1 Samuẹl 12:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Asakiephana gbe nighe ovie na rẹ ovwan jẹreyọ na, rẹ ovwan nọ ekpẹn rọye na; nighere, Ọrovwohwo vwẹ ovie na mu kẹ ovwan rẹ.

1 Samuẹl 12:13 ပူးပေါင်းရင်းမြစ်များ

Hosia 13:11

Me kẹ wẹ ovie vwẹ ophu mẹ, vwẹ ivuemiovwo mẹ mi de si ayen nu.

Iruo rẹ Iyinkọn na 13:21

Etiyin ayen da nọ ekpẹn rẹ ovie; Ọghẹnẹ da vwẹ Sọl rẹ ọmọ ri Kish vwo mu kẹ ayen, ohwo rẹ uvwiẹ ri Benjamin, o de sun ayen ikpe ujuvẹ.

1 Samuẹl 10:24

Samuẹl da ta kẹ ihwo na ejobi, Ovwan mrẹ ohwo rẹ Ọrovwohwo jẹre? O vwo ọvuọvo rọ họhere vwẹ ohri rẹ ihwo na ejobi-i. Ihwo na ejobi de kperi, E jẹn ovie tọn.

1 Samuẹl 11:15

Etiyin ihwo na ejobi da yanran kpo Gilgal, ayen da vwi Sọl mu ovie vwẹ obaro rẹ Ọrovwohwo vwi Gilgal. Etiyin ayen de ze izobo rẹ ufuoma vwẹ obaro rẹ Ọrovwohwo, etyin Sọl vẹ ihwo rẹ Izrẹl ejobi da ghọghọ gangan.

1 Samuẹl 12:17

Nonẹ na dia ọke orhọ rẹ oka-a Mi che se Ọrovwohwo rere ọ rhọ osio vẹ agbrara; ku wa riẹn ku wa mrẹ nẹ uvumwemwu rẹ ovwan ghine rho, ru we ruru vwẹ obaro rẹ Ọrovwohwo re wa vwọ nọ ekpẹn rẹ ovie kẹ oma rẹ ovwan.

1 Samuẹl 12:19

Ihwo na ejobi da ta kẹ Samuel, Rẹ Ọrovwohwo Ọghẹnẹ wẹn na kẹ idibo wẹn, rere avwanre vwo je ghwo; kidie avwanre rhoma vwẹ umwemwu nana ba imwemwu rẹ avwanre ri jovwo, rẹ avwanre vwo nọ ekpẹn rẹ ovie kẹ oma rẹ avwanre.

1 Samuẹl 8:5

ayen da ta kẹ, Nighe, wọ ghwore yẹ emọ wẹn yan nene idjerhe wẹ-ẹn: Asakiephana gba vwẹ ovie mu kẹ avwanre ro sun avwanre kerẹ ẹgborho ri chekọ na ejobi

1 Samuẹl 9:20

Vwọ kpahe ekẹtẹkẹtẹ wẹn ri ghwruru rhanwe ẹdẹ erha re na, wọ rha ruẹ ẹnwa rẹ aye-en, kidie a mrẹ ayen nure. Ki fiki rẹ ono a vwọ guọnọ ọyena ejobi vwẹ Izrẹl na? ọ rha dia ifiki wẹ vẹ uwevwi rẹ ọsẹ wẹn ejobi?