1 Samuẹl 12:17 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁷ Nonẹ na dia ọke orhọ rẹ oka-a Mi che se Ọrovwohwo rere ọ rhọ osio vẹ agbrara; ku wa riẹn ku wa mrẹ nẹ uvumwemwu rẹ ovwan ghine rho, ru we ruru vwẹ obaro rẹ Ọrovwohwo re wa vwọ nọ ekpẹn rẹ ovie kẹ oma rẹ ovwan.

1 Samuẹl 12:17 ပူးပေါင်းရင်းမြစ်များ

Une rẹ Ejiro 99:6

Mosis vẹ Erọn vwẹ ohri rẹ irherẹn rọye, Samuẹl je vwẹ usun re otu ri se odẹ rọye. Ayen kperi se Ọrovwohwo na, o de nyo ke ayen

Ẹyano 32:30

Irhiọke rivẹ Mosis da ta kẹ ihwo na, We ru umwemwu rode. Asakiephana ki mi yeri kpenu bru Ọrovwohwo; siẹvo se me sa gọ ẹgua nẹ ovwan oma fiki rẹ umwemwu rẹ ovwan.

Isẹ 26:1

Kirobo rẹ imicho je fo vwẹ ọke uvo eyẹ osio vwẹ ọke orhọ ye, eriyin ọghọ ji je fo kẹ ẹkpa.

Jerimaya 15:1

Etiyin Ọrovwohwo da ta kẹ vwẹ, owenẹ Mosis vẹ Samuẹl mudia vwẹ obaro mẹ dede, udu mẹ sa rhẹriẹ bru ihwo nana-a. Si ayen nẹ obaro mẹ, rere wo jẹn ayen yanran.

Joshua 10:12

Eriyin Joshua da ta ota kẹ Ọrovwohwo vwẹ ọke rọ vwọ vwẹ ihwo rẹ Amọr kẹ Izrẹl hwe nu; ọ da ta vwẹ obaro rẹ Izrẹl ejobi. Ọnre, mudia gbiei vwi Gibeọn, wẹ rẹ emeranvwe vwẹ iyara ri Aijalọr.

1 Samuẹl 12:13

Asakiephana gbe nighe ovie na rẹ ovwan jẹreyọ na, rẹ ovwan nọ ekpẹn rọye na; nighere, Ọrovwohwo vwẹ ovie na mu kẹ ovwan rẹ.

1 Samuẹl 12:19

Ihwo na ejobi da ta kẹ Samuel, Rẹ Ọrovwohwo Ọghẹnẹ wẹn na kẹ idibo wẹn, rere avwanre vwo je ghwo; kidie avwanre rhoma vwẹ umwemwu nana ba imwemwu rẹ avwanre ri jovwo, rẹ avwanre vwo nọ ekpẹn rẹ ovie kẹ oma rẹ avwanre.

1 Samuẹl 2:10

Ivwighrẹn rẹ Ọrovwohwo ejobi ka ghwọrọ ayen vworo vworo; enu kọ cha van ku ayen. Ọrovwohwo che guẹdjọ rẹ oba rẹ akpọ na; ọ cha vwẹ ogangan kẹ ivie rọye, ọ me rha kpare ogangan rẹ ọ rọ jẹreyọ na kpenu.

1 Samuẹl 7:5

Etiyin Samuẹl da ta, Se Izrẹl ejobi koko vwi Mizpah, re me nẹ ẹrhovwo kẹ Ọrovwohwo vwọ kẹ ovwan.

1 Samuẹl 8:6

Ẹkẹvuọvo ota na je Samuelu-u rẹ ayen vwọ ta, Kẹ avwanre ovie ro sun avwanre. Samuẹl da nẹ ẹrhovwo kẹ Ọrovwohwo.

1 Samuẹl 8:7

Ọrovwohwo da ta kẹ Samuẹl, Nyo obo rẹ ihwo na ta kẹ wẹ ejobi; kidie ọ dia owẹ ayen sẹnre-e, ẹkẹvuọvo mẹvwẹ ayen sẹnre nẹ ọ dia ovie kẹ aye-en.