1 Samuẹl 12:18 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁸ Etiyin Samuẹl de se Ọrovwohwo, Ọrovwohwo da vwẹ agbrara vẹ osio rhe vwẹ ẹdẹ yena; ihwo na ejobi da djẹ oshọ rẹ Ọrovwohwo vi Samuẹl gangan.

1 Samuẹl 12:18 ပူးပေါင်းရင်းမြစ်များ

1 Ivie 18:42

Ọtiọye Ehab da yanran ra re ra da. Ilaija da yanran kpo obenu ri Karmel; o de rhuẹ kpotọ, ọ da vwẹ opharo hwa asan igbo rọye.

Ezra 10:9

Etiyin eshare ri Juda ejobi kugbe Bẹnjamin da rhe ghwẹ koko vwẹ ẹdẹ erha re bruru na vwi Jerusalẹm, ọ da dia emeranvwe rẹ irhiri, vwẹ ẹdẹ uje rẹ emeranvwe na. Ihwo na ejobi de tidia vwẹ uphephẹn rọ hẹ obaro rẹ uwevwi rẹ Ọghẹnẹ, ayen ra phariẹ fiki rẹ ota nana ji kugbe okposio rode rọ rhọ na.

ỌBE RẸ JOB 37:13

Owenẹ fiki rẹ ẹrhuẹrẹ phihọ, eyẹ fiki rẹ otọ rọye na, eyẹ fiki rẹ ẹguọnọ, o vwo ruo nẹ ọphia.

Une rẹ Ejiro 99:6

Mosis vẹ Erọn vwẹ ohri rẹ irherẹn rọye, Samuẹl je vwẹ usun re otu ri se odẹ rọye. Ayen kperi se Ọrovwohwo na, o de nyo ke ayen

Ẹyano 14:31

Izrẹl da mrẹ iruo ride rẹ Ọrovwohwo ru kpahe ihwo rẹ Ijipt, ihwo na da djẹ oshọ rẹ Ọrovwohwo, ayen de se Ọrovwohwo vi Mosis rẹ odibo rọye gbuyota.

Joshua 10:12

Eriyin Joshua da ta ota kẹ Ọrovwohwo vwẹ ọke rọ vwọ vwẹ ihwo rẹ Amọr kẹ Izrẹl hwe nu; ọ da ta vwẹ obaro rẹ Izrẹl ejobi. Ọnre, mudia gbiei vwi Gibeọn, wẹ rẹ emeranvwe vwẹ iyara ri Aijalọr.

Joshua 4:14

Vwẹ ẹdẹ yena Ọrovwohwo da kpare Joshua kpenu vwẹ obaro rẹ ihwo rẹ Izrẹl ejobi; kẹ ayen mudia phariẹ kẹ, kirobo rẹ ayen mudia phariẹ kẹ Mosis, vwẹ ẹdẹ rẹ akpọ rọye ejobi.