1 Samuẹl 1:19 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁹ Ayen vrẹnri vwẹ irhiọke ayen da ra ga Ọrovwohwo; ayen de rhivwi kpo uwevwi rayen vwi Ramah. Elkanah vẹ aye rọye da mroma, Ọrovwohwo da karophihọ;

1 Samuẹl 1:19 ပူးပေါင်းရင်းမြစ်များ

Jẹnẹsis 21:1

Ọrovwohwo de bru Sera rhe kirobo rọ ta kẹ jovwo, Ọrovwohwo de ru kẹ Sera kirobo ro vẹ kẹ.

Jẹnẹsis 30:22

Ọghẹnẹ ke rhe karohọ Rachel, Ọghẹnẹ de nyo oviẹ rọye o de rhie urhoro rọye.

Jẹnẹsis 4:1

Vwẹ ọke nana Adam da rhe riẹn aye rọye Ivi, ọ da mrevun o de vwiẹ Ken, tanẹ, Mi vwiẹ ohwo vwẹ ọchuko rẹ Ọrovwohwo.

Jẹnẹsis 8:1

Ẹkẹvuọvo Ọghẹnẹ da rhe karohọ Noa vẹ eranvwe rẹ aghwa na ejobi kugbe uchuru ejobi re vẹ ọye gba ro evun rẹ okọ na Ọghẹnẹ da vwẹ odju rhe nẹ o gbe dju enu rẹ akpọ na, ame na de rhi rhirẹn,

Ivie rẹ Ivẹ 4:17

Ẹkẹvuọvo aye na da mrevun, o de vwiẹ ọmọshare vwẹ oma rẹ ọke yena rọ kpahe ọke evwru, kirobo rẹ Ilaesha ta kẹ.

Une rẹ Ejiro 119:147

Mi de vrẹn vwẹ irhiọke ride kperi kẹ ọchuko; mi phi ẹro phihọ eta wẹn

Une rẹ Ejiro 136:23

Ọye ohwo rọ karohọ obo rẹ avwanre kpotọ te, kidie ẹguọnọ rọye ro jẹ rhẹriẹ na dia rhiri bẹdẹ.

Une rẹ Ejiro 25:7

Wọ karọhọ umwemwu rẹ ọkeemọ mẹ-ẹ, eyẹ ọgbeku mẹ na-a; kirobo re ẹguọnọ wẹn rọ rhẹriẹ-ẹ epha karohọ ovwẹ, fiki rẹ erhuvwu wẹn, E Ọrovwohwo!

Une rẹ Ejiro 5:3

E Ọrovwohwo, vwẹ irhiọke wo nyo urhuru mẹ, vwẹ irhiọke mi ze izobo kẹ wẹ, je me rhẹrẹ.

Une rẹ Ejiro 55:17

Ovwọnvwọn kugbe irhiọke kugbe oghẹruvo Me nẹ iyẹnrẹn mẹ kugbe enuebro mẹ, ko nyo urhuru mẹ.

Iyẹnrẹ Esiri ri Mak 1:35

Vwẹ irhiọke ride, tavwe rẹ ọke ki ri rhie o de vrẹn kpo asan ofuefu ofuefu, kẹ etiyin ọ da ra nẹ ẹrhovwo.

Iyẹnrẹ Esiri ri Luk 23:42

Ọ da ta, Jesu karohọ ovwẹ vwẹ ọke wo de te uvie rẹ ogangan wẹn na.

Joshua 18:25

Gibeọn, Ramah, Beerot,

1 Samuẹl 1:1

Ọshare ọvo herọ vwi Ramataim-zophim vwẹ obo orho rẹ ugbenu rẹ Ifrem, re se odẹ rọye Elkanah, ọmọ rẹ Elihu, rẹ ọmọ ri Tohu, rẹ ọmọ ri Zuf, ohwo rẹ Ifrem.

1 Samuẹl 1:11

Etiyin o de ve ive ọ da ta, E Ọrovwohwo rẹ otuofovwi, wo de ghine ni oma ẹlaghọ rẹ odibo wẹn rẹ wọ da karohọ ovwẹ odibo wẹn rẹ ọmọtẹ rha chọrọ owẹ ẹro-o, ẹkẹvuọvo wọ da kẹ odibo wẹn rẹ ọmọtẹ ọmọ, ke me vwọ kẹ Ọrovwohwo vwẹ ẹdẹ rẹ akpọ rọye ejobi, anre rhe te uyovwi rọye-e.

1 Samuẹl 15:34

Etiyin Samuẹl de rhivwi kpo Ramah; Sọl da yanran kpo uwevwi rọye vwi Gibeah ri Sọl.

1 Samuẹl 16:13

Etiyin Samuẹl da reyọ ukoko rẹ evwri na, ọ da vwẹ evwri ghworo vwẹ uherevie rẹ iniọvo rọye; Erhi rẹ Ọrovwohwo de ghwe mu Devid gele nẹ ẹdẹ yena yanran. Samuẹl vrẹnri, o de kpo Ramah.

1 Samuẹl 19:18

Asakiephana ri Devid vwọ djẹ vabọ nu, o de bru Samuẹl rhe vwi Ramah, o de gbe ikun rẹ obo ri Sọl ruru kẹ. Te ọye te Samuẹl da yanran ra dia Naiot.

1 Samuẹl 2:11

Etiyin Ẹlkanah da yanran kpo Ramah. Ọmọ na de gbe odibo kẹ Ọrovwohwo na, vwẹ irharo rẹ Eli rẹ orherẹn na.

1 Samuẹl 25:1

Asakiephana Samuẹl de rhi ghwu; Izrẹl ejobi da ghwẹ koko rhe viẹ, ayen de sho phihọ uwevwi rọye vwi Ramah. Etiyin Devid vrẹnri ọ da yanran kpo aghwa ri Paran.

1 Samuẹl 7:17

Ọ mi rhe rhivwi rhe Ramah, kidie etiyin uwevwi rọye epha, kẹ etiyin o de suẹn Izrẹl. Ọ da so agbada kẹ Ọrovwohwo vwẹ Etiyin.

1 Samuẹl 8:4

Etiyin ekpako rẹ Izrẹl ejobi da ghwẹ koko bru Samuẹl rhe vwi Ramah,

1 Samuẹl 9:26

Rẹ ọke vwo rhie Samuẹl de se Sọl vwẹ obo okpo rẹ uwevwi na, Vrẹn, re mi sun we kpo. Etiyin Sọl de vrẹn, te ọye te Samuẹl da yan ro evun rẹ urhuvwu.