1 Samuẹl 1:18 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁸ ọ da ta, Jẹn odibo wẹn rẹ ọmọtẹ mrẹ aroesiri vwẹ obọ wẹ. Etiyin aye na da yanran ọ da re emu, o gbi mu oma phihọ ọfa-a.

1 Samuẹl 1:18 ပူးပေါင်းရင်းမြစ်များ

Jẹnẹsis 32:5

mi vwo irhuẹn, ekẹtẹkẹtẹ, uchuru, idibo rẹ eshare, idibo rẹ emetẹ, ki mi ji ihwo rhe ta kẹ ọrovwovwe, se Me sa mrẹ aruesiri vwẹ obọ wẹn.

Jẹnẹsis 32:6

Ikọ na de rhivwi bru Jekọp rhe tanẹ, Avwanre te asan rẹ oniọvo wẹn Isọ, okpuyovwi rọye cha vwa wẹ, kugbe ihwo uri ivẹ ri nenire.

Jẹnẹsis 33:15

Etiyin Isọ da ta, Gbe ju vwe yan jẹn ihwo mẹ ẹvo vwo kẹ wẹ. Ẹkẹvuọvo ọ da ta, Kidie Me vwẹ ayen ru? Ju vwe mrẹ ivuavwerhe vwẹ obaro rẹ ọrovwovwe.

Jẹnẹsis 33:8

Isọ da ta, Kidie a vwẹ usun nana ejobi na re Me vware na vwo ru? Jekọp da kpahe, Re Me vwọ mrẹ aroesiri vwẹ obaro rẹ ọrovwovwe.

Une rẹ Ejiro 34:6

Ovwiogbere nana kperi se, Ọrovwohwo de nyo kẹ, o de sivwo nẹ ukpokpogho rọye ejobi.

Aghwoghwo 9:7

Yanran, ra re ikara wẹn vẹ aghọghọ, rere wọ da udi wẹn vẹ omavwerhvwẹ vwẹ udu, kidie Ọghẹnẹ phi obọ phihọ obo wo ruru.

Iyẹnrẹ Esiri ri Jọn 16:24

Rhi te ọke nana ovwan je nọ emuọvo vwẹ odẹ mẹ-ẹ; nọ, kẹ ovwan mrẹ reyọ, rere aghọghọ rẹ ovwan vwọ vọn.

Ọbe ri Pọl si rhe Ihwo ri Rom 15:13

Gbe jẹn Ọghẹnẹ rẹ iphiẹrohọ vọn udu rẹ ovwan vẹ aghọghọ kugbe ufuoma rẹ esegbuyota, rere vwẹ ogangan rẹ Erhi Ọfuanfon na ovwan vwo se bu phihọ vwẹ iphiẹrohọ.

Rutu 2:13

Etiyin ọ da ta, Wo nẹ arodọrvwe kẹ vwẹ gangan, Ọrovwovwe, kidie wo bru vwe uche wọ da ta ota rẹ aruẹdọ kẹ ọmọtẹ wẹn, je me dia ọvo vwẹ usun rẹ idibo wẹn rẹ emetẹ-ẹ.

Rutu 2:2

Etiyin Rutu rẹ ohwo ri Moab na da ta kẹ Naomi, Jẹn uvwe yanran kpo udju ọke nana, rere mi re gbugbo rẹ ọka rẹ ọghwẹrẹ re me cha mrẹ ẹroesiri vwẹ obọ rọye. Etiyin ọ da ta kẹ, Yanran, ọmọtẹ mẹ.