1 Samuẹl 11:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Erhi rẹ Ọghẹnẹ da ruo oma o de gele ro vwo nyo eta nana, ophu de muo gangan.

1 Samuẹl 11:6 ပူးပေါင်းရင်းမြစ်များ

Ẹyano 32:19

Ugege ro ghwe vwo si kẹrẹ erhọn na rọ vwọ mrẹ ọmọ rẹ erhuẹn na vẹ eha na, ophu ri Mosis da tua, o de phi ephapha na nẹ obọ rọye i de vwirhi ayen vwẹ asan esiri rẹ ugbenu na.

Ukeri 12:3

Asakiephana ọshare na Mosis ohwo dẹndẹn, no ihwo ejobi rẹ evun rẹ akpọ na.

Iyẹnrẹ Esiri ri Mak 3:5

Ọke rọ vwọ vwẹ ophu ni ayen yariẹ ivun de miovwo fiki rẹ udu ọgangan rayen, ọ da ta kẹ ọshare na, Riẹn obọ wẹn. Ọ da riẹn obọ rọye obọ rọye de shehọ kerẹ ọ ro chekọ na.

Ẹfesọs 4:26

Mu ophu ẹkẹvuọvo wo ru umwemwu-u; wo jẹn ọnre she kpotọ ghene ophu wẹ-ẹn,

Iguẹdjọ 11:29

Etiyin Erhi rẹ Ọrovwohwo na da rhe ro oma ri Jẹfta, ọ da wanvrẹn Giliad vi Manasse, o de vrẹn kpo Mizpa ri Giliad, o de vrẹn nẹ Mizpa ri Giliad kpo asan rẹ ihwo rẹ Ammọn.

Iguẹdjọ 13:25

Erhi rẹ Ọrovwohwo na ko mu Samsin vwo ru iruo vwẹ evun rẹ Mahanehdan, vwẹ uvwragba ri Zora vẹ Ẹshtaol.

Iguẹdjọ 14:6

Erhi rẹ Ọrovwohwo na de muo gangan, ọ da bẹrẹ okpohrokpo na ẹbẹre ivẹ kerẹ ohwo rọ bẹrẹ ọmọ rẹ ẹvwe; ọ vwẹ emu ọvuọvo yọnrọn ọbọ-ọ. Ẹkẹvuọvo o gbe ikun rẹ emu ro ruru na kẹ ọsẹ vẹ oni rọye-e.

Iguẹdjọ 15:14

Ọke ro vwo te Lẹhi, ihwo rẹ Filistia de kuvwie bro rhe; etiyin Erhi rẹ Ọrovwohwo de muo gangan irihrẹ ra vwo gba abọ na kẹ lẹ tutu kerẹ emu ra vwẹ erhanrẹ torhẹ, irihrẹ na da rha nẹ abọ ghwrọnrọn she phihọ otọ.

Iguẹdjọ 3:10

Erhi rẹ Ọrovwohwo na da rhe ruọ oma, o de guẹdjọ rẹ Izrẹl, o de re phi ofovwi, Ọrovwohwo de phi Kushanrishataim ovie ri Mẹsopotemia phihọ obọ rọye, o de phi Kushanrishataim kparobọ.

Iguẹdjọ 6:34

Ẹkẹvuọvo Erhi rẹ Ọrovwohwo na da kua ro oma ri Gidiọn; o de hworo owanre, ihwo rẹ Abiẹza de sioma koko ayen de nene.

1 Samuẹl 10:10

Ọke rẹ ayen rhi vwo te Gibeah, nighe, otu rẹ emraro da ra vwa; erhi rẹ Ọghẹnẹ de rhe muo gele, ọ da mraro vwẹ ohri rẹ ayen.

1 Samuẹl 10:6

Etiyin erhi rẹ Ọrovwohwo na ko che mu we gele, ku wọ vẹ ayen cha mraro kugbe ku wo che hirhe phihọ oka rẹ ohwo ọfa.

1 Samuẹl 16:13

Etiyin Samuẹl da reyọ ukoko rẹ evwri na, ọ da vwẹ evwri ghworo vwẹ uherevie rẹ iniọvo rọye; Erhi rẹ Ọrovwohwo de ghwe mu Devid gele nẹ ẹdẹ yena yanran. Samuẹl vrẹnri, o de kpo Ramah.

1 Samuẹl 16:14

Kọye rẹ Erhi rẹ Ọrovwohwo da kua nẹ oma ri Sọl, erhi umwemwu de nẹ obọ rẹ Ọrovwohwo rhe rhi kpokpo.