1 Samuẹl 12:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Wa da djẹ oshọ rẹ Ọrovwohwo wa da ga, we de nyo ota rọye we rhe miovwi urhi rẹ Ọrovwohwo-o, te ovwan te ovie rọ ria vwẹ enu rẹ ovwan na de se nene Ọrovwohwo Ọghẹnẹ rẹ ovwan ko yovwi;

1 Samuẹl 12:14 ပူးပေါင်းရင်းမြစ်များ

2 Ikun rẹ Ivie 15:2

Ọ da yanran ra vwa Asa, ọ da ta kẹ, kerhọn mẹ, Asa, kugbe Juda vi Bẹnjamin ejobi; Ọrovwohwo na vẹ owẹ herọ, vwẹ ọke ro wọ vẹ ọye da herọ. Wọ da guọnọ, ku wọ mrẹ, ẹkẹvuọvo wọ da siọn, kọ sen wẹ.

Une rẹ Ejiro 105:28

O de ji ebri, ọ da nẹrhẹ otọ na mu egho, ayen de mu kpahe eta rọye.

Aizaya 3:10

Ta kẹ evwata nẹ oyovwi kẹ ayen, fikiridie ayen cha re emamọ rẹ uruemu rayen

Uvwerhe 1:18

Ọrovwohwo re riẹ ase, kidie mẹvwẹ ri mu kpahe ota rọye, ẹkẹvuọvo nyo, ovwan ihwo ejobi, re we ni oja re me ria, emetẹ mẹ kugbe emeshare mẹ kpo ighuvwu re.

Ọbe ri Pọl si rhe Ihwo ri Rom 2:7

Ihwo re vwẹ erhiori ru omamọ rẹ iruo re guọnọ urinrin vẹ ọghọ kugbe erhi ro jeghwo, kọ vwẹ arhọ ri bẹdẹ kẹ ayen.

Urhi Rivẹ 13:5

Ẹkẹvuọvo ọmraro yena, eyẹ ọvwerhẹ evwerhẹ yena ke hwe ghwu; fikiridie ọ ta ota ọbrabra kpahe Ọrovwohwo Ọghẹnẹ rẹ ovwan ro si ovwan nẹ otọ rẹ Ijipt rhe na, rọ tan ovwan nẹ uwevwi rẹ ọviẹn, ro vwo sun ovwan nẹ idjerhe rẹ Ọrovwohwo Ọghẹnẹ rẹ ovwan vuẹ ovwan nẹ we nene. Ọtiọye ku we si hworhẹ umwemwu na nẹ uherevie rẹ ovwan.

Joshua 24:14

Asakiephana wa gba djẹ oshọ rẹ Ọrovwohwo, wa vwẹ evun esiri kugbe uyota vwọ ga, siobọ nẹ edjọ rẹ esẹ rẹ ovwan gọre vwẹ obo ovrẹn rẹ Urhie na, kugbe Ijipt, re wa ga Ọrovwohwo na.

Joshua 24:20

Ọ da dianẹ ovwan siẹn Ọrovwohwo na ra gọ edjọ erhorha ko kuoma rhẹriẹ re wan ovwan oma, kọ ghwọrọ ovwan, yo ru emu esiri kẹ ovwan nure.