1 Samuẹl 1:22 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²² Ẹkẹvuọvo Hanah gbe ra-a, kidie ọ ta kẹ ọshare rọye, Ọmọ na de brevie nu, ke me reyọ rhe, rọ ra vwẹ oma phia kẹ Ọrovwohwo, rere ọ dia etiyin bẹdẹ.

1 Samuẹl 1:22 ပူးပေါင်းရင်းမြစ်များ

Une rẹ Ejiro 110:4

Ọrovwohwo na duvwu iyori nure o gbi che ku unu rọye rhẹriẹ-ẹ, Wẹ orherẹn rhiri bẹdẹ kirobo rẹ urhi ri Melkizedek epha.

Une rẹ Ejiro 23:6

Uyota erhuvwu vẹ arodọvwẹ che nene uvwe vwẹ ẹdẹ rẹ akpọ mẹ ejobi; ke me dia uwevwi rẹ Ọrovwohwo bẹdẹ.

Une rẹ Ejiro 27:4

Emu ọvo me nọ vwẹ obọ rẹ Ọrovwohwo, re me guọnọ; re me sa vwọ dia uwevwi rẹ Ọrovwohwo, vwẹ ẹdẹ rẹ akpọ mẹ ejobi, re mi e ni erhuvwu rẹ Ọrovwohwo na, rere me agọlọ vwẹ uwevwi rọye.

Ẹyano 21:6

etiyin onini rọye kọ rọye vwo rhe Ọghẹnẹ, ọ me rọye rhe anurhoro eyẹ ẹchẹ rẹ uwevwi na, onini rọye me vwẹ isapara rharhe erhọn rọye, kọ ga bẹdẹ.

Aizaya 9:7

Obuebu rẹ isuesun rọye vẹ ufuoma rọye se vwo oba-a vwe enu rẹ ekete ri Devid, kugbe enu rẹ uvie rọye, rọ tọn phihọ, rọ yọnrọn vwẹ ọsoso vẹ ọvwata ne ọke nana yanran rhiri bẹdẹ. Oruru rẹ Ọrovwohwo rẹ otuofovwi na yi ri ru ọna.

Livitikọs 25:23

A sa shẹ otọ na bẹdẹ-ẹ, kidie otọ na ọ mẹ, kidie ovwan erhorha mẹ ve ihwo ri nene uvwe dia.

Iyẹnrẹ Esiri ri Luk 2:22

Rẹ ọke rẹ ẹdẹ rẹ orufuọn rayen vwo re kirobo rẹ urhi ri Mosis epha, ayen de muo rhe Jerusalẹm re vwọ phia kẹ Ọrovwohwo,

Urhi Rivẹ 16:16

Asiarha ẹgbukpe eshare ejobi rẹ ovwan vwẹ oma phia kẹ Ọrovwohwo rẹ Ọghẹnẹ rẹ ovwan vwẹ asan rọ sanọre; vwẹ orẹ rẹ ikara ro jephuo, vwẹ orẹ rẹ ẹdidjala kugbe orẹ rẹ egarivi. Wa vwẹ abọ ofefe phia vwẹ obaro rẹ Ọrovwohwo-o;

Joshua 4:7

Ku wọ ta kẹ ayen nẹ ame ri Jọdan ghare ibro ivẹ vwẹ obaro rẹ ekpeti rẹ ọphọ rẹ Ọrovwohwo na; ọke rọ vwọ wan Jọdan vrẹn, ame ri Jọdan da ghare ibro ivẹ. Ọtiọye na ibieragha nana ke cha dia kẹ ihwo rẹ Izrẹl ẹkarophihọ bẹdẹ.

1 Samuẹl 1:11

Etiyin o de ve ive ọ da ta, E Ọrovwohwo rẹ otuofovwi, wo de ghine ni oma ẹlaghọ rẹ odibo wẹn rẹ wọ da karohọ ovwẹ odibo wẹn rẹ ọmọtẹ rha chọrọ owẹ ẹro-o, ẹkẹvuọvo wọ da kẹ odibo wẹn rẹ ọmọtẹ ọmọ, ke me vwọ kẹ Ọrovwohwo vwẹ ẹdẹ rẹ akpọ rọye ejobi, anre rhe te uyovwi rọye-e.

1 Samuẹl 1:28

Fiki rẹ ọtiọye na mi siobọ no kẹ Ọrovwohwo; uchọke ro dia akpọ na krite, mi siobọ no kẹ Ọrovwohwo. Ayen da ga Ọrovwohwo vwẹ etiyin.

1 Samuẹl 13:13

Samuẹl da ta kẹ Sọl, Wo ru emu rẹ ẹkpa gangan; wọ sa yọnrọn urhi rẹ Ọrovwohwo Ọghẹnẹ wẹ-ẹn; ro ji kẹ wẹ; manẹ Asakiephana yẹ uvie wẹn ka ghwaotọ kokoroko vwẹ Izrẹl bẹdẹ,

1 Samuẹl 2:11

Etiyin Ẹlkanah da yanran kpo Ramah. Ọmọ na de gbe odibo kẹ Ọrovwohwo na, vwẹ irharo rẹ Eli rẹ orherẹn na.

1 Samuẹl 2:18

Samuẹl re gbe odibo vwẹ obaro rẹ Ọrovwohwo, omotete ro ku ibuluku re esada phihọ.

1 Samuẹl 28:2

Devid da ta kẹ Akish, Gangan vwo, wọ cha riẹn obo rẹ odibo wẹn se ru. Akish da ta kẹ Devid, oshehọ, ke me vwẹ owẹ ru ohwo rọ rhẹrẹ ekpuyovwi mẹ bẹdẹ.

1 Samuẹl 3:1

Asakiephana ọmọ re se Samuẹl na re gbe odibo kẹ Ọrovwohwo vwẹ otọ rẹ Eli. Ota rẹ Ọrovwohwo da kare vwẹ Izrẹl vwẹ ọke yena; a gbe sa mrẹ emramrẹ phẹphẹre-e.