1 Samuẹl 10:22 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²² Ayen da rhoma duotọ rọye vwẹ obọ rẹ Ọrovwohwo, Ohwo na rhe etinẹ na? Ọrovwohwo da ta, Nighe, o sioma nu vwẹ ohri rẹ aghwa na.

1 Samuẹl 10:22 ပူးပေါင်းရင်းမြစ်များ

Jẹnẹsis 25:22

Emọ na ki phre vwẹ evun na, o da ta, Ọ da dia enẹ, kidie Me guọnọ vwẹ akpọ? Etiyin o de re duotọ rọye vwẹ obọ rẹ Ọrovwohwo.

2 Samuẹl 2:1

Ọna vwọ wan na, Devid da nọ mie Ọrovwohwo, Me yanran kpo orho ọvo vwi Juda? Etiyin Ọrovwohwo da ta kẹ, Yanran. Devid da ta, Kọvọ me ra? Ọ da ta, Kpo Hebrọn.

2 Samuẹl 21:1

Etiyin owẹvwe de rhi fi vwẹ ọke ri Devid vwẹ ẹgbukpe erha, nẹ ukpe ra ro ukpe; Devid da guọnọ Ọrovwohwo mrẹ. Ọrovwohwo da ta, Abe rẹ ọbara ọ hẹ enu rẹ Sọl vẹ evwruwevwi rọye, kidie o hwe ihwo ri Gibiọn.

Ukeri 27:21

Ko che mudia vwẹ obaro rẹ Ẹlẹazar rẹ orherẹn na, kọ cha vwẹ Utẹ vwọ guọnọ otọ rẹ ẹdjeguo kẹ vwẹ obaro rẹ Ọrovwohwo na; vwẹ oma rẹ ota rọye kẹ ayen ro otafe, vwẹ oma rẹ ota rọye kẹ ayen ro uwevwi, te ọye te ihwo rẹ Izrẹl ejobi re vọye gba berọ, ukoko na ejobi.

Iyẹnrẹ Esiri ri Luk 14:11

Kidie kohwo kohwo ro mu oma kpenu ka phọphọ, ohwo ro mu ọghọ kẹ oma ka kparọ kpenu.

Iguẹdjọ 1:1

Ukuko rọye ri Joshua vwo ghwu nu, ihwo re Izrẹl na da ra nọ Ọrovwohwo na ne, kono ri ke bru ihwo ri Kenan na ra họnre ayen ke avwanre?

Iguẹdjọ 20:18

Ihwo rẹ Izrẹl na de vrẹn yanran kpo Bẹtẹl, ra nọ Ọghẹnẹ nẹ, Kono vwẹ usun rẹ avwanre na re cha ka yanran ra họnre ihwo ri Bẹnjamin na? Etiyin Ọrovwohwo da tanẹ, Juda re cha ka yanran.

Iguẹdjọ 20:23

Etiyin ihwo rẹ Izrẹl na da ra viẹ vwẹ obaro rẹ Ọrovwohwo na re te ọke rẹ ovwọnvwọn; ayen da ra nọ Ọrovwohwo nẹ, kẹ avwanre rhoma kpo ofovwi ra họnre imoni rẹ avwanre ihwo ri Bẹnjamin na? Ọrovwohwo da tanẹ, Ovwan ra họnre ayen.

Iguẹdjọ 20:28

Etiyin Finihas rẹ ọmọ rẹ Eleaza, ọmọ rẹ Erọn ri gbe odibo vwẹ obaro rọye vwẹ ọke yena), ọ da tanẹ, kẹ avwanre rhoma ra họnre ihwo ri Bẹnjamin imoni rẹ avwanre na, gbenẹ avwanre jovwo? Etiyin Ọrovwohwo da tanẹ, Ovwan yanran; kidie Mi phi ayen pliihọ obọ rẹ ovwan vwẹ odẹ rọ cha na.

1 Samuẹl 10:21

Ọ da vwẹ uvwuvwiẹ ri Bẹnjamin duvwu itẹ, itẹ de mu uvwiẹ ri Matri; ọ da vwẹ ohwo ọvuọvo vwẹ uvwiẹ ri Matri na vwo duvwu itẹ, itẹ de mu Sọl rẹ ọmọ ri Kish. Ẹkẹvuọvo ọke ra vwọ guọnọ, a gbe sa mrẹ-ẹ.

1 Samuẹl 14:37

Sọl de duotọ rọye vwẹ obọ rẹ Ọghẹnẹ, Mi bru ihwo ri Filistia na? ku wo phi ayen phihọ obọ rẹ ihwo rẹ Izrẹl? Ẹkẹvuọvo ọ kpahe kẹ vwẹ ẹdẹ yena-a.

1 Samuẹl 15:17

Samuẹl da ta, Dede na wọ havwere vwẹ ẹro wẹn, o dia owẹ olori rẹ Izrẹl na-a? Ọrovwobwo vwẹ evwri ghworo uwe nẹ wọ dia ovie vwẹ Izrẹl.

1 Samuẹl 22:10

o de duotọ rẹ emu vwẹ obọ rẹ Ọrovwohwo kẹ, ọ da ghwẹ emuọre kẹ, ọ da vwẹ ọlọkọ ri Golayat ohwo ri Filistia na vwọ kẹ.

1 Samuẹl 23:9

Devid riẹnre nẹ Sọl ra ruẹro riariẹ ọyẹ phihọ; ọda ta kẹ Abiata rẹ orherẹn na, Vwẹ ibuluku na rhe etinẹ.

1 Samuẹl 30:7

Devid da ta kẹ Abiata rẹ orherẹn, rẹ ọmọ rẹ Ahimẹlẹk, Vwẹ ibuluku vwo rhe vwe. Etiyin Abiata da vwẹ ibuluku na vwo rhe Devid.

1 Samuẹl 30:8

Devid de duotọ rọye vwẹ obọ rẹ Ọrovwohwo, Ke Me vwọ tua ihwo na? Me je sa yan mu ayen? ọ de nyo kẹ, Vwọ tua ayen; kidie wọ sa djẹ mu ayen wo ghine ji se sivwi ayen.

1 Samuẹl 9:21

Sọl da kpahe, Me dia ohwo ri Bẹnjamin, orua rọ ma hanvwe ejobi vwẹ Izrẹl na? ọ dia ekru me re je ma hanvwe vwẹ ekru ri Bẹnjamin na? Kidie sorọ wọ vwọ ta ota kẹ vwẹ vwẹ idjerhe ẹtiọna?