1 Samuẹl 10:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Etiyin erhi rẹ Ọrovwohwo na ko che mu we gele, ku wọ vẹ ayen cha mraro kugbe ku wo che hirhe phihọ oka rẹ ohwo ọfa.

1 Samuẹl 10:6 ပူးပေါင်းရင်းမြစ်များ

Ukeri 11:17

Ki mi che wotọ rhe rhi nene uwe ta ota vwẹ etiyin, ke me reyọ erhi evo rọ oma wẹ ke mi phio phihọ ayen, kẹ ayen vẹ owẹ ri gbe mu oghwa rẹ ihwo na, rere wọwẹ ọvo vwo jẹ oghwa na ẹghwa.

Ukeri 11:25

Etiyin Ọrovwohwo na de wotọ nẹ evun rẹ egho na rhe ọ da ta ota kẹ, ọ da reyọ vwẹ erhi rọ herọ oma na o de phio phihọ oma rẹ ekpako ujorha gbe ihwe na, rẹ erhi na vwọ ro ayen oma nu, ayen da mraro. Ẹkẹvuọvo ayen gbi ru ọtiọye ọfa-a.

Ukeri 11:26

Asakiephana eshare ivẹ de chekọ vwẹ evun rẹ erhọn na, e se ọvo Eldad, ọ ro chekọ e se Medad, erhi na da ro eshare na ivẹ oma, ayen ji usun rẹ ihwo re si phihọ otọ jovwo, ẹkẹvuọvo ọ je guakẹ ayen yan nẹ asan utughẹ na-a, vwẹ ọtiọye na ayen da mraro vwẹ evun rẹ erhọn na.

Ukeri 11:29

Ẹkẹvuọvo Mosis da ta kẹ, Wọ rioma fiki mẹ? Manẹ kẹ ihwo rẹ Ọrovwohwo na ejobi ke emraro vwo nẹ, manẹ kẹ Ọrovwohwo se phi erhi rọye phihọ oma rayen vwenẹ!

Matiu 7:22

Ihwo buebu ye cha ta kẹ vwẹ vwẹ ẹdẹ yena nẹ, Ọrovwohwo, Ọrovwohwo, mi yono ihwo vwẹ odẹ wẹ, me vwẹ odẹ wẹn djẹ idẹbono phia, me vwẹ odẹ wẹ ru iruo rẹ igbunu?.

Iguẹdjọ 14:6

Erhi rẹ Ọrovwohwo na de muo gangan, ọ da bẹrẹ okpohrokpo na ẹbẹre ivẹ kerẹ ohwo rọ bẹrẹ ọmọ rẹ ẹvwe; ọ vwẹ emu ọvuọvo yọnrọn ọbọ-ọ. Ẹkẹvuọvo o gbe ikun rẹ emu ro ruru na kẹ ọsẹ vẹ oni rọye-e.

Iguẹdjọ 15:14

Ọke ro vwo te Lẹhi, ihwo rẹ Filistia de kuvwie bro rhe; etiyin Erhi rẹ Ọrovwohwo de muo gangan irihrẹ ra vwo gba abọ na kẹ lẹ tutu kerẹ emu ra vwẹ erhanrẹ torhẹ, irihrẹ na da rha nẹ abọ ghwrọnrọn she phihọ otọ.

Iguẹdjọ 3:10

Erhi rẹ Ọrovwohwo na da rhe ruọ oma, o de guẹdjọ rẹ Izrẹl, o de re phi ofovwi, Ọrovwohwo de phi Kushanrishataim ovie ri Mẹsopotemia phihọ obọ rọye, o de phi Kushanrishataim kparobọ.

1 Samuẹl 10:10

Ọke rẹ ayen rhi vwo te Gibeah, nighe, otu rẹ emraro da ra vwa; erhi rẹ Ọghẹnẹ de rhe muo gele, ọ da mraro vwẹ ohri rẹ ayen.

1 Samuẹl 10:9

Ọke ro vwo chuko ku Samuẹl nu, Ọghẹnẹ da vwẹ udu ọfa vwọ kẹ; eka nana ejobi da rhe phia vwẹ ẹdẹ yena.

1 Samuẹl 11:6

Erhi rẹ Ọghẹnẹ da ruo oma o de gele ro vwo nyo eta nana, ophu de muo gangan.

1 Samuẹl 16:13

Etiyin Samuẹl da reyọ ukoko rẹ evwri na, ọ da vwẹ evwri ghworo vwẹ uherevie rẹ iniọvo rọye; Erhi rẹ Ọrovwohwo de ghwe mu Devid gele nẹ ẹdẹ yena yanran. Samuẹl vrẹnri, o de kpo Ramah.

1 Samuẹl 19:20

Etiyin Sọl de ji ikọn re mu Devid; ọke rẹ ayen vwọ mrẹ usun rẹ emraro na re mraro, yi Samuẹl rẹ olori rayen mudia vwẹ obaro rẹ usun na, erhi rẹ Ọghẹnẹ da rhe ro ikọn ri Sọl na oma, ayen da je mraro rhe.