1 Samuẹl 12:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Wa vwọ mrẹ nẹ Nahash ovie rẹ ihwo rẹ Ammọn kpare ohọnre vwọ so ovwan, wa da ta kẹ vwẹ, ẹjo, ẹkẹvuọvo ma guọnọ ovie ro sun avwanre, vwẹ ọke rẹ Ọrovwohwo rẹ Ọghẹnẹ rẹ ovwan vwọ hẹ ovie rẹ ovwan.

1 Samuẹl 12:12 ပူးပေါင်းရင်းမြစ်များ

Jẹnẹsis 17:7

Ọphọ na kọ dia uvwre mẹ vẹ owẹ kugbe uvwiẹ wẹn rọ cha vwẹ obuko wẹn; kọ dia ọphọ re rara, kọ dia Ọghẹnẹ kẹ wẹn kugbe uvwiẹ wẹn rọ cha obuko wẹ.

Une rẹ Ejiro 74:12

Dede Ọghẹnẹ Ovie mẹ nẹ awanre rhe, o vwo ru iruo re esivwo vwẹ uherevie rẹ akpọ na

Aizaya 33:22

Kidie Ọrovwohwo na oguẹdjọ re avwanre, Ọrovwohwo osun re avwanre, Ọrovwohwo na ovie re avwanre, o se sivwi avwanre

Jerimaya 40:11

Eriyin rhe, ọke rẹ ihwo ri Ju re hẹ obi Moab, vẹ uherevie rẹ ihwo rẹ Amọn vẹ e re hẹ obi Idọm kugbe e re hẹ obo etọ efa vwo nyo nẹ ovie ri Babilọn yan jẹ ihwo evo vwo vwẹ evun ri Juda nẹ ọ vwẹ Gedalaya ọmọ rẹ Ahikam rẹ ọmọ in Shafan mu osun vwẹ enu rayen,

Hosia 13:10

Tivọ ovie wẹn epha, ro sivwi uwe; isun wẹn rhọ, re chọ ochọ wẹ ihwo re wọ ta nẹ; Kẹ vwẹ ovie kugbe isun?

Ukeri 23:21

Ọ mrẹ umiovwo ọvuọvo vwẹ oma ri Jekọpu-u; eyẹ ọ mrẹ ukpokpogho ọvuọvo vwẹ Izrẹl na-a Ọrovwohwo rẹ Ọghẹnẹ rayen vẹ ayen herọ, edo rẹ ovie ọvo ọ hẹ uherevie rayen.

Iguẹdjọ 8:23

Gidiọn da ta kẹ ayen nẹ, Mi che sun ovwa-an, ọmọ me rẹ ọshare che sun ovwa-an; Ọrovwohwo na ri che sun ovwan.

Iguẹdjọ 9:18

ovwan de rhi mu kpahe uwevwi rẹ ọsẹ mẹ vwẹ ẹdẹ ri nonẹ na, ovwan de hwe emọ rọye rẹ eshare ujorha gbe ihwe phihọ enu rẹ oragha ọvo, ovwan da vwẹ Abimẹlẹk rẹ ọmọ rẹ ọsen, vwo mu ovie kẹ ihwo ri Shikẹm, fikiridie omoni rẹ ovwan o ruẹ–

1 Samuẹl 10:19

Ẹkẹvuọvo ẹdọke ri nonẹ na wa sen Ọghẹnẹ rẹ ovwan, ro sivwi ovwan nẹ okpetu rẹ ovwan kugbe uvwerhe rẹ ovwan; ovwan da ta, Ẹjo, ẹkẹvuọvo vwẹ ovie mu kẹ avwanre. Asakiephana wa gba vwẹ oma rẹ ovwan phia kẹ Ọrovwohwo vwẹ oruorua rẹ ovwan kugbe ururiori.

1 Samuẹl 8:3

Dede na emọ rọye yan nene idjerhe rọye-e, ẹkẹvuọvo esi rẹ erere kọye ayen nene; ayen da re udi ayen da bọvwọ ẹdjọ rhu.