Izrẹl nẹ otọ rẹ ọnre na-a, kọye o de sivwi ayen vwẹ obọ ri Jeroboam rẹ ọmọ ri Joash.

Ivie rẹ Ivẹ 21:14

Ke me cha kpare umuku rẹ iruiku mẹ na kufia, ki mi phi ayen phihọ obọ rẹ ivwighrẹ rayen, kẹ ayen cha dia eranvwe rẹ uyo kẹ ivwighrẹ rayen ejobi,

1 Ikun rẹ Ivie 28:9

Wẹ, Solomọn rẹ ọmọ mẹ, riẹn Ọghẹnẹ rẹ esẹ wẹn, rere wọ ga vwẹ udu wẹn ejobi vẹ udu rẹ ẹguọnọ; kidie Ọrovwohwo re hiẹn ubiudu, ọ me rha riẹn iroro kiroro vẹ ona ejobi. Wọ da guọnọ, ku wọ mrẹ, ẹkẹvuọvo wọ da siọn, kọ djẹ wẹ kufia bẹdẹ.

2 Ikun rẹ Ivie 15:2

Ọ da yanran ra vwa Asa, ọ da ta kẹ, kerhọn mẹ, Asa, kugbe Juda vi Bẹnjamin ejobi; Ọrovwohwo na vẹ owẹ herọ, vwẹ ọke ro wọ vẹ ọye da herọ. Wọ da guọnọ, ku wọ mrẹ, ẹkẹvuọvo wọ da siọn, kọ sen wẹ.

Nehemaya 9:17

ayen sen ọghọ, ayen gbi roro iruo rẹ igbunu ru wo ru vwẹ ohri rẹ aye-en; ẹkẹvuọvo ayen da gan udu ayen da vwẹ osun mu no sun ayen rhivwi kpo ọviẹn vwẹ Ijipt. Ẹkẹvuọvo wẹ Ọghẹnẹ rọ choma ro vwo ghovwo, ro vwo ehrọre vẹ arodọvwẹ, ọ fobọ mu ophu-u rọ vọnre vẹ ẹguọnọ ro jẹrhẹriẹ, wọ gbẹ sen aye-en.

Une rẹ Ejiro 106:8

Dede na o ji sivwi ayen fiki rẹ odẹ rọye, rere ọ mrasan vwẹ ẹgba rọye rode na phia.

Une rẹ Ejiro 94:14

Kidie Ọrovwohwo cha sen ihwo rọye-e ọ cha djẹ je ireuku rọye vwọ-ọ,

Ẹyano 32:12

Die sorọ rẹ ihwo rẹ Ijipt vwọ tanẹ Uvun umwemwu ọye ọ vwọ reyọ ayen rhe, rere o vwo hwe ayen vwẹ enu rẹ igbenu, rere ọ vwọ guọghọ ayen nẹ otọ rẹ akpọ na? Fue ophu ọrhorhorho wẹn na, rere wo je emu ọbrabra ru wo che vwo ru ihwo nana vwo.

Aizaya 37:35

Kidie mẹvwẹ ọvo re cha chochọ rẹ orere na vwo sivwo, fiki rẹ odẹ mẹ kugbe fiki re odibo mẹ Devid.

Aizaya 41:17

Ọke rẹ ovwiogbere vẹ ọ re akpọ bẹn da guọnọ ame, ye ame herọ-ọ, re ẹrenvwe rọye da yamu vẹ urhuru rẹ ame, Mẹvwẹ rẹ Ọrovwohwo re sa kpahe kẹ ayen, Mẹvwẹ Ọrovwohwo rẹ Izrẹl na sa sen aye-en

Aizaya 42:16

Ki mi sun irhuẹro wan idjerhe rẹ ayen je riẹn dẹvo-o, vwe ada rẹ ayen jẹ rie-ẹn ki Mi sun ayen. Me rhẹriẹ ebri rọ hẹ obaro rayen phihọ urhukpẹ, asan chochohri ki mi ruo riẹriẹriẹ Enana keye imu ri mi che ru, Me gba cha sen aye-en.

Aizaya 43:25

Mẹvwẹ, Mẹvwẹ Ọye ri vwi fiki mẹ phoro orukuruku wẹ nu, Me gbe karohọ imwemwu wẹ-ẹ.

Aizaya 43:7

kohwo kohwo ra vwẹ odẹ mẹ se, re me mare vwọ kẹ urinrin mẹ, re me mamare re Me mare

Aizaya 48:11

Fiki rẹ odẹ Mẹ, fiki rẹ odẹ mẹ, Mi ruo. kidie e vwo gbe odẹ mẹ ẹgua? Urinrin mẹ Me sa vwọ kẹ ohwo ọfa-a.

Aizaya 49:15

Ke ọmọ ro vievie sa chọrọ aye ẹro, ro vwo jẹ ehrọre ẹriọ kẹ ọmọ rẹ ọrhen rọye? Ọ da tobọ dianẹ enana chọrọ ẹro, yu wọ sa chọrọ ovwẹ ẹro-o

Aizaya 63:8

Kidie ọ tare, Uyota ihwo mẹ ayen ruẹ, emọ ri jẹ ogbarogba eruo, ke ọye rhe dia Osivwi rayen.

Jerimaya 14:21

Fiki rẹ odẹ wẹn na, wo hwe avwanre-e, wọ rhaphiẹ ekete rẹ urinrin wẹn na-a; karohọ wo miovwo ọphọ wo nene avwanre re na-a.

Jerimaya 14:7

Owenẹ imwemwu re avwanre se oseri hwe avwanre dede, ru emu ọvo fiki rẹ odẹ wẹn E Ọrovwohwo; kidie esiohuko rẹ avwanre buru gangan, avwanre ru umwemwu kpahe owẹ.

Jerimaya 14:9

Die nẹrhẹ wọ họhọ ohwo gedegede kẹrẹ ogba ro se sivwẹ-ẹ? ye wẹ, E Ọrovwohwo, wọ hẹ ohri rẹ avwanre, a vwẹ odẹ wẹn se avwanre, wo jẹ avwanre vwo-o.

Uvwerhe 5:20

Die avwanre vwo chọrọ owẹ ẹro bẹdẹ, die wọ vwọ siẹn avwanre kri te enẹ?

Izikiẹl 20:14

Ẹkẹvuọvo mi ruro vwi fiki rẹ odẹ mẹ, rere e vwo je gbe ẹgua vwẹ obaro rẹ ẹgborho na, re me dia irharo rẹ ayen de si ayen nu na

Izikiẹl 20:9

Ẹkẹvuọvo mi ruro fiki rẹ odẹ mẹ, rere ayen vwo jẹ ẹphọphọ vwẹ obaro rẹ ẹgborho na rẹ ayen dia ohri rẹ ayen na. Me da vwẹ oma mẹ kẹ ayen riẹn vwẹ obaro rẹ ayen re me vwọ reyọ ayen nẹ otọ rẹ Ijipt rhe.

Malakae 1:2

Mẹvwẹ re guọnọ owe, eriyin Ọrovwohwo tare. Ẹkẹvuọvo wọ tare nẹ, Mavọ wọ guọnọ avwanre te? Isọ dia oniọvo ri Jekọp? eriyin Ọrovwohwo tare. Dede na ye me guọnọ Jekọp,

Matiu 11:26

Eriyin, Ọsẹ, kidie ọye obo ru wọ guọnọre.

Iyẹnrẹ Esiri ri Jọn 15:16

Ọ dia ovwan re jẹ vwẹ-ẹ, ẹkẹvuọvo mẹvwẹ re jẹ ovwan me da vwẹ ovwan mu rere ovwan yanran ra mọ ubi rere ubi rẹ ovwan vwọ dia; ọtiọye na emu kemu rẹ ovwan nọ Ọsẹ na vwẹ odẹ mẹ, ọ sa vwọ kẹ ovwan.

Ọbe ri Pọl si rhe Ihwo ri Rom 11:1

Me nọre nẹ, kẹ Ọghẹnẹ siẹn ihwo rọye? Kaka vwo! Mẹvwẹ rọ ta ota na je vwọ ohwo rẹ Izrẹl, uvwiẹ rẹ Ebraham, ohwo rẹ orua ri Bẹnjamin.

Ọbe ri Pọl si rhe Ihwo ri Rom 11:29

Kidie okẹ kugbe use rẹ Ọghẹnẹ a sa rhan rhivwi-i.

1 Kọrẹnt 4:7

Kidie ono re mrẹ ofẹnẹ vwẹ oma rẹ ovwan? Die wo vwori ro jẹ uwe obọ e te? Wo de rhe vwo nu, die wọ rha vwọ yan eyan kerẹsiẹ ra mrẹ nẹ ọphẹ wọ mrẹ rẹ-ẹ?

Ẹfesọs 1:12

Avwanre ihwo ri ke phiẹrohọ Kristi na ke rhi avwanre a da vwẹ avwanre mu nẹ e dia vwọ kẹ ejiro vẹ urinrin rọye.

Ẹfesọs 1:6

vwọ kẹ ejiro rẹ urinrin rẹ ẹserọphẹ rọye rọ de vwọ kẹ avwanre ọphọphẹ vwẹ evun rẹ Ọrọguọnọre na.

Urhi Rivẹ 14:2

Kidie wọwẹ ohwo ọfuanfon kẹ Ọrovwohwo rẹ Ọghẹnẹ wẹn na, Ọrovwohwo na sanọ owẹ vwo dia oghẹre re ohwo ko omobọ rọye, nọ ihwo na ejobi re hẹ enu rẹ akpọ na.

Urhi Rivẹ 31:17

Ophu mẹ kọ la kpahe ayen vwẹ ẹdẹ yena, ke Me sen ki mi si opharo mẹ nu kẹ ayen, ka ghwọrọ ayen; emiovwo vẹ ukpokpogho buebu ki bru ayen ra, eriyin na ayen ke ta vwẹ ẹdẹ yena, Ọ dianẹ emiovwo nana bru avwanre rhe fikirobo rẹ Ọrovwohwo gbe hẹ uherevie rẹ avwanre-e.

Urhi Rivẹ 31:6

Wọ Me gan oma wo vwo udu, wọ djẹ oshọ-ọ eyẹ wọ je ro ẹnwan raye-en; kidie Ọrovwohwo Ọghẹnẹ rẹ ovwan yi nene ovwan yan; ọ sa phiẹn wẹ-ẹ ọ jẹ sen wẹ-ẹ.

Urhi Rivẹ 31:8

Ọrovwohwo na cha karọ kẹ wẹ ra; o nene uwe dia, ọ sa phiẹn we-e ọ jẹ sen wẹ-ẹ, wọ djẹ oshọ-ọ wo guegue-e.

Urhi Rivẹ 7:6

Kidie ovwan ihwo efuanfon kẹ Ọrovwohwo rẹ Ọghẹnẹ rẹ ovwan na; Ọrovwohwo Ọghẹnẹ wẹn re sanọ owẹ re wọ dia oghẹre rẹ ohwo kẹ omobọ rọye, nọ ihwo rẹ herọ vwẹ evun rẹ akpọ na ejobi.

Urhi Rivẹ 9:5

Ọ dia fiki rẹ ọvwata wẹn eyẹ ẹvun ẹfuọ wẹn wọ ra vwọ dia otọ na-a; ẹkẹvuọvo fiki rẹ umwemwu rẹ ẹgborho nana Ọrovwohwo Ọghẹnẹ wẹn vwọ djẹ ayen nẹ obaro wẹn, rere ọ mrasan ru ive ro veri kẹ esẹ rẹ ovwan na gba, kẹ Ebraham, kẹ Aizik, ki Jekọp.

Filipae 1:6

O mu uvwe ẹro nẹ ohwo rọ to iruo esiri nana phihọ vwẹ evun rẹ ovwan na o ji che ruo gba vwẹ ẹdẹ ri Jesu Kristi da rhe.

Hibru 13:5

Si oma wẹn nẹ urhuru si vwe rẹ igho, jẹn obo ru wo vwori da wẹ ẹro; kidie ọ tarọ nure nẹ, Me sa phiẹn wẹ-ẹ eyẹ me sa sen wẹ-ẹ.

Joshua 7:9

Ihwo ri Kenan vẹ ihwo re dia otọ na ejobi ki che nyo, ke cha gba riariẹ avwanre, ki che phoro odẹ rẹ avwanre nẹ akpọ na; kidie wo ru fiki rẹ odẹ wẹn rode na?

1 Pita 2:9

Ẹkẹvuọvo ovwan uvwiẹ ra jẹreyọ, uvwiẹ rẹ irherẹn, ẹgborho ọfuanfon, ihwo robọ rẹ Ọghẹnẹ, rere ovwan vwo se dje iruo rẹ igbunu rẹ ohwo ro se ovwan nẹ ebri rhe vwo kpo urhukpẹ rẹ igbunu rode na.