1 Samuẹl 10:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Ọke rẹ ihwo re riẹnre jovwo vwọ mrẹ obo rọ vẹ emraro na mraro, ihwo na da ta kẹ ohwohwo, Die re phia kẹ ọmọ ri Kish? Sọl ji usun rẹ emraro na rhe?

1 Samuẹl 10:11 ပူးပေါင်းရင်းမြစ်များ

Emọs 7:14

Etiyin Emọs da kpahe kẹ Amazaya, Me dia ọmraro-o, yẹrẹ ọmọ rẹ ọmraro-o, ẹkẹvuọvo uchuru mi churẹ vẹ ohwo rọ vwẹ ẹro te irhe ri sikamọ,

Emọs 7:15

Ọrovwohwo dẹ fru vwẹ reyọ nẹ mi gbi nene igegede-e, Ọrovwohwo da ta kẹ vwẹ, yanran ra mraro kẹ ihwo mẹ Izrẹl.

Iyẹnrẹ Esiri ri Jọn 7:15

Ọ de gbe ihwo ri Ju na unu, tanẹ, Mavọ ohwo nana vwo vwo erianriẹn, yo ji kpo uyono dẹvo-o?

Iruo rẹ Iyinkọn na 3:10

de vughe nẹ ọye ohwo ọvo ro tidia, yare emu vwẹ Anurhoro rẹ Erhuvwu rẹ uwevwi rẹ ẹga na; obo re phia kẹ na de gbe ayen unu o de ji mu ayen oshọ gangan.

Iruo rẹ Iyinkọn na 4:13

Asakiephana rẹ ayen vwọ mrẹ udu ri Pita kugbe Jọn, rẹ ayen ke rha mrẹ vughe nẹ e yono aye-en, nẹ ayen ihwo ghevweghe, o de gbe ayen unu; ayen da mrẹ vughe nẹ ayen vi Jesu gba dia jovwo.

Iruo rẹ Iyinkọn na 9:21

Otu ri nyoro ejobi o de gbe ayen unu, ayen da ta, Ọ dia ọshare nana ri kpokpo ihwo ri se odẹ nana vwo obi Jerusalẹm? Iroro ọvuọvo na ọ vwọ rhe obonẹ na rere o rhi mu ihwo gba vwo rhe irherẹn ride na.

1 Samuẹl 19:24

Ọ da je sanvwe emwa rọye nu, o da mraro rhe vwẹ obaro ri Samuel, ọ da ban phihọ shevwerhẹ vwẹ uvo yena ejobi kugbe ason yena ejobi. Kẹ ọye nẹrhẹ a tanẹ, Sọl je hẹ usun rẹ emraro na?