1 Samuẹl 10:20 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁰ Etiyin Samuẹl da ghwẹ orua rẹ Izrẹl na ejobi kẹre oma, itẹ de mu orua ri Bẹnjamin.

1 Samuẹl 10:20 ပူးပေါင်းရင်းမြစ်များ

2 Samuẹl 3:19

Abner da ta ota kẹ Bẹnjamin; ọye Abner de bru Devid ra ta kẹ vwẹ Hebrọn emu esiri ejobi rẹ Izrẹl vẹ uwevwi ri Bẹnjamin rori nẹ ayen ru.

Jona 1:7

Ayen ohwohwo da ta kẹ ohwo, Wa yanrhe, re avwanre duvwu ite, se avwanre sa riẹn ohwo rẹ okpetu nana wan obọ rọye bru avwanre rhe. Etiyin ayen de duvwu itẹ, itẹ na de mu Jona.

Urhi Rivẹ 33:12

Ọ ta kpahe Bẹnjamin, Avwebọ rẹ Ọrovwohwo na, omafuro rọ vwọ dia kẹrẹ; ọ gba ogba riariẹ phihọ vwẹ ọke ejobi, uherevie rẹ akakọ rọye kọye ọ dia.

1 Samuẹl 10:19

Ẹkẹvuọvo ẹdọke ri nonẹ na wa sen Ọghẹnẹ rẹ ovwan, ro sivwi ovwan nẹ okpetu rẹ ovwan kugbe uvwerhe rẹ ovwan; ovwan da ta, Ẹjo, ẹkẹvuọvo vwẹ ovie mu kẹ avwanre. Asakiephana wa gba vwẹ oma rẹ ovwan phia kẹ Ọrovwohwo vwẹ oruorua rẹ ovwan kugbe ururiori.

1 Samuẹl 10:21

Ọ da vwẹ uvwuvwiẹ ri Bẹnjamin duvwu itẹ, itẹ de mu uvwiẹ ri Matri; ọ da vwẹ ohwo ọvuọvo vwẹ uvwiẹ ri Matri na vwo duvwu itẹ, itẹ de mu Sọl rẹ ọmọ ri Kish. Ẹkẹvuọvo ọke ra vwọ guọnọ, a gbe sa mrẹ-ẹ.

1 Samuẹl 14:38

Sọl da ta, Yanrhe obonẹ, ovwan isun rẹ ihwo na; we ni re wa riẹn obo rẹ umwemwu nana ru wan rhe nonẹ na.

1 Samuẹl 14:41

Ọtiọye na Sọl da ta, Ẹ Ọrovwohwo Ọghẹnẹ rẹ Izrẹl, die soro wo rha kpahe kẹ odibo wẹn nonẹ-ẹ? Ọ da dianẹ abe na kẹ oma mẹ eyẹ oma rẹ ọmọ mẹ Jonatan kọye ọ epha, Ẹ Ọrovwohwo Ọghẹnẹ rẹ Izrẹl, gba kẹ vwẹ ose; ẹkẹvuọvo ọ da dianẹ abe nana kẹ oma rẹ ihwo rẹ Izrẹl ọ epha, gba kẹ vwẹ Oghori Itẹ de mu Jonatan vi Sọl, ẹkẹvuọvo ọ da rhiẹ ihwo na.