1 Samuẹl 11:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Vwẹ irhiọke rivẹ Sọl da ghare ihwo na phihọ unuofovwi erha; ayen da rhe ro evun rẹ ẹrhọn na vwẹ ọke ohẹrhẹ rẹ irhiọke, ayen da rhe nyavwe ihwo rẹ Ammọn kuotọ bẹsiẹ rẹ ọnre vwọ vi; ihwo rẹ obọ te hwe-e da hrabọ ro aghwa, ọtiọye na ihwo ivẹ gbe djẹ fi ohwohwo-o.

1 Samuẹl 11:11 ပူးပေါင်းရင်းမြစ်များ

Jẹnẹsis 22:14

Kọye Ebraham de se odẹ rẹ asan na Ọrovwohwo re sa kẹ: eriyin ọ epha rhi te nonẹ na, Vwẹ enu rẹ ugbenu rẹ Ọrovwohwo Etiyin a da mrẹ.

2 Samuẹl 18:2

Devid de ji utuofovwi yanran, ẹkẹ erha rọye nene Joab ẹkẹ erha nene Abishai ọmọ ri Zeruiah, oniọvo ri Joab, ẹkẹ erha nene Ittai ohwo ri Git. Ovie da ta kẹ ihwo na, Ekpuyovwi mẹ ji nene ovwan ra.

Une rẹ Ejiro 46:1

Ọghẹnẹ odjahọ kugbe egba rẹ avwanre, omamọ rẹ ọchuko ra mrẹ, vwẹ ọke rẹ ukpokpogho.

Ẹyano 14:24

Vwẹ ọke rẹ ohẹrhẹ rẹ irhiọke Ọrovwohwo da wan osunsun rẹ egho vẹ erhanre na ni ihwo rẹ Ijipt, o de phi ozighi phihọ urogho rẹ Ijipt na,

Matiu 7:2

Kidie oghẹre rẹ orhiẹn ru we bru kẹ ihwo, ọye e ji bru kẹ ovwan. Uchunu wọ vwọ vwavwe kẹ ihwo, ọye a je vwọ vwavwe kẹ ovwan.

Jems 2:13

Kidie ohwo ro ni arodọvwẹ-ẹ ọ je cha mrẹ arodọvwẹ vwe ọke re de brorhiẹ rọye-e.

Iguẹdjọ 1:7

Etiyin Adonibẹzẹk da ta nẹ Me nyavwe irhiabọ ride kugbe irhiawọ ride rẹ ivie ujorha gbe ihwe kufia dẹvure re rhọrọ ivwuvwu rẹ emu ria vwẹ obotọ rẹ imẹjẹ mẹ, kirobo ri mi ru ihwo, ọye Ọghẹnẹ hwosa rọye ke vwẹ na. Ayen de muo rhe obi Jerusalẹm, o de ghwu phihọ oboyi.

Iguẹdjọ 4:16

Barak da vwọ tua otu ri idjighere na vẹ otu ofovwi rọye re te Harọshẹtagoiim, a da vwẹ ọlọkọ hwe otu ofovwi ri Sisira ejobi; ọshare ọvuọvo gbi chekọ-ọ.

Iguẹdjọ 7:16

Ọ da ghare eshare ujori erha na phihọ ẹko ofovwi erha, o de phi ewanre kugbe ọtoto ifefe phihọ abọ rayen, irhukpẹ da evun rẹ ọtoto na.

Iguẹdjọ 7:20

usun erha na de hworo ewanre ayen de hwe ototo na, ayen da vwẹ obọhwẹre yọnrọn irhukpẹ na ayen da vwẹ obọrhe na yọnre ewanre hworo; ayen de kperi nẹ, ọlọkọ rẹ Ọrovwohwo na kugbe ọ ri Gidiọn!

Iguẹdjọ 9:43

Ọ da reyọ ihwo rọye ọ da ghare ayen phihọ unu ofovwi erha, ra vwọ hẹrhẹ vwẹ evun rẹ aghwa na, rọ vwọ kpare opharo ọ da mrẹ eshare na re yan ne evun rẹ orere na cha, ọ da họnre ayen ọ de hwe ayen.

1 Samuẹl 11:2

Ẹkẹvuọvo Nahash rẹ ohwo rẹ Ammọn da ta kẹ ayen, Fiki rẹ ọnana ọvo ọye me vẹ ovwan vwo ru ọbe, ki mi yoghro ubiẹro rẹ obọrhe rẹ ovwan nu, rere ọ dia omẹvuọ kẹ Izrẹl ejobi.

1 Samuẹl 14:47

Ọke ri Sọl rhe vwọ re uvie vwẹ Izrẹl nu, ọ da họnre ivwighrẹ rọye vwẹ abọ kabọ ihwo ri Moab, ihwo rẹ Ammọn, ihwo rẹ Edọm, ivie ri Zobah, kugbe ihwo ri Filistia; kasan kasan rọ họnre te o mi phi ayen kua.