1 Samuẹl 10:19 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁹ Ẹkẹvuọvo ẹdọke ri nonẹ na wa sen Ọghẹnẹ rẹ ovwan, ro sivwi ovwan nẹ okpetu rẹ ovwan kugbe uvwerhe rẹ ovwan; ovwan da ta, Ẹjo, ẹkẹvuọvo vwẹ ovie mu kẹ avwanre. Asakiephana wa gba vwẹ oma rẹ ovwan phia kẹ Ọrovwohwo vwẹ oruorua rẹ ovwan kugbe ururiori.

1 Samuẹl 10:19 ပူးပေါင်းရင်းမြစ်များ

Isẹ 16:33

E mu itẹ kpahe ekpoghowọ, ẹkẹvuọvo orhiẹn rọye obọ rẹ Ọrovwohwo o nẹ cha.

Maika 5:2

Ẹkẹvuọvo wẹ, E Bẹtlẹhẹm Efrata, wẹ re ma hanvwe vwẹ usun rẹ uvwiẹ ri Juda, oma wẹ ọye ohwo ọvo che nurhe kẹ vwẹ rọ cha dia osun vwẹ Izrẹl, ohwo rọ herọ nẹ awanre rhe, nẹ ọke re rhabae rhe.

Ukeri 11:20

ẹkẹvuọvo ọsoso rẹ emeranvwe, bẹsiẹ rẹ ọ cha vwọ wan inwe wẹn phia, ke kpare owẹ ohọre, fikiridie wọ sien Ọrovwohwo rọ ohri rẹ ovwan, wa da viẹ vwẹ obaro rọye, tanẹ, Die avwanre vwọ tobọ nẹ otọ rẹ Ijipt rhe vwọ?

Ukeri 17:2

Ta kẹ ihwo rẹ Izrẹl na, wọ reyọ ọkpọ mie ayen kuwevwi rẹ ọsẹ yena kuọkpọ, kuosun yena kuọkpọ kirobo rẹ uwevwi rẹ esẹ rayen epha, ekpọ ihwivẹ, Si odẹ rẹ ohwo ọvuọvo phihọ ọkpọ rọye,

Urhi Rivẹ 17:14

Ọke wọ de rhi te otọ rẹ Ọrovwohwo Ọghẹnẹ wẹn kẹ wẹ na, wọ da reyọ nu wọ diare, wọ da tanẹ, Me vwẹ ovie mu vwẹ enu mẹ, ketẹ ẹghotho re riariẹ ovwẹ phihọ na;

Joshua 24:1

Etiyin Joshua de se orua rẹ Izrẹl koko vwi Shekẹm o de se ekpako na, igbuyovwi na, iguẹdjọ na, kugbe inotu rẹ Izrẹl; ayen da vwẹ oma rẹ ayen phia kẹ Ọghẹnẹ.

Iguẹdjọ 8:23

Gidiọn da ta kẹ ayen nẹ, Mi che sun ovwa-an, ọmọ me rẹ ọshare che sun ovwa-an; Ọrovwohwo na ri che sun ovwan.

1 Samuẹl 10:20

Etiyin Samuẹl da ghwẹ orua rẹ Izrẹl na ejobi kẹre oma, itẹ de mu orua ri Bẹnjamin.

1 Samuẹl 12:12

Wa vwọ mrẹ nẹ Nahash ovie rẹ ihwo rẹ Ammọn kpare ohọnre vwọ so ovwan, wa da ta kẹ vwẹ, ẹjo, ẹkẹvuọvo ma guọnọ ovie ro sun avwanre, vwẹ ọke rẹ Ọrovwohwo rẹ Ọghẹnẹ rẹ ovwan vwọ hẹ ovie rẹ ovwan.

1 Samuẹl 14:23

Etiyin Ọrovwohwo de sivwi Izrẹl vwẹ ẹdẹ yena; ofovwi na da ghworiẹ kpo abọ oboyi ri Bẹtavẹn.

1 Samuẹl 14:38

Sọl da ta, Yanrhe obonẹ, ovwan isun rẹ ihwo na; we ni re wa riẹn obo rẹ umwemwu nana ru wan rhe nonẹ na.

1 Samuẹl 3:21

Ọrovwohwo da rhoma vwẹ oma phia vwi Shiloh, kidie Ọrovwohwo vwẹ oma rọye phia kẹ Samuẹl vwi Shiloh vwẹ oma rẹ ota rẹ Ọrovwohwo na.

1 Samuẹl 4:1

Ota ri Samuẹl de bru Izrẹl ejobi rhe. Asakiephana Izrẹl vi Filistia ki phiẹ ofovwi; ayen de mu erhọn phihọ Ebẹnezar ihwo ri Filistia de rhe mu erhọn phihọ Afẹk.

1 Samuẹl 8:19

Ẹkẹvuọvo ihwo na rha davwerhọ ri Samuelu-u; ayen da ta, Ẹjo, ẹkẹvuọvo avwanre guọnọ ovie ro sun avwanre,

1 Samuẹl 8:5

ayen da ta kẹ, Nighe, wọ ghwore yẹ emọ wẹn yan nene idjerhe wẹ-ẹn: Asakiephana gba vwẹ ovie mu kẹ avwanre ro sun avwanre kerẹ ẹgborho ri chekọ na ejobi