1 Samuẹl 11:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Ọ da reyọ ekru rẹ irhuẹn, ọ da va ayen kẹnẹ kẹnẹ o de ji ihwo ghare ayen nene otọ rẹ Izrẹl ejobi, tanẹ, Kohwo kohwo ro rhe nene Sọl vi Samuelu-u, kẹ ọtiọna e ru kẹ kirobo re ru irhuẹn rọye na Etiyin oshọ rẹ Ọrovwohwo da ro ihwo na oma, ayen ejobi de bru use na.

1 Samuẹl 11:7 ပူးပေါင်းရင်းမြစ်များ

Jẹnẹsis 35:5

Ọke rẹ ayen vwọ yan re, uguegue ro nẹ obọ rẹ Ọghẹnẹ rhe de rhi mu irere re riariẹ ayen phihọ, oshọ gbi jẹ ayen vwọ tua emọ ri Jekọp na-a.

2 Ikun rẹ Ivie 14:14

Ayen da ghwọrọ irere buebu re riariẹ Gẹra phihọ, kidie oshọ rẹ Ọrovwohwo mu ayen. Ayen da kua irere na ejobi fiotọ, fikiridie emu buebu herọ ra kua vwẹ evun rẹ ayen.

2 Ikun rẹ Ivie 17:10

Oshọ rẹ Ọrovwohwo de rhi mu uvie rẹ otọ na re riariẹ Juda phihọ na, ayen gbe rha vwẹ ofovwi so Jehoshafati-i.

2 Ikun rẹ Ivie 19:7

Asakiephana, gbe jẹ oshọ rẹ Ọrovwohwo mu ovwan; kẹnoma kẹ obo ru wo ruẹ, kidie Ọrovwohwo Ọghẹnẹ rẹ avwanre na brorhiẹ rẹ ihu-u eye o ghwe oma hẹ abọvo-o, eyẹ ọ ria udi-i.

Aizaya 8:13

Ẹkẹvuọvo Ọrovwohwo rẹ otuofovwi na, ọye ọvo wọ reyọ nẹ ọ fonro rọ dia oshọ wẹn, re ọ je dia ophariẹ wẹn.

Iguẹdjọ 19:29

Rọ vwọ rhe uwevwi rọye nu, ọ da reyọ aphia, o de mu ọnse rọye na gbere otọ ọ da va ibribro ẹko ihwivẹ, ọ da ra gharọ nene ubrotọ rẹ Izrẹl na ejobi.

Iguẹdjọ 20:1

Etiyin ihwo rẹ Izrẹl ejobi de vrẹn nẹ obi Dan rhe Bẹẹrshẹba, kugbe otọ ri Giliad, ogbotu na de rhi koko kerẹ ohwo ọvo ayen de bru Ọrovwohwo rhe vwi Mizpa.