1 Samuẹl 1:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² O vwo eya ivẹ; odẹ rẹ ọvo Hanah, odẹ rẹ ọrivẹ Peninah. Peninah de vwiẹ emọ, ẹkẹvuọvo Hanah vwiẹri-i.

1 Samuẹl 1:2 ပူးပေါင်းရင်းမြစ်များ

Jẹnẹsis 11:30

Serai kẹ ẹga, o vwiẹ ọmọ-ọ.

Jẹnẹsis 25:21

Aizik da nẹ ẹrhovwo kẹ Ọghẹnẹ fiki rẹ aye rọye, kidie ẹga oruẹ, Ọrovwohwo de nyo ẹrhovwo rọye, Rebeka rẹ aye rọye da rhi mrevun.

Jẹnẹsis 29:31

Ọke rẹ Ọrovwohwo vwọ mrẹ nẹ ivun ri Leah sa vwerhe Jekọp te-e, o de rhie urhoro rẹ emọ kẹ, ẹkẹvuọvo Rachel kẹ ẹga.

Jẹnẹsis 4:19

Lamẹk da reyọ eya ivẹ, odẹ rẹ ọvo kẹ Ada, odẹ rẹ ọrivẹ ki Zila

Jẹnẹsis 4:23

Lamẹk da ta kẹ eya rọye: Ada vi Zila nyo urhuru mẹ, ovwan eya ri Lamẹk kerhọ rẹ obo re Me ta. Mi hwe ohwo rọ wan vwẹ oma, emeghene rọ ghwiẹ vwẹ.

Matiu 19:8

Ọ da ta kẹ ayen nẹ, fiki rẹ udu ọgangan rẹ ovwan Mosis vwo ji urhi na nẹ we siobọ nẹ aye rẹ ovwan; ẹkẹvuọvo notọrhe ọ dia ọtiọye-e.

Iyẹnrẹ Esiri ri Luk 1:7

Ayen gbi vwo ọmọ-ọ, ẹga kọye ese ayen, ayen ivẹ na je kpako re.

Iyẹnrẹ Esiri ri Luk 2:36

Aye ọvo herọ Anna ọmraro, ọmọ ri Fanuẹl, ọ rẹ uvwiẹ rẹ Asha; ọ ghworo gangan, ikpe ighwrẹ ọvo ọ vẹ ọshare rọvwọ ba nẹ ọke ro vwo chọghọ rhe,

Iguẹdjọ 13:2

Ọshare ọvo da herọ vwi Zọra, ohwo rẹ orua ri Dan, ode rọye Manọa; aye rọye ẹgan o vwo ọmọ-o.

Iguẹdjọ 8:30

Gidiọn de vwo emeshare ujorha gbe ihwe, rọ vwẹ orhẹn rọye vwiẹ, kidie ọ vwo eya buebu