1 Samuẹl 11:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Ọke yena Sọl re nẹ aghwa cha ọ vwọ kpahe irhuẹn na ukuko; Sọl da nọ, Die ri ruẹ ihwo na, rẹ ayen vwọ viẹ? Etiyin e de gbe ikun rẹ ovuẹ rẹ ihwo ri Jabesh na kẹ.

1 Samuẹl 11:5 ပူးပေါင်းရင်းမြစ်များ

Jẹnẹsis 21:17

Ọghẹnẹ de nyo oviẹ rẹ ọmọ na, Etiyin amakashe rẹ Ọghẹnẹ de se Hagar nẹ obo odjuvwu rhe, ọ da ta kẹ, Die ri kpokpo uwe, Hagar? Wọ djẹ oshọ-ọ, kidie Ọghẹnẹ nyo urhuru rẹ ọmọ na vwẹ asan rọ epha.

1 Ivie 19:19

Ọtiọye o de vrẹn nẹ etiyin, ọ da mrẹ Ilaesha rẹ ọmọ ri Shafat, rọ vwẹ ekru rẹ irhuẹn ihwivẹ voro ivoro, ọ vẹ ekru rẹ ọ rihwivẹ na ri gbe mudia kẹrẹ oma. Ilaija da wanvrẹn o de phi okpan rọye na yan.

Une rẹ Ejiro 78:71

rọ ghẹre igodẹ vẹ emọ boba ri vwiẹ kẹ rọ dia osuigegede ri Jekọp ihwo rọye, rẹ Izrẹl ireuku rọye.

Aizaya 22:1

Arọẹmrẹ kpahe iyara rẹ emramrẹ. Die wo rori ri wo vwo yeri kpenu, ovwan ejobi, vwo yeri kpo enu re uwevwi,

Iguẹdjọ 18:23

Ayen de bunu phihọ ihwo ri Dan na, ayen vwọ rhẹriẹ oma nẹ obuko ayen da ta kẹ Mika nẹ, Die kpokpo uwe re wọ vẹ otu ọtiọna vwọ rhe?

1 Samuẹl 9:1

Ohwo rẹ orua ri Bẹnjamin ọvo herọ odẹ rọye Kish, ọmọ rẹ Abiẹl, ọmọ ri Zẹrọr, ọmọ ri Bẹkọrat, ọmọ rẹ Afiah, ohwo rẹ orua ri Bẹnjamin, ohwo na ọdafe;