1 Samuẹl 11:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Ẹkẹvuọvo Sọl da ta, E che hwe ohwo ọvuọvo nonẹ na-a, kidie nonẹ na ọye Ọrovwohwo ru iruo rẹ esivwo vwẹ Izrẹl.

1 Samuẹl 11:13 ပူးပေါင်းရင်းမြစ်များ

2 Samuẹl 19:22

Ẹkẹvuọvo Devid da ta, Die Me vẹ ovwan gbi ru ovwan emọ ri Zeruiah rẹ ovwan vwọ dia ukọn kẹ vwẹ vwẹ ẹdẹ ri nonẹ? A sa teyọ ohwo hwe vwẹ Izrẹl nonẹ? Kidie me jẹn riẹn nẹ mẹvwẹ ovie rẹ Izrẹl nonẹ-ẹ?

2 Samuẹl 19:23

Ovie da ta kẹ Shimẹi, Wo ghwu-u. Ovie da kpa okpa kẹ.

2 Samuẹl 23:10

O vrẹnri o de hwe ihwo ri Filistia bẹsiẹ rẹ obọ rhe vwọ rhọ, rẹ obọ rọye rhi vwo ghwu mu ọlọkọ; Ọrovwohwo da kẹ ayen ephio kparobọ rode vwẹ ẹdẹ yena; ihwo na de nene ra ghwẹ ekuakua rẹ ihwo re hweri reyọ.

Ẹyano 14:13

Mosis da ta kẹ ihwo na, Wa djoshọ-ọ, we mudia gan, re wa mrẹ esivwo rẹ Ọrovwohwo na, ro che ru kẹ ovwan nonẹ na, kidie ihwo rẹ Ijipt re wa mrẹ nonẹ na, wa gbe cha mrẹ ayen ọfa-a.

Ẹyano 14:30

Enẹ Ọrovwohwo sivwi Izrẹl nẹ abọ rẹ ihwo rẹ Ijipt; Izrẹl da mrẹ ihwo rẹ Ijipt ri ghwuru vwẹ oma rẹ abadi na.

Aizaya 59:16

Ọ mrere nẹ o vwo ohwo ọvuọvo-o o de gbe unu nẹ a mrẹ ohwo ro vwrẹ ohọnre-e; etiyin ugbobọ rọye da kẹ ephiokparobọ, ọvwata rọye kọye re yọnrerọ.

1 Kọrẹnt 15:10

Ẹkẹvuọvo vwẹ ẹserọphẹ rẹ Ọghẹnẹ me vwọ hẹ obo re me epha na, ẹserọphẹ rọ vwọ kẹ vwẹ na rha dia ọ ri ghevweghe-e. Kidie me wian gan nọ ayen ejobi, dede na ọ dia omẹvwẹ-ẹ, ẹkẹvuọvo ẹserọphẹ rẹ Ọghẹnẹ rọ hẹ evun mẹ.

1 Samuẹl 10:27

Ẹkẹvuọvo erharhe rẹ ihwo evo da ta, Kemavọ ohwo nana se vwo sivwi avwanre? Ayen da jẹfa, ayen gbe ghwẹ ẹga rhe-e. Ẹkẹvuọvo ọ da fọ gbiei.

1 Samuẹl 14:45

Etiyin ihwo na da ta kẹ Sọl, Jonatan ko ghwu, ro ru iruo vẹ obọẹkparo rode vwẹ Izrẹl na? Jọ yena vwo! Obo rẹ Ọrovwohwo herọ na, ogẹto rẹ uyovwi rọye ọvuọvo che she te otọ-ọ; kidie ọ vẹ Ọghẹnẹ ri gbe koko ru iruo nonẹ na. Etiyin ihwo na da tan Jonatan, o gbi rhe ghwu-u.

1 Samuẹl 19:5

kidie o ku arhọ rọye fia ro re vwo hwe ihwo ri Filistia na, Ọrovwohwo da vwẹ obọẹkparọ rode vwọ kẹ Izrẹl ejobi. Wọ mrẹrẹ, wọ da ghọghọ; kidie wo di vwo ru umwemwu kpahe ọbara rẹ ọvwata na ru wo de hwe Devid ekueku?