1 Samuẹl 1:24 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁴ Ọke ro vwo brevie nu, o de muo, ọ da reyọ erhuẹn ọshare rẹ ikpe erha, iputusẹ rẹ ọka ra nọre, kugbe ọgọ rẹ udi; ọ da reyọ rhe uwevwi rẹ Ọrovwohwo vwi Shiloh; yẹ ọmọ na je hẹ omotete.

1 Samuẹl 1:24 ပူးပေါင်းရင်းမြစ်များ

Jẹnẹsis 21:8

Ọmọ na da rhe rho, o de rhi bro evie; Ebraham de rhi chere emu buebu vwẹ ẹdẹ rẹ Aizik vwo bru evie nu.

1 Ivie 11:20

ọniọvo ri Tafenis aye rẹ ovie de vwiẹ Genubat ọmọshare kẹ, ri Tafenis ghẹrẹ vwẹ uwevwi ri Fero; Genubat da hẹ uwevwi ri Fero vwẹ ohri rẹ emọ ri Fero,

Matiu 13:33

Ọ da rhoma kpe itẹ ọfa kẹ ayen nẹ, Uvie rẹ odjuvwu họhọ ekuọka rẹ aye phare phihọ ọko erha, i de rhi phu tututu.

Urhi Rivẹ 12:11

kẹsiẹye o ki rhi re te asan rẹ Ọrovwohwo Ọghẹnẹ rẹ ovwan sanọre nẹ odẹ rọye dia Etiyin na, Etiyin wa ghwẹ irhi mi ji iji kẹ ovwan na rhe; izobo ra torhẹre rẹ ovwan, vẹ izobo rẹ ovwan vẹ abọvo rẹ ẹkẹn ihwe rẹ emu rẹ ovwan, vẹ osa ẹhwa rẹ obọ rẹ ovwan, vẹ omamọ rẹ ive ri we veri kẹ Ọrovwohwo na.

Urhi Rivẹ 16:16

Asiarha ẹgbukpe eshare ejobi rẹ ovwan vwẹ oma phia kẹ Ọrovwohwo rẹ Ọghẹnẹ rẹ ovwan vwẹ asan rọ sanọre; vwẹ orẹ rẹ ikara ro jephuo, vwẹ orẹ rẹ ẹdidjala kugbe orẹ rẹ egarivi. Wa vwẹ abọ ofefe phia vwẹ obaro rẹ Ọrovwohwo-o;

Joshua 18:1

Etiyin ukoko rẹ ihwo rẹ Izrẹl ejobi da rhe ghwẹ koko vwi Shiloh, ayen da gba utughẹ ra da vwa oma phihọ etiyin; yẹ ayen phi otọ na ejobi kua nure.