1 Samuẹl 12:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Ọrovwohwo de ji Jerubbaal vi Barak, kugbe Jefta vi Samuel, ayen de sivwi ovwan nẹ obọ rẹ ivwighrẹ rẹ ovwan vwi kabọ kabọ; wa da dia vwẹ ufuoma.

1 Samuẹl 12:11 ပူးပေါင်းရင်းမြစ်များ

Ivie rẹ Ivẹ 13:5

Kọye Ọrovwohwo da vwẹ osivwi kẹ Izrẹl, ayen da rhe vabọ rẹ ihwo ri Siria; ihwo rẹ Izrẹl da rhe dia iwevwi rayen kirobo rẹ ayen dia jovwo.

1 Ikun rẹ Ivie 7:17

Emọ rẹ Ulam: Bedan. Enana emọ ri Gilead rẹ ọmọ ri Makir; Ọmọ ri Manasse.

Iguẹdjọ 4:6

O de ji ikọn re se Barak ọmọ rẹ Abinoam nẹ Kedẹsh ri Naftali rhe, ọ da ta kẹ nẹ, Ọ dianẹ Ọrovwohwo na, Ọghẹnẹ rẹ Izrẹl na, ji urhi kẹ wẹ nẹ, Yanran, koko ihwo wẹn rẹ ugbenu rode ri Tabọr, rere wọ reyọ eshare uriori ihwe nẹ uvwiẹ ri Naftali rhe kugbe emọ ri Zẹbulọn.

Iguẹdjọ 6:14

Ọrovwohwo da rhẹriẹ opharo kuo ọ da ta kẹ nẹ, Yanran vwẹ evun rẹ ogangan wẹn na rere wo re sivwi Izrẹl nẹ obọ ri Midian; ọ dianẹ Mẹvwẹ ri ji we?

Iguẹdjọ 6:31

Ẹkẹvuọvo Joash da ta kẹ ayen ejobi re vwọ suọ na nẹ, Ovwan rha họnre ki Baal? Gbenẹ ovwan rhe sivwi kẹ? Ohwo rọ họnre kẹ kọye che ghwu bẹsiẹ rẹ ọke vwo rhie. Ọ da dia Ọghẹnẹ o ruẹ, e gbe jẹn ọye ọvo họnre kẹ oma rọye, fikiridie ohwo ọvo gere agbada rọye she.

Iguẹdjọ 6:32

Fiki rẹ ọtiọye na o de mu odẹ kẹ vwẹ ẹdẹ yena nẹ Jerubbaal, otọ rọye, E jẹn Baal ọvo họnre kẹ oma rọye, vwọ kpahe ọshare na ro gere agbada rọye she.

Iguẹdjọ 7:1

Etiyin Jerubbaal (kọye, Gidiọn) kugbe ihwo ejobi re vẹ ọye gba herọ de vrẹn vwi irhiọke ride ayen de mu erhọn kẹrẹ ogbugbu rẹ ame ri Harod; erhọn ri Midian da hẹ ẹbẹre rẹ obọhwẹre ọnre, vwẹ evun rẹ iyara, vwẹ akakọ rẹ ugbenu ri Morẹ.

Iguẹdjọ 8:29

Jerubbaal ọmọ ri Joash da ra dia uwevwi rẹ obọ rọye.

Iguẹdjọ 8:35

ayen gbi vwo aruẹdọn kugbe iruo esiri kẹ uwevwi ri Jerubbaal (re se Gidiọn) ro ru kẹ Izrẹl na-a.

1 Samuẹl 3:20

Izrẹl ejobi nẹ Dan re te Beer-sheba da riẹn Samuẹl nẹ orherẹn rẹ Ọrovwohwo vwo mu.

1 Samuẹl 7:13

Etiyin a da djẹ ihwo ri Filistia ayen gbe vwẹriẹ otọ rẹ Izrẹl ọfa-a. Obọ rẹ Ọrovwohwo da tua kpahe ihwo ri Filistia vwẹ ọke ri Samuẹl ejobi.