1 Samuẹl 12:19 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁹ Ihwo na ejobi da ta kẹ Samuel, Rẹ Ọrovwohwo Ọghẹnẹ wẹn na kẹ idibo wẹn, rere avwanre vwo je ghwo; kidie avwanre rhoma vwẹ umwemwu nana ba imwemwu rẹ avwanre ri jovwo, rẹ avwanre vwo nọ ekpẹn rẹ ovie kẹ oma rẹ avwanre.

1 Samuẹl 12:19 ပူးပေါင်းရင်းမြစ်များ

Jẹnẹsis 20:7

Gba vwẹ aye rẹ ohwo na vwọ kẹ; fikiridie ọmraro o ruẹ, kọ nẹ ẹrhovwo kẹ wẹ, kọye wọ rhọre. Ẹkẹvuọvo wọ rha vwọ kẹ-ẹ, gba riẹn tanẹ ughwu kọye wo ghwu, wẹ kugbe ekru wẹn ejobi.

ỌBE RẸ JOB 37:13

Owenẹ fiki rẹ ẹrhuẹrẹ phihọ, eyẹ fiki rẹ otọ rọye na, eyẹ fiki rẹ ẹguọnọ, o vwo ruo nẹ ọphia.

ỌBE RẸ JOB 42:8

Asakiephana gba reyọ irhuẹn eshare ighwrẹ kugbe egbo ighwrẹ, re wo bru odibo mẹ Job, re wo re ze izobo kẹ oma wẹn izobo rẹ ẹtorhẹ, odibo mẹ Job kọ nẹ ẹrhovwo kẹ wẹ, kidie me reyọ ẹrhovwo mi gbi nenesi rẹ ugheghẹ wẹ-ẹn; kidie wọ ta ota oyoyovwi kpahe ovwẹ-ẹ, kirobo rẹ odibo mẹ Job ruru-u.

Ẹyano 10:17

Asakiephana, vwẹ umwemwu mẹ ghovwo uvwe, me rẹ wẹ, obọ nana ọvo, rere wọ rẹ Ọrovwohwo Ọghẹnẹ wẹn rere o mu ughwu nana nẹ uvwe.

Ẹyano 32:30

Irhiọke rivẹ Mosis da ta kẹ ihwo na, We ru umwemwu rode. Asakiephana ki mi yeri kpenu bru Ọrovwohwo; siẹvo se me sa gọ ẹgua nẹ ovwan oma fiki rẹ umwemwu rẹ ovwan.

Ẹyano 9:28

Rẹ Ọrovwohwo na, kidie osio rẹ imicho na vẹ agbrara na teri; mi jẹn uwe kpo, we gbi rhe mudia ọfa-a.

Aizaya 26:16

E Ọrovwohwo, vwẹ evun rẹ ọdjarhe kẹ ayen guọnọ owẹ kẹ ayen shẹ ẹrhovwo ẹnẹ vwe ọke wọ vwọ ghwe obo re efafa wẹn kpahe ayen.

Jerimaya 15:1

Etiyin Ọrovwohwo da ta kẹ vwẹ, owenẹ Mosis vẹ Samuẹl mudia vwẹ obaro mẹ dede, udu mẹ sa rhẹriẹ bru ihwo nana-a. Si ayen nẹ obaro mẹ, rere wo jẹn ayen yanran.

Jerimaya 27:18

Ọ da dianẹ ayen kẹ emraro, ri vwo ota rẹ Ọrovwohwo na, gbe jẹn ayen rẹ Ọrovwohwo rẹ otuofovwi na, rere ekuakua re jovwo vwe uwevwi rẹ Ọrovwohwo na, vẹ uwevwi rẹ ovie ri Juda, kugbe Jerusalẹm na vwo jẹ Babilọn ẹra.

Jerimaya 37:3

Ovie Zedikaya de ji Jehukal ọmọ ri Shelemaya, vẹ Zẹfanaya orherẹn na, ọmọ ri Maseya, bru Jerimaya re ọmraro na rhe nẹ, Re Ọrovwohwo Ọghẹnẹ rẹ avwanre na kẹ avwanre.

Jerimaya 42:2

Ayen da ta kẹ Jerimaya rẹ ọmraro na, Jẹn omaevwerhe rẹ avwanre te obaro wẹn wọ rẹ Ọrovwohwo Ọghẹnẹ wẹn na kẹ avwanre, kidie umuku rẹ avwanre ro chekọ na rhe bu-u, kirobo rẹ ẹro wẹn je ghwa mrẹ na.

Malakae 1:9

Asakiephana gba guọnọ aroesiri rẹ Ọghẹnẹ, rere o ni arodọvwẹ rẹ avwanre. Wa da vwẹ emu ọtiọye na yọnrọn obọ rhe ko ni arodọvwẹ rẹ ovwan we roro? eriyin Ọrovwohwo rẹ otuofovwi na tare.

Ukeri 21:7

Ihwo na de bru Mosis rhe, ayen da ta, Avwanre ru imwemwu, kidie, avwanre harhẹ Ọghẹnẹ vẹ ekpuyovwi wẹn; biko rẹ Ọrovwohwo kẹ avwanre rere o si eredekọ na nẹ uherevie rẹ avwanre. Etiyin Mosis da rẹ kẹ ihwo na.

Iruo rẹ Iyinkọn na 8:24

Etiyin Saimọn da kpahe kẹ, Rẹ Ọrovwohwo kẹ vwẹ, rere emu wọ tare na vwo jẹ uvwe ebro cha.

Jems 5:15

Omamọ rẹ ẹrhovwo rẹ esegbuyota ko sivwi ohwo rọ họnvwan na, Ọrovwohwo kọ kparọ vrẹn; ọ da dianẹ o ru imwemwu jovwo, kẹ vwo ghovwo.

1 Jọn 5:16

Ohwo da mrẹ oniọvo rọye ro ruẹ umwemwu ro fo ughwu-u, kọ nọ, Ọghẹnẹ kọ vwẹ arhọ rẹ ayen otu ri ru umwemwu ro fo ughwu-u vwọ kẹ ayen.

1 Samuẹl 12:13

Asakiephana gbe nighe ovie na rẹ ovwan jẹreyọ na, rẹ ovwan nọ ekpẹn rọye na; nighere, Ọrovwohwo vwẹ ovie na mu kẹ ovwan rẹ.

1 Samuẹl 12:17

Nonẹ na dia ọke orhọ rẹ oka-a Mi che se Ọrovwohwo rere ọ rhọ osio vẹ agbrara; ku wa riẹn ku wa mrẹ nẹ uvumwemwu rẹ ovwan ghine rho, ru we ruru vwẹ obaro rẹ Ọrovwohwo re wa vwọ nọ ekpẹn rẹ ovie kẹ oma rẹ ovwan.

1 Samuẹl 12:20

Samuẹl da ta kẹ ihwo na, Wa djẹ oshọ-ọ, we ru emu umwemwu nana ejobi, yi we ji chuko ku Ọrovwohwo-o, ẹkẹvuọvo wa je vwẹ udu rẹ ovwan ejobi vwọ ga Ọrovwohwo;

1 Samuẹl 12:23

Ọ rọ marho mi che ru umuemwu kpahe Ọrovwohwo re mi se jẹ ẹrhovwo ẹnẹ kẹ Ọrovwohwo fiki rẹ ovwa-an; ki mi yono ovwan phihọ idjerhe rẹ esiri vẹ ọsoso.

1 Samuẹl 7:5

Etiyin Samuẹl da ta, Se Izrẹl ejobi koko vwi Mizpah, re me nẹ ẹrhovwo kẹ Ọrovwohwo vwọ kẹ ovwan.

1 Samuẹl 7:8

Ihwo rẹ Izrẹl da ta kẹ Samuel, Kperi se Ọrovwohwo kẹ avwanre wọ da unu jẹ-ẹ, rere o sivwi avwanre nẹ obo ri Filistia.

1 Samuẹl 8:6

Ẹkẹvuọvo ota na je Samuelu-u rẹ ayen vwọ ta, Kẹ avwanre ovie ro sun avwanre. Samuẹl da nẹ ẹrhovwo kẹ Ọrovwohwo.