1 Samuẹl 10:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Etiyin Samuẹl da reyẹ ukoko rẹ evwri o de kuo ku uyovwi rọye, ọ da fiọnfiọn unu ọ da ta, ọ dianẹ Ọrovwohwo re vwẹ evwri ghworo uwe nẹ wọ dia ovie vwẹ enu rẹ ihwo rọye Izrẹl? Ku wọ re vwẹ enu rẹ ihwo rẹ Ọrovwohwo na ku wo sivwi ayen nẹ obọ re ivwighrẹ re riariẹ ayen phihọ na. Ọnana kọ dia oka kẹ wẹ nẹ Ọrovwohwo ghine vwẹ evwri ghworo uwe nẹ wọ dia ovie vwẹ enu rẹ ughwẹ rọye.

1 Samuẹl 10:1 ပူးပေါင်းရင်းမြစ်များ

2 Samuẹl 1:14

Devid da ta kẹ Mavọ oshọ vwo ju we emuo wọ vwọ riẹn obọ wẹn vwo hwe ohwo rẹ Ọrovwohwo vwo mu ovie?

2 Samuẹl 19:39

Kẹsiẹye ihwo na ejobi ke shariẹ urhie na, ovie da shariẹ; ovie da fiọnfiọn Barzillai unu ọ da vwẹ ẹrhovwo kẹ o de rhivwi kpo uwevwi rọye.

2 Samuẹl 20:19

Mẹvwẹ, ọvo vwẹ usun rẹ ihwo ri furu ri fuevun vwẹ Izrẹl na; wọ guọnọ guọghọ orere rọ dia oni vwẹ Izrẹl; die wo vwo mu uku rẹ Ọrovwohwo rọ?

2 Samuẹl 5:2

Dẹvure, rẹ Sọl vwọ hẹ ovie vwẹ enu rẹ avwanre, we ri je sun Izrẹl ruafe, we ji sun ayen ro uwevwi. Ọrovwohwo da ta kẹ wẹ, Wẹ re cha dia osuigodẹ rẹ ihwo mẹ Izrẹl; wẹ re je cha dia ovie vwẹ enu rẹ Izrẹl.

1 Ivie 1:34

re we jẹn Zadọk orherẹn na kugbe Netan rẹ ọmraro na vwẹ evwri gbworo rọ dia ovie vwẹ Izrẹl; re we hworo owanre, tanẹ, Ẹ jẹn Ovie Solomọn tọn bẹdẹ.

1 Ivie 19:18

Dede na yi mi che jẹ ihwo uriori ighwrẹ vwo vwẹ Izrẹl, igbo ejobi ri ji diguẹ ki Baal dẹvo-o, kugbe unu kunu rọ jẹ fiọnfiọn dẹvo-o.

Ivie rẹ Ivẹ 20:5

Rhivwi yanran wọ ta kẹ Hẹzikaya, ovie rẹ ihwo mẹ, Enẹ Ọrovwohwo, Ọghẹnẹ ri Devid ọsẹ wẹn tare. Mi nyo orẹ wẹn, Mi nyo oviẹ wẹn, nighe, Mi che sivwi uwe; ẹdẹ rerha ku wo kpo uwevwi rẹ Ọrovwohwo.

Ivie rẹ Ivẹ 9:1

Etiyin Ilaesha, ọmraro na de se ọvo vwẹ emọ rẹ emraro na, ọ da ta Chobiẹ amwa wẹn, wọ rẹyọ ukoko rẹ evwri nana vwẹ obọ wẹn, re wọ yanran kpo Ramọt-giliad.

Ivie rẹ Ivẹ 9:12

Ayen da ta, Ọyena dia uyota-a, Ta kẹ avwanre asakiephana, ọ da ta, Enẹ gbe enẹ ọ ta kẹ vwẹ, tanẹ Enẹ Ọrovwohwo tare, Me vwẹ evwri ghworo uwe rere wọ dia ovie vwẹ enu rẹ Izrẹl.

Une rẹ Ejiro 135:4

Kidie Ọrovwohwo jẹ Jekọp reyọ ke oma rọye, Izrẹl kerẹ emuobọ rọye.

Une rẹ Ejiro 2:12

rhe fiọnfiọn awọ rọye, ọ dia eriyin ophu de muo, wọ da ghwọrọ vwẹ idjerhe na, kidie ophu rọye cha tua. Ebruba kẹ ohwo rọ dje si oma nu vwẹ evun rọye.

Une rẹ Ejiro 78:71

rọ ghẹre igodẹ vẹ emọ boba ri vwiẹ kẹ rọ dia osuigegede ri Jekọp ihwo rọye, rẹ Izrẹl ireuku rọye.

Ẹyano 30:23

reyọ irienrien ri me yovwi: ọ rẹ ame rẹ adjija shekẹl ujori iyori ọ rẹ egẹn ro gbo ọnrhe ororo ujori ivẹ gbẹ ujuvẹ gbẹ ihwe, kugbe awọ rẹ erhẹvwo ujori ivẹ gbẹ ujuvẹ gbẹ ihwe,

Jerimaya 10:16

Ọ ro vwo ẹkẹn vwi Jekọp sa họhọ enana-a fikiridie ọye ma imu ejobi, Izrẹl kẹ orua rẹ Ukuẹriọ rọye, Ọrovwohwo rẹ otuofovwi na ọye odẹ rọyẹ.

Izikiẹl 16:13

Kẹ enẹ a vwẹ oro vẹ idọnọ vwọ rhuẹrẹ owẹ oma, ewun wẹn kẹ omamọ rẹ ukpoyibo, vẹ esada, kugbe emwa re rhuori, wọ da re omamọ rẹ eyagha rẹ ọka vẹ ọnyọn kugbe evwri. Wọ da rhe rho yoyovwi, wo de rhi te ẹdia rẹ uvie.

Hosia 13:2

Asakiephana kẹ ayen ruẹ umwemwu buẹ phihọ, ayen de duvwu oma ra wranre kẹ oma rẹ ayen, oma ra vwẹ idọnọ efuanfon vwo ru re bru ona phihọ, ayen ejobi iruo rẹ ọwena. We ze izobo kẹ enana, ayen me ta, ihwo ke fiọnfiọn ema rẹ irhuẹn unu!

Iruo rẹ Iyinkọn na 13:21

Etiyin ayen da nọ ekpẹn rẹ ovie; Ọghẹnẹ da vwẹ Sọl rẹ ọmọ ri Kish vwo mu kẹ ayen, ohwo rẹ uvwiẹ ri Benjamin, o de sun ayen ikpe ujuvẹ.

Urhi Rivẹ 32:9

Kidie ẹkẹn rẹ Ọrovwohwo ọye ihwo rọye, Jekọp ọye ẹkẹn uku rọye.

1 Tẹsalonaika 5:26

Wa vwẹ unu efiọnfiọn ọfuanfon yere imoni na ejobi.

Hibru 2:10

Kidie o fori nẹ ọye, ra ma emu na ejobi kẹ na, rẹ emu na ejobi vwọ herọ na, sa vwọ reyọ emọ na vwo kpo urinrin, rere e sa dia ekobaro rẹ esivwo rayen na vwẹ oma rẹ oja rọ rere.

Ẹvwọphia 5:8

Ọke rọ vwọ reyọ ọbe na nu eranvwe ekpokpọ ẹne na kugbe ekpako uje gbe ẹne na de she diguẹ vwẹ obaro rẹ Omogodẹ na, ọvuọvo yọnrọn isorogu, kugbe udjokpo rẹ oro rọ vọnre vẹ ugboduma, keye hẹ ẹrhovwo rẹ ihwo efuanfon na;

1 Samuẹl 12:3

Mẹvwẹ na; we gbe se oseri mu vwe vwẹ obaro rẹ Ọrovwohwo kugbe obaro rẹ ohwo ra vwẹ evwri te. Ono ri vwo erhuẹn ọshare ri mi muru? Eyẹ konọ vwo ekẹtẹkẹrẹ ri mi muru? Eyẹ kono me ghwarẹ? Ono mi shenyẹ? Eyẹ kono me re udi mie ro rhu vwẹ ẹro? We se oseri hwe vwe re me rhan ayen rhivwi kẹ ovwan.

1 Samuẹl 13:14

Ẹkẹvuọvo Asakiephana uvie wẹn gbe cha tọ-ọn; Ọrovwohwo mrẹ ohwo ọfa ro jere nure; Ọrovwohwo ji vwo mu nẹ ọ dia ovie vwẹ enu rẹ ihwo rọye nure, kidie wọ yọnrọn urhi rẹ Ọrovwohwo ji kẹ wẹ-ẹ.

1 Samuẹl 15:1

Samuẹl da ta kẹ Sọl, Ọrovwohwo ji vwe rhe nẹ me vwẹ evwri ghworo uwe ru wọ dia ovie vwẹ enu rẹ ihwo rọye Izrẹl; Asakiephana gba kerhọ rẹ eta rẹ Ọrovwohwo na.

1 Samuẹl 15:17

Samuẹl da ta, Dede na wọ havwere vwẹ ẹro wẹn, o dia owẹ olori rẹ Izrẹl na-a? Ọrovwobwo vwẹ evwri ghworo uwe nẹ wọ dia ovie vwẹ Izrẹl.

1 Samuẹl 16:1

Ọrovwohwo da ta kẹ Samuel, Mavọ wo vwerhi Sọl kri te, yu wọ mrẹre nẹ Me senrọ nọ dia ovie vwẹ Izrẹli-i? Ku evwri phihọ ukoko wẹn, wọ yanran; mi ji we bru Jesse ohwo ri Bẹtlẹhẹm, kidie Me sanọ ovie kẹ oma mẹ vwẹ ohri rẹ emọ rọye nure.

1 Samuẹl 16:13

Etiyin Samuẹl da reyọ ukoko rẹ evwri na, ọ da vwẹ evwri ghworo vwẹ uherevie rẹ iniọvo rọye; Erhi rẹ Ọrovwohwo de ghwe mu Devid gele nẹ ẹdẹ yena yanran. Samuẹl vrẹnri, o de kpo Ramah.

1 Samuẹl 2:10

Ivwighrẹn rẹ Ọrovwohwo ejobi ka ghwọrọ ayen vworo vworo; enu kọ cha van ku ayen. Ọrovwohwo che guẹdjọ rẹ oba rẹ akpọ na; ọ cha vwẹ ogangan kẹ ivie rọye, ọ me rha kpare ogangan rẹ ọ rọ jẹreyọ na kpenu.

1 Samuẹl 24:6

Ọ da ta kẹ ihwo rọye, Ọrovwohwo gba ri mi vwo ru emu nana kẹ ọrovwovwe ohwo rẹ Ọrovwohwo vwẹ evwri ghworo, re me vwẹ obọ te, yẹ me riẹnre nẹ Ọrovwohwo vwẹ evwri te nure.

1 Samuẹl 26:11

Ọrovwohwo gha re me vwọ vwẹ obọ mẹ te ohwo rẹ Ọrovwohwo vwẹ evwri ghworo; ẹkẹvuọvo gba reyọ ubiri rọ hẹ asan uyovwi rọye na, kugbe ọtoto rẹ ame na rẹ a yanran.

1 Samuẹl 26:9

Ẹkẹvuọvo Devid da ta kẹ Abishai, Wo hwee; kono sa vwẹ obọ te ohwo rẹ Ọrovwohwo vwẹ evwri ghworo nure, ro de jẹ abe ẹriọ?

1 Samuẹl 8:19

Ẹkẹvuọvo ihwo na rha davwerhọ ri Samuelu-u; ayen da ta, Ẹjo, ẹkẹvuọvo avwanre guọnọ ovie ro sun avwanre,

1 Samuẹl 8:9

Asakiephana, kerhọ rẹ ayen; takpe, jomaotọ vwẹ ayen; ru wo dje kẹ ayen idjerhe rọ ovie ro che sun ayen na.

1 Samuẹl 9:16

Odẹ rọ cha vwẹ oghẹre rẹ ọke etiọna mi che ji ohwo ọvo nẹ otọ ri Bẹnjamin bru we rhe, ku wọ vwẹ evwri te rọ dia oviẹ vwe enu rẹ ihwo mẹ Izrẹl. Ko sivwi ihwo mẹ nẹ obọ rẹ ihwo ri Filistia, kidie Me mrẹ oma ẹlaghọ rẹ ihwo mẹ, fikiridie oviẹ rayen rhi te vwẹ oma re.

1 Samuẹl 9:27

Rẹ ayen che vwo te ughere rẹ orere na, Samuẹl da ta kẹ Sọl, Ta kẹ odibo na rọ yan hẹ obaro kẹ avwanre, ọke rọ da wan nu gbe mudia etinẹ emerha, re me vuẹ wẹ uwevwi rẹ Ọghẹnẹ ji vwe.