1 Samuẹl 10:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Ọke rẹ eka nana da vwa wẹ, gbe ru obo ra tani wo ru, kidie Ọghẹnẹ vẹ owẹ herọ.

1 Samuẹl 10:7 ပူးပေါင်းရင်းမြစ်များ

Jẹnẹsis 21:20

Ọghẹnẹ vẹ ọmọ na da herọ, ọ da rhe rho, ọ dia evun rẹ aghwa, o de rhi hirhe ọsedada.

2 Samuẹl 7:3

Natan da ta kẹ ovie, Yanran re ru obo re hẹ udu wẹn ejobi, kidie Ọrovwohwo vẹ owẹ herọ.

ỌBE RẸ JOB 31:25

Ọ da dianẹ me ghọghọre fiki rẹ efe mẹ ro buru, eyẹ fikiridie obo mi vwori pha buebu;

Ẹyano 4:8

Ọrovwohwo da ta kẹ, “Ọ da dianẹ ayen rhe se we gbuyotaa, eyẹ ayen gbe kerhọn rẹ oka rẹ ẹsosuọ naa, ayen che se oka rivẹ na gbuyota.

Aghwoghwo 9:10

Kemu kemu rẹ obọ wẹn se ru, vwẹ ogangan wẹn ruo; kidie ushi wọ cha ra na, o vwo iruo-o, eyẹ iroro-o eyẹ erianriẹ-ẹn eyẹ aghwanre-e.

Aizaya 7:14

Fiki rẹ ọtiọye na Ọrovwohwo ọvo kọye cha vwẹ oka kẹ wẹn. Nighe, eghene aye cha mrevun, ko che vwiẹ ọmọ, ke se odẹ rọye Imanuẹl.

Matiu 1:23

Nighe, ọmọtobẹ cha mrevun, ko vwiẹ ọmọshare, ke se odẹ rọye Immanuẹl, otọ rọye Ọghẹnẹ vẹ avwanre herọ.

Matiu 28:20

Wẹ yono ayen vwọ riẹn otọ rẹ imu na ejobi re dje kẹ ovwan na. Nighe, me vẹ ovwan herọ vwẹ ọke ejobi, rhiri rhi te oba rẹ akpọ na.

Iyẹnrẹ Esiri ri Luk 2:12

Ọnana kọ dia oka kẹ ovwan; ovwan cha mrẹ ọmọ na ra vwẹ emwa efuanfon phopho re mu shevwerhẹ urhuẹ rẹ eranvwe.

Iyẹnrẹ Esiri ri Jọn 6:14

Ọke rẹ ihwo na vwọ mrẹ oka nana rọ ruru, ayen da ta, Uyota ọnana gbine ọmraro na rọ cha akpọ na.

Urhi Rivẹ 20:1

Ọke wo de re nene ivwighrẹ wẹn phi ofovwi, ru wọ da mrẹ esi vẹ idjighere kugbe otuofovwi re rho nọ wẹ, wọ djẹ oshọ raye-en, kidie Ọrovwohwo rẹ Ọghẹnẹ wẹn vẹ owẹ herọ, ohwo rọ reyọ owẹ nẹ otọ rẹ Ijipt rhe na.

Hibru 13:5

Si oma wẹn nẹ urhuru si vwe rẹ igho, jẹn obo ru wo vwori da wẹ ẹro; kidie ọ tarọ nure nẹ, Me sa phiẹn wẹ-ẹ eyẹ me sa sen wẹ-ẹ.

Joshua 1:5

O vwo ohwo ọvuọvo ro che yivwi hirhe opharo ku we vwẹ ẹdẹ rẹ akpọ wẹn ejobi-i; kirobo mi vi Mosis diarọ, ọtiọye me vẹ owẹ je cha dia; me cha phiẹn wẹ-ẹn eyẹ me cha sẹn wẹ-ẹn.

Joshua 1:9

Ọ dia omẹvwẹ ri ji urhi na kẹ wẹ-ẹ? Goma wo yivwaro gangan, wọ phariẹ-ẹ, wo jẹ ofu dje we-e, kidie Ọrovwohwo Ọghẹnẹ wẹn vẹ owẹ herọ vwi kasan kasan wọ ra ejobi.

Iguẹdjọ 6:12

Amakashe rẹ Ọrovwohwo na da vwẹ oma phia kẹ ọ da ta kẹ nẹ, Ọrovwohwo na vẹ owẹ herọ, wọwẹ ọgba na ọshare vẹ udu

Iguẹdjọ 9:33

Rere vwẹ urhiọke rẹ ọnre da ghwa vacha, wọ vẹ ihwo wẹn gba fobọ vrẹn họrhọ ra ro orere na, wọ da mrẹ nẹ ọ vẹ ihwo rọye cha họnre ovwan, we gbe ru ayen emu kirobo rẹ ọke na guọnọre.

1 Samuẹl 2:34

Emu nana rọ cha phia kẹ emọ wẹn ivẹ na, Hofni kugbe Finihas, kọ cha dia oka kẹ wẹ: ayen ivẹ na che ghwu ukpẹdọke.

1 Samuẹl 20:13

Ẹkẹvuọvo ọ da dianẹ ọsẹ mẹ guọnọ owẹ ruẹ emu ọgangan, Ọrovwohwo ru ọtiọye kẹ Jonatan, ọ rọ rhonọ ọtiọye rhe, ọ da dianẹ me vwẹ rọ phia kẹ wẹ-ẹ, ri mi de sun we kpo, rere wọ vwọ yanran egbẹrhẹnẹdẹ, Gbe jẹ Ọrovwohwo nene uwe dia, kirobo rọ vẹ ọsẹ mẹ gba herọ.

1 Samuẹl 3:19

Samuẹl da rho, Ọrovwohwo vẹ ọye da herọ o gbi jẹ ota rọye ọvuọvo she kufia-a.