1 Samuẹl 11:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Ọke rọ rhe vwọ ghwẹ ayen koko vwi Bẹzẹk, ihwo rẹ Izrẹl da dia uriori ujori erha, ihwo ri Juda da dia uriori ọgban.

1 Samuẹl 11:8 ပူးပေါင်းရင်းမြစ်များ

2 Samuẹl 24:9

Joab da vwẹ uchunu rẹ ihwo na vwọ kẹ ovie; Vwẹ evun rẹ Izrẹl ọ da dia odu ẹrenre rẹ inotu ri phi ofovwi; Eshare ri Juda da dia odu ẹrenre.

Ivie rẹ Ivẹ 3:6

Ọtiọye Jehoram rẹ ovie de mu oyan nẹ Sameria vwẹ ọke yena ọ da ghwẹ Izrẹl ejobi koko gbidi.

Iguẹdjọ 20:2

Ehọnvwọre ride rẹ Orua rẹ Izrẹl, eshare re vwẹ owọ yan re vwẹ ọlọkọ họnra, uriori uriuvẹ da rhe vwẹ oma phia vwẹ ukoko rẹ ihwo rẹ Ọghẹnẹ

1 Samuẹl 11:9

Ayen da ta kẹ ikọn re ji rhe na, E nẹ wa ta kẹ ihwo ri Jabesh Gilead: Odẹ, bẹsiẹ rẹ ọnre vwọ bẹre muotọ, kẹ ovwan cha mrẹ esivwo. Ọke rẹ ikọn na rhe vwọ vuẹ ihwo ri Jabesh, oma da vwerhe ayen.

1 Samuẹl 13:15

Etiyin Samuẹl de vrẹn, nẹ Gilgal kpo Gilbeah ri Bẹnjamin. Sọl de keri ihwo re hẹ etiyin, e joma te ujori esan.

1 Samuẹl 15:4

Etiyin Sọl de se ihwo na o de kere ayen vwi Telaim, uriori uri rẹ ihwo re vwẹ owọ yan, kugbe ihwo uriori ihwe ri Juda.