1 Samuẹl 12:20 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁰ Samuẹl da ta kẹ ihwo na, Wa djẹ oshọ-ọ, we ru emu umwemwu nana ejobi, yi we ji chuko ku Ọrovwohwo-o, ẹkẹvuọvo wa je vwẹ udu rẹ ovwan ejobi vwọ ga Ọrovwohwo;

1 Samuẹl 12:20 ပူးပေါင်းရင်းမြစ်များ

1 Ikun rẹ Ivie 28:9

Wẹ, Solomọn rẹ ọmọ mẹ, riẹn Ọghẹnẹ rẹ esẹ wẹn, rere wọ ga vwẹ udu wẹn ejobi vẹ udu rẹ ẹguọnọ; kidie Ọrovwohwo re hiẹn ubiudu, ọ me rha riẹn iroro kiroro vẹ ona ejobi. Wọ da guọnọ, ku wọ mrẹ, ẹkẹvuọvo wọ da siọn, kọ djẹ wẹ kufia bẹdẹ.

Une rẹ Ejiro 101:3

Mi che se mu emu ọvuọvo phihọ obaro mẹ rọ pha farhiẹ farhiẹ-ẹ. Mi tuoma rẹ otu ri she kufia, ọ gbe cha gbane ovwẹ-ẹ.

Une rẹ Ejiro 125:5

Ẹkẹvuọvo ayen otu ri rhivwi kpo idjerhe ogugunu rayen. Ọrovwohwo ko sun ayen yanran kugbe ihwo umwemwu! Ufuoma dia kẹ Izrẹl.

Une rẹ Ejiro 40:4

Ebruphihọ kẹ ohwo rọ vwẹ ẹro so Ọrovwohwo, rọ rhẹriẹ oma bru ohwo ro herẹ-ẹ, ro bru ihwo ri ghwru nene eghẹnẹ rẹ efia-an!

Ẹyano 23:25

Wọ me ga Ọrovwohwo Ọghẹnẹ wẹn, ki mi bruphihọ ikara wẹn vẹ ame wẹn; ki mi si emiavwe nẹ ohri wẹn.

Ẹyano 32:30

Irhiọke rivẹ Mosis da ta kẹ ihwo na, We ru umwemwu rode. Asakiephana ki mi yeri kpenu bru Ọrovwohwo; siẹvo se me sa gọ ẹgua nẹ ovwan oma fiki rẹ umwemwu rẹ ovwan.

Jerimaya 3:1

Ọ da dianẹ ohwo siẹn aye rọye ro de no obọ rọ da rọvwọ ohwo ọfa, kẹ ọshare na se rhivwi bro ra? Kẹ otọ yena gbi miovwi gangan? we nene esen buebu gbe igberadja, ovwan gbi rhivwi bru vwe rhe? Eriyin Ọrovwohwo na tare.

Hegae 2:5

Kerẹ ive re me vẹ ovwan veri vwẹ ọke we vwo nẹ otọ rẹ Ijipt rhe. Erhi mẹ ọ hẹ ohri rẹ ovwan; wa djẹ oshọ-ọ.

Urhi Rivẹ 10:12

Kọna, Izrẹl, die Ọrovwohwo Ọghẹnẹ wẹn, tobọ guọnọ vwẹ obọ wẹn, ẹkẹvuọvo vwọ djẹ oshọ rẹ Ọrovwohwo Ọghẹnẹ wẹn, vwọ yan phihọ idjerhe rọye ejobi, je vwọ guọnọ, wọ je vwẹ udu wẹn ejobi kugbe ẹnwẹn wẹn ejobi ga Ọrovwohwo Ọghẹnẹ wẹn.

Urhi Rivẹ 11:16

Wa Me jomaotọ, udu rẹ ovwan da rhe phiẹn ovwan, we de kurhẹriẹ ruẹ akakọ, ra ga edjọ shiguẹ kpotọ kẹ ayen;

Urhi Rivẹ 31:29

Kidie Me riẹnre nẹ mi de ghwu nu omuẹro nẹ ovwan che miovwo oma gangan, ovwan da rhẹriẹ nẹ idierhe re Me vuẹ ovwan na; evun rẹ ẹdẹ yena ukpokpoma ko she tẹyo ovwan, fikiridie ovwan che ru umwemwu vwẹ obaro rẹ Ọrovwohwo vwọ nẹrhẹ phihọ ophu fiki rẹ iruo rẹ abọ rẹ ovwan.

Joshua 23:6

Fiki rẹ ọtiọye na gba nabọ mudia gan re we ru emu ejobi re si phihọ evun rẹ urhi ri Mosis na, we kuoma rhẹriẹ no kpo obọrhe eyẹ obọhwẹre-e

1 Pita 3:16

jẹ evun wẹn fon, rere, ọke ra da harhe owẹ, ayen otu re harhe uruemu esiri ru wo ru kẹ Kristi oma vwọ vo ayen.

1 Samuẹl 12:19

Ihwo na ejobi da ta kẹ Samuel, Rẹ Ọrovwohwo Ọghẹnẹ wẹn na kẹ idibo wẹn, rere avwanre vwo je ghwo; kidie avwanre rhoma vwẹ umwemwu nana ba imwemwu rẹ avwanre ri jovwo, rẹ avwanre vwo nọ ekpẹn rẹ ovie kẹ oma rẹ avwanre.