1 Samuẹl 11:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Etiyin Nahash rẹ ohwo rẹ Ammọn de kpo imu vwi Jabesh Gilead; ihwo ri Jabesh ejobi da ra kẹ Nahash, Yanrhe re avwanre vẹ owẹ ru ọbe, kẹ avwanre ga wẹ

1 Samuẹl 11:1 ပူးပေါင်းရင်းမြစ်များ

Jẹnẹsis 26:28

Ayen da ta, Avwanre mrẹre phẹphẹ nẹ Ọrovwohwo vẹ owẹ herọ, kọye avwanre vwọ tanẹ, e jẹ avwanre duvwu iyori kẹ oma, rere avwanre vẹ owẹ re ọphọ,

2 Samuẹl 10:1

Ọna vwọ wan na ovie rẹ ihwo rẹ Ammọn de ghwu, Hanun rẹ ọmọ rọye da re vwẹ ẹdia rọye.

2 Samuẹl 10:2

Etiyin Devid da ta, Mi ru uruemu rẹ ovie kẹ Hanun rẹ ọmọ ri Nahash, kirobo rẹ ọsẹ rọye nene uvwe ru. Etiyin idobo ri Devid de rhi te otọ rẹ ihwo rẹ Ammọn.

2 Samuẹl 17:27

Ọke ri Devid rhi vwo te Mahanaim, Shohi rẹ ọmọ ri Nahash ro nẹ Rabbah rẹ ihwo rẹ Ammọn rhe, kugbe Machir ọmọ rẹ Ammiel ro nẹ Lodebar rhe, kugbe Bazillai ri Gilead ro nẹ Rogeeim rhe,

2 Samuẹl 2:5

Devid de ji ikọn bru ihwo ri Jabẹsh Giliad ra ọ da ta kẹ ayen, E jẹn Ọrovwohwo bruphihọ kẹ ovwan, kidie we ru ẹse nana vwọ kẹ ọrovwovwan, Sọl ri we vwo sho.

1 Ivie 20:34

Etiyin Bẹnhadad da ta kẹ, Irere rẹ ọsẹ mẹ mie ọsẹ wẹn mi siobọ nẹ ayen kẹ wẹ; rere wọ rha bọn eki phihọ Damaskọs, kirobo rẹ ọsẹ mẹ bọn phihọ Sameria. Ahab da ta, Fiki rẹ Ọnana ki mi siobọ nẹ uwe. Ọtiọye na ọ vẹ ọye da re ọphọ, o de siobọ no kpo.

1 Ikun rẹ Ivie 10:11

Ẹkẹvuọvo ọke rẹ ihwo ri Jabesh Gilead vwo nyo obo rẹ ihwo ri Filistia ru kẹ Sọl,

1 Ikun rẹ Ivie 10:12

egba ri yivwaro na ejobi de vrẹn re mu orivwi ri Sọl vẹ emọ rọye rhe Jabesh. Ayen de shi ibekun rayen phihọ otọ rẹ ohahe vwi Jabesh, ayen de chiri owẹvwe ẹdẹ ighwrẹ.

ỌBE RẸ JOB 41:4

Kọ vẹ owẹ sa re ọphọ rere wo vwo ru odibo bẹvwẹdẹ?

Ẹyano 23:32

Wọ vẹ ayen re ọphọ-ọ eyẹ edjọ raye-en.

Aizaya 36:16

Wo davwerhọn ri Hẹzikaya-a, kidie enẹ ovie rẹ Asiria tare Wa rhe rhuẹrẹ kẹ vwẹ rere we bru vwe rhe, kohwo kohwo vwẹ usun rẹ ovwan na kọ re ibi ri vain rọye kugbe ibi ri fig rọye kọ je da ame rẹ orhare rọye,

Jerimaya 40:11

Eriyin rhe, ọke rẹ ihwo ri Ju re hẹ obi Moab, vẹ uherevie rẹ ihwo rẹ Amọn vẹ e re hẹ obi Idọm kugbe e re hẹ obo etọ efa vwo nyo nẹ ovie ri Babilọn yan jẹ ihwo evo vwo vwẹ evun ri Juda nẹ ọ vwẹ Gedalaya ọmọ rẹ Ahikam rẹ ọmọ in Shafan mu osun vwẹ enu rayen,

Jerimaya 40:14

ayen da ta kẹ nẹ, Wọ riẹre nẹ Baalis ovie rẹ ihwo rẹ Amọn ji Ishmaẹl ọmọ ri Netanaya rhi hwe we? Ẹkẹvuọvo Gedalaya ọmọ rẹ Ahikam se ayen gbuyota-a.

Izikiẹl 17:13

O da reyọ omamọ na ọvo vwẹ uwevwi rẹ ovie na ọ vẹ ọye da re ọphọ, ọ ve ọye de ve (Uyovwedje rẹ ihwo rẹ otọ na yọ ghwẹ ayen yanran nure,

Urhi Rivẹ 23:3

Ohwo rẹ Ammọn eyẹ ọ ri Moab vuọvo sa ro ukoko rẹ Ọrovwohwo-o, rhiri re te esakpegodi rayen sa ro ukoko rẹ Ọrovwohwo bẹdẹ-ẹ;

Iguẹdjọ 10:7

Ophu rẹ Ọrovwohwo na da gan kpahe Izrẹl, ọ da shẹ ayen phihọ obọ ri Philitia kugbe obọ rẹ ihwo rẹ Ammọn.

Iguẹdjọ 11:4

Ọke ọvo vwọ wan nu ihwo rẹ Ammọn da rhe vwẹ ofovwi so Izrẹl.

Iguẹdjọ 21:8

Ayen da tanẹ, Didi orua ọvo vwẹ Izrẹl na ri jẹ Ọrovwohwo na bro cha vwi Mizpa? E vwo no, nughe, ohwo ọvuọvo nẹ erhọn ri Jabesh Giliad rhe ukoko nana-a.

1 Samuẹl 12:12

Wa vwọ mrẹ nẹ Nahash ovie rẹ ihwo rẹ Ammọn kpare ohọnre vwọ so ovwan, wa da ta kẹ vwẹ, ẹjo, ẹkẹvuọvo ma guọnọ ovie ro sun avwanre, vwẹ ọke rẹ Ọrovwohwo rẹ Ọghẹnẹ rẹ ovwan vwọ hẹ ovie rẹ ovwan.

1 Samuẹl 14:47

Ọke ri Sọl rhe vwọ re uvie vwẹ Izrẹl nu, ọ da họnre ivwighrẹ rọye vwẹ abọ kabọ ihwo ri Moab, ihwo rẹ Ammọn, ihwo rẹ Edọm, ivie ri Zobah, kugbe ihwo ri Filistia; kasan kasan rọ họnre te o mi phi ayen kua.